طبخة بالرز رهيبة

تحياتي لكل المشتركات في عالم حواء عندي لكم اليوم طبخة بس روووووعة اتمنى تعجبكم

جربوها حبيباتي وعطوني رايكم سهلة وسريعة وتحضرينها في ساعة او اقل انت وهمتج

المهم يلا نبدأ

المقادير :
كمية من الرز اي كمية تكفيكم للوجبة
مقدار الكف ( زرشت )
دجاجة او لحم مفروم
بصلتين
صنوبر كاس


الطريقة :
تطبخين الرز بالطريقة العادية ( الرز الشيلاني ) مع مراعاة ان ما يكون ناضج زيادة
تطبخين الدجاجة على النار بعدما تقطعينهاوبعدين تقلينها
تقطعين البصل شرايج طويلة وتقلينها
تقلين الصنوبر لين يتحمر شوي
بعدين تاخذين بايركس كبير وتحطين فيه الرز وترشينه بالزرشت بعدين تحطين فوقه الدجاج وترشين فوقه الصنوبر والبصل وتدخلينه الفرن شوي لين يتحمر خفيف

وتاكلينه بالهنا والشفا

أما طريقة اللحم فتاخذين اللحم المفروم وتغسلينه زين وتحطينه في القدر مع شوي ماء وتطبخينه بعد اضافة المسمار والهيل والفلفل الأسود الكامل يعني ما تضيفين هذي الأشياء وهي مطحونة لا تكون بكاملها بعد ما يجف الماء تضيفين البهارات اللي تحبينها مع مرقة ماجي وتخلطينها مع الصنوبر وتضيفينها فوق الرز وبتكون رهييبة لما يتحمر داخل الفرن

جربوها وعطوني رايكم

يلا همتكم يابنات الخليج :cook:

7 تعليق 2,198 مشاهدة

شاركي في النقاش

سجلي الدخول لإضافة تعليق.

التعليقات

7
  1. @fdytk

    تسسسلم ايييييدج على الطبخه والله شهيتيني ... وتقدرين تضيفين للشبنت الباجيلاا الخضراااا المقطعه

    شوفي بالنسبه للدجاج في طريقه حلوووووووووه لاعداده غير القلي واحس انه تصلح للطبق هذا
    وهي :
    تمسحين الدجاجه بعد ماتقطعينها( لنصفين او اكثر الي تحبيين ) بماءء الزعفران و ترشين عليها شويه فلفل اسود وهيل ناعم وبعدين تحطين الدجاجه بصينيه مدهونه بالزيت مقدار بسيط وتدخلينهاا الفرن لين تتحمر الدجاجه بيصير لونهاااااا شي عجيب

    جربيهااااا وشوفي
  2. @tana_1

    صاحبة الموضوع
    حبيباتي نسيت خطوة مهمة في الطبخة وآنه آسفة على إني نسيتها لأن بدون هالخطوة تطلع الطبخة عادية وطعمها مو ذاك الزود واليكم الخطوة الناقصة واتمنى تتقبلون اعتذاري

    تاخذون نصف كاس ماء ورد وتضيفون له زعفران وتنتظرون شوي لين ياخذ اللون وبعد ما تطبخون الرز ترشون فوقه الماء والزعفران وبعدين تضيفون الزرشت وبعدها الدجاج او اللحم وفوقه الصنوبر وبالهناء والشفا

    تحياتي
  3. @yasmyn_2

    عفوا اختي ...
    في الطريقة الأولى للدجاج ..
    يعني اخذ الدجاج و اقطعه لأجزاء مثل فخذ و صدر الخ ... و بعدين اقليه مباشرة بدون اي سلق سابق أو اضافة بهارات ؟

    وهل احتفظ بجلد الدجاج ؟
  4. @tana_1

    صاحبة الموضوع
    أخواتي العزيزات القلوب وياسمينة آسفة على التأخير في الرد وهذا ردي على استفساراتكم

    بالنسبة لك القلوب الزرشت هو نوع من حبوب الرمان اليابس يكون طعمه حامض ويعطي نكهة للأكل يكثر في الطبخات الإيرانية تروحين عند اللي يبيعون البهارات في السوق اكيد عندهم

    بالنسبة لك ياسمينة حبيبتي الدجاج يكون مطبوخ قبل مغلي في ماي مع فلفل اسود ومسمار وهيل ودارسين بس يكونون كاملين ماهم مطحونين احلى ومعاهم الملح بعدها تاخذينه وتقلينه بدون الجلد وبعد ما يستوي الرز وتضيفين عليه ماء الورد والزعفران تصفين فوقه الدجاج بطريقة حلوة وتنثرين فوق الصنوبر والزرشت وتدخلينه الفرن طبعا الطبخة راح تكون في طينية الفرن ( البايريكس ) حسب الحجم اللي يتناسب مع كمية الرز

    اتمنى تكونين فهمتي علي
    وبالهنا والشفا حبيباتي وحاضرة لأي استفسار ثاني

    بالنسبة لك اختي العزيزة فديتك طريقتك وايد حلوة وانشاء الله بجربها وفي طريقتي يكون الدجاج مطبوخ بالطرق التقليدية الثلاث الشوي والقلي والغلي وهذا يعطيه طعم حلو لكن مافي مانع من تجريب طرق ثانية

    تحياتي للجميع

تابعي تجارب أخرى من هذا القسم.