:: ديوانية التوائم :: 2006 - 2007

جنوونة
الله يكتب لج اللي فيه الخير وان شاء الله يشتد الطلق عليج قبل لاتروحين موعدج

آرام
حبيبتي لأنج ما جربتي القيصرية الله لايراويج اياها،، أنا ما أبغي أخرع جنوونة ألحين بس آلامها في أول اسبوع حتى المشي ما تقدرين تمشين غير الغازات والتعب،، وجرح العملية يظل ألمه يروح ويرجع لمدة سنة ،، أما الطبيعي ما شاء الله بس تتحملين وجع الطلق يوم أو يومين قولي ثلاث أيام وبعدين من تولدين خلاص كل شي راح .. الله يكتب الخير لجنوونة ولنا يا رب... ومهما كان المفروض ما نختار القيصري الا اذا كان في وضع طارئ أو حالة البيبي ما تتحمل

عنوان الأمل
حبيبتي انتي في أي اسبوع.. أنا الموعد الأول ما بين انهم توأم في الموعد الثاني بينوا (أعتقد كنت في الاسبوع التاسع أو العاشر)... الله يرزقج اللي في بالج

أنا وياكم،، بنت المشتل،، عراقية 4 مختفيين وينكم؟؟

السلام عليكم
اشلونكم يا حوامل يا رشيقات :)

اختي بحرينيه77
اجرنا واجرج مشكوره حبيبتي عالكلام العسل

عنوان الأمل
مبروك الحمل وانشالله توأم يارب ويفرحون قلبج :)
بس بسألج يوم حللتي مابين عندج نسبة هرمونات الحمل؟؟؟ لأنه من الهرمونات يبين عندج اذا توم ولا لاا واذا عندج ورقة التحاليل اقري كم نسبة هرمونات الحمل واقولج اذا توم ولا لاا ؟ :)

انا يوم حللت المختبر عطاني نتيجة الحمل وكتبلي اني بالاسبوع الثاني وكتب نسبة الهرمونات واتصلت عالدكتور وقالي كم نسبة الهرمونات بنفس الوقت قلتله 357 قالي احتمال كبير اكتر من اتنين ورحتله من ثاني يوم وبين بالسونار

فبقيت أسألكم يا بنات ليش يطولون معاكم ومايقولون لكم اذا فيكم توم ولا من يعطونكم نتيجة الحمل اللي من المختبر يعني كذا مره سمعت من كذا وحده مايعرفون اذا فيهم توم واهما بالثالث ولا بالرابع ودكاترتهم تقول مايبين الا بثالث ولا الرابع غريبه؟؟؟:eek:

أختي ام زوزو وليمونه
والله خرعتوني حرام عليكم :( ياربي شسوي
والله لا عمري جربت لا قيصير ولا طبيعي بكر
بس الله يكتب اللي فيه خير :06: :06:

أختي مجنونة قطر

الله يسهل عليج ولاتنسين تبشرينا اشقالج دكتورج؟؟ :)

أختي ارام
والله انا نفسج ماعمري جربت لا قيصري ولا طبيعي بكر والدكتور قالي عمليه يعني عمليه والبنات خرعوني والمصيبه انه قالي انه انتي ولاده مبكره :(

بس الله يكتب اللي فيه الخير

انا وياكم شلونج ياوخيتي من زمان ماشفتج وينج؟؟
وسلامي للجميع واسمحولي ان ماكتبت بعض الاسامي

وبالنسبه للتسوق كل يوم احسب الاسابيع باقيلي 7 اسابيع وبعدها ابطلع بس شسوي اللقافه فيني فيني ماني قادره اصبر عالسوق ودي اشتري للبيبيات
بس يالله هانت وبالنسبه للخلطات متعيجزه على قولة مجنونه بالنفاس كل شي بنحطه ونطلع نيووو لوووك خخخخ

انا بالنسبة لي جربت القيصري مرتين والمرة الثانية بتوأم

وفي كل المرتين احمد ربي اني سويتها . والحمد لله ألمها صح متعب في البداية بس وقتها منتي مضطرة تقومين بتكونين عند اهلك واكيد هم ماراح يقصرون في شي...
وترى المها مو مثل ماقلتو بالشهور ويوصل للسنة..لا ترا بالكثير ثلاث اسابيع يعني تخلصين الاربعين وانتي ما شاء الله تمام..

وتدرون انا لما كنت حامل بالتوأم كانوا في الحكومي يقولون لي اني لازم احاول اولد طبيعي مع انه احتمال80% ماراح اقدر ( بس لازم اجرب)على قولتهم.....
والحمد لله ربي اختار لي الخير ورحت لمستشفى خاص وقرروا لي عملية لانه خلاص لي اسبوع في التاسع... والحمدلله على كل حال ...تدرون وش قالولي الدكاترة بعد العملية: يقولون لو حاولتي تطلقين لو طلقة وحدة كان جاني انفجار للرحم وبعدين يستأصلونه لان الرحم وصل لمرحلة كبيرة من التمدد وماعاد يتحمل اي مجهود..

يعني سبحان الله كل وحدة تستخير والخيرة فيما اختاره الله..
ولا تحكم على طريقة من خلال كم تجربة..

هلا والله انا وياكم
اسمحيلي توني اشوف ردج
الف الف الف الحمدلله عالسلامه بعدوينج انشالله
والله يطمن بالج ويسهل عليج ولادتج عالقيصريه
والله مساع اخترعت والحين تطمنت وبعد شوي بخترع خخخخخخ ماني عارفه يارب تكتب اللي فيه الخير :(
بس الله كريم
وبشريني الحين شلون صحتج وشلون البيبات؟؟ :)
إلا صج عرفتي جنسهم؟؟

هلا اختي ريفيه
منوره الله يطمن بالج ويخليلج عيالج
والله ريحتيني الله يريحج دنيا وآخره قولي امييين :)
والحين في بيبي بالطريج ولا لاا؟