تعقيب على موضوع "هل سمعت بما حدث في الحرم المكي......؟؟؟؟؟؟!!!!! "

أنا ما انكر إن الموضوع جميل وجزا الله صاحبة الموضوع خير الجزاء على التذكير بهادم اللذات
بس عندي سؤال محيرني ...... شو دراكم إن مافي صلة قرابة بين الريال والحرمه
ولا يمكن عشان ماتوا وهم قاعدين عدال بعض يعني كانوا يسوون شي غلط

انزين مب كفاية بالنسبة لكم إنهم ماتوا في بيت الله الحرام؟؟؟؟؟!!!!!
اتوقع هالشي الكل يتمناه ....... حرام سوء الظن بالناس

صاحبة الموضوع قالت "سألت نفسي: ترى ماهو شعور ذلك الرجل وقد صلى الناس وهو مكانه ألى جانب امراه في الحرام؟"

وأنا أقول:
إذا تبون تتكلمون عن الناس هاتوا دليل وبرهان ولا تتهمون الناس زورا وبهتانا
بتقولون هالسالفه معروفه وكل حد يتكلم فيها ..... بعد بقول وين الدليل؟؟؟؟؟؟؟؟

يمكن أخته يمكن زوجته يمكن بنته ........ ليش قالت صاحبة الموضوع إنه كانوا يالسين بالحرام
وليش منظرهم لازم يشد الانتباه مثل ما تقول؟؟؟؟؟؟!!!!!!!!!

يوم سرت العمرة في شهر رمضان كان المكان وايد زحمه وكنت خايفه اضيع وطول الوقت أنا لاصقه في ريلي وما اهده وكنا نقعد يم بعض ولاصقين في بعض من زود الزحمه ولأنه كان خايف علي...... انزين وين المشكله........ اتخيل لو كنا أنا وريلي يالسين هاليلسه في هالمكان وبهالطريقه وأمر الله ملك الموت إن ياخذ أرواحنا واحنا على هالحال كانوا الناس تكلموا علينا وقالوا هاذيلا ما يخافون ربهم

يا ناس اتقوا الله ولا تتكلمون في أعراض الناس ......... مع احترامي لصاحبة الموضوع
بس أتمنى اللي يتكلم يكون على بينه ولا يتكلم في أعراض الناس

17 تعليق 1,582 مشاهدة

شاركي في النقاش

سجلي الدخول لإضافة تعليق.

التعليقات

16
  1. @um_joud

    مع اني ماقرات الموضوع بس انا معاك في اللي قلتيه وجزاك الله خير
  2. @algohrh_21

    umalii
    انا معك دايما الغالب سوء الظن استغفر الله
    جزاك الله الف خير يااختي والله اعجبتيني وانت ودفاعك عن هالمساكين يمكن صحيح كلامك تكون اخته او زوجته او امه ويمكن الله حب يقبض روحهم في مكان طاهر الله اعلم ؟؟؟

    بعدين اضيف تعليق بسيط( اختنا صاحبة الموضوع ساءت الظن بهم )

    طيب معقوله اذا هي والرجال هاربين او مشكوك في امرهم مايلقون غير بيت الله الحرام

    الله سبحانه وتعالي حامي بيته من الانجاس واستغفر الله لي ولكم وجميع المسلمين انه سميع عليم

تابعي تجارب أخرى من هذا القسم.