آيسكريم مانجو والا طبقات مشكلة ... انتي وذوقك

هلا حبايبي شخباركم

طبعا هذي اول مرة اشارك فيها بهالقسم وان شا الله تستفيدون من طريقتي بصنع الايسكريم اهو جدا سهل و تقدرين تطبقينه على اكثر من نوع

نجي للمقادير:

1 كيس دريم ويب

2 علبة قيمر نستله او المراعي

1 كاس جبن صغير عصير مانجو

1 كيس كريم كراميل

2/1 ملعقة صغيرة مربى ( اي نوع مو مشكلة) واذا مافي نفس المقدرا عسل

نجي اللحين للخطوات

تخلطين كل المقادير اللي فوق مع بعض بالخلاط وتضربينهم ضربا مبرحا :22: لمدة خمس او عشر دقايق ..راح تشوفين الخلطة كلها ارتفع مستواها عن قبل اول ماتحسينها انتفخت على طول سكري الخلاط <<< حشى كيكة :hahaha:

وخلاص حطيها بصحن تقديم عميق او حطيها دايركت بصحون التقديم الصغيرة ودخليها الثلاجة وخليها اقل شيء 6 ساعات علشان تتماسك ولازم الثلاجة واذا بغيتيها مثلجة بعد ماتتماسك دخليها الفريز

وصدقوني طعم ولا اروع منه وكأنكم تاكلون اسكريم حقيقي

وتقدرين زينين سطح الاسكريم قبل التقديم بشرائح رفيعة من المانجو

طبعا اللي تبغي تسوي برتقال تقدر تستبدل عصير المانجو بالبرتقال

واي سؤال بخصوص هالاسكريم او نوع ثاني منه بنكهات مختلفة ترى حاضرين

واعطيكم خلطة الطبقات المشكلة لما اشوف الاقبال على اسكريم المانجو :30:

وسلامتكم