السلام عليكم..
أولا احب اشكركم على هذا الموضوع.. أحس فعلا محتاجينه..
ثأنيا: ولدي....,,,؟؟؟؟
عمره سنتين و 8 شهور .. صار لي 8 شهور كل ما اقول ابغي اعلمه قالت لي الوالده بعده صغير .. و المشكله اني اشتغل و اخليه عندها.. يعني لازم توافق تساعدني.. و بعدين كنت حامل و الكل قالي اصبري بعد الولاده احسن..
المهم.. من 3 اسابيع تقريبا قلت خلاص عاد انا اجازة الوضع بتخلص.. ولازم اعلمه قبل ما ارجع الدوام.. اشتريت الكلوت المبطن من مذركير.. و على فكره انا من كان عنده سنتين بس اقعده احيانا في الحمام و افهمه انه بعدين خلاص ما في بامبرز .. و هو يعرف بول و انف .. يعني في تهيئه.. كنت حاطه امل اني ما بتعب وياه.. الصبح شلت البامبرز و لبسته الكلوت و قلتله اليوم بول (اكرمتوا) في الحمام... و كنت معلقه لوحه على باب الحمام مع استكرات على شكل سياره.. و كل ما ادخله الحمام.. (تقريبا كل تص ساعه) اذا عمل شي حطيتله سياره على اللوحه.. استمريت معاه اربع ايام.. شو الي صار.. ؟؟؟؟؟؟؟؟
اذا لحقت عليه و عملها في الحمام اقوله شاطر و ابوسه و احطله سياره.. موضوع السياره و لا هامه .. و لا شده.. و اذا شوي اتأخرت عليه,, يعملها على نفسه و يقعد يلعب عادي و لا كأنه شي.. و اذا اكتشفته و قلتله يالا على الحمام انت اتوسخت و لازم نتغسل.. يقولي لا مو وسخ.. انا الصراحه تعبت لأني عندي اخوه الصغير.. و هو غيور بصوره كبيره منه.. و زايد دلعه ..
انا لاحظته يفهم و لما ادخله الحمام يعرف شو يسوي.. لكنه ما يقولي و ديني , اذا جيت ابغي اوديه يرفض و يقولي لا مافي.. و اذا سواها على نفسه يطنش..
و المشكله الكبيره اني رجعت الدوام.. و الوالده الي الان رافضه تساعدني..
شو الحل في رايكم..
و سوري طولت عليكم.. بس فعلا كنت محتاجه اتكلم مع احد في هذا الموضوع..
هنا ندرب الاطفال عالحمام
متابعة النقاش، صفحة 7