:: ديوانية التوائم :: 2006 - 2007

السلام عليكم بنات

مجنونة قطر حددوا لها عمليه قيصريه.. ويوم الاربعاء ان شاء الله بيسون لها العمليه
الله يسهل عليها ان شاء الله وعلى كل حامل يارب

الله يقومك بسلامه ويسرلك يا مجنونه قطر والله قلبي معاكي وطمنينا يااختي الله يعطيك العافيه ويسرلك انتي بعد وقومكم بسلامه

نزلت لجارتي ومن ساعتين رجعت بس قررت قرار وأبد مافيه رجعه وهو إني ماراح أطلع مره ثانيه من البيت قبل ماأولد لأني بصراحه تعبت مره شي عجيب ماني قادره أجلس خمس دقايق بوضعيه وحده كل شويه بقعده معينه وكنت خايفه موت إن وحده من الجارات تسألني (أنتي في الشهر كم) كلهم على بالهم خلاص على وشك ولاده حتى يدعون لي (الله ييسر لك ولادتك)أقول في نفسي مادروا إني مطوله والمصيبه وحده منهم بكريه مابيني وبينها في الحمل غير عشره أيام والله ياجماعه أنها باقي تلبس من الملابس حقت الزواج لأنه أبد مو مبين لها بطن!!!!!
ودامكم تكلمتوا عن التشققات كنت بشكي لكم من حالتي تقريباً من أسبوع وأنا يجيني حكه الله لا يوريكم خاصة من خواصري وفخذيني والله إني أحك لما يطلع الدم مع إنهم يقولون إن الحك هو اللي يطلع العلامات بس ماأقدر حكه فضيعه...
وللعلم أنا أستخدم زبدة الكاكاو وكمان زيت جونسن من الشهر الخامس بس بدون فايده...
فياليت اللي تعرف كريم غيرها ممكن يخفف الحكه شويه تقول لي عليه...
وزي ماقالت أنا وياكم أنا دايماً أقول حتى حق زوجي بطني بعد الولاده بيصير خريطة العالم..:hahaha:

مسااااء الخير

انا وياكم
الله يكون بعونج مع هالخريطه الظاهر عيالج بيطلعون مدرسين جغرافيا وحابين يرسمون لج ذكرى قبل لايطلعون لوجه الدنيا :)
والله انا نفس المعاناه واختي قالتلي حطي لوشن واحط وماعاد ورى ولا اكو فايده
والوالده نصحتني بزيت زيتون احره يصير دافي واحطه عالبطن والمنطقه التحتيه والخلفيه وعالظهر وصوب الوروك وانا حتى سمعته بالمنتديات بزيت الزيتون الدافي ومفعوله السحري
بس متعيجزه هالأيام حتى اتدهن على قولتج ضريبة الحمل ولازم نتحملها :eek:
وبالنسبه للكمادات انطري على ولايهمج ان طلعت من نفاسي بقول لزوجي يوديني شهر عسل ماليزيا وبشتريلج ياه :)
أخخخخخ نفسي اشوف هالكماده اللي ذبحتج
ماعندج صوره منها؟؟؟
ولاتعبين روحج يا حياتي اذا عندج صورتها عطيني ياها وبشوف اذا عندنا اهني بالكويت ولا لااا؟ ولايهمج

ارام
هلا بالطش والرش وبالماي المقرش
اشعندج بتصبغين يا وخيتي ؟
والله نصيحتي انطري وبعد الولاده بالسلامه اصبغي بطلوعتج وتصيرين نيولوك :)
انا سمعت انه مو زين لانه الاكسجين بيخنق الجاهل وحتى بيخنقج وماراح تتحمل المره الحامل والله من قبل شهرين كنت ابي اصبغ والوالده منعتني عشان حتى البيبي ليطع لوجه الدنيا مايكون صدره تعبان ونصيحتي لا تستعجلين واقعدي ادهنيه هههههههههه وحطي سدر غذيه ------) اللي يشوفها يقول كلش المره مهتمه بنفسها مغير اكل ومرعى وقلت صنعه والله ماعندي غير هالاب توب اللي اطق طق فيه اضيع وقتي :(
(((((مرطرطه
اقول شكل انا وياكم تفاعلت معنا بالموضوع ...خخخخخخخخخ انا الصبح رحت ابنام واحلم انهم اطردونا انا وانتي على كلامنا بس ابشرك انا وياكم زادت الطين بله بسالفه المنديل خخخخخخخخخخخخخخخ
الله يقطع ابليسكم موتوني ضحك )))
والله ضحكتيني كنت نفس الشعور قلت الظاهر بيعطونا فصل مؤبد رووحه بلا رجعه خخخخخخ بس اشوه الاخت انا وياكم اطلعت العن منننا ههههههههههههههههههههههههههههههههههههههههههههههههههههههه
ياحليلها

بحرينيه77
هلا والله حبيبتي شلونج؟
عساج بخير واخبار النونوات؟
اي والله صاجه جنا بطريق بس انا لا حاله خاصه اللي يشوفني يقول فيل ههههههههههههههه
الله يهون علينا ياربي ويقومنا احنا والنونوات بالسلامه ونصير رشيقااات ونقهر كل اللي يتطنزون على اجسامنا والله رجلي يناديني يا دبدوبتي يضحك وانا منقهره بس احمد ربي ماقالي يا فيلتي ههههههههههههههههههههههههههههه


نظر عينه
تسلمين حبيبتي الله يبشرج بكل خير وهل الحين صحتها اوكي ؟ ماقلتيلنا على صحتها؟؟ بشرينا والله يقومها ويقوم النونوات بالسلامه يارب :)


ضوري
الله يكون بعونج حبيبتي
انا بعد جذي بس اول ماحس بالتعب على طول اسلم عليهم واروح السياره وانسدح اريح ظهري فعلا الظهر يذبح :(
والمفروض انج تستاذنين منهم وتعتذرين تقوليلهم انج تعبانه ولا تطلعين الا للمراجعه ولاتعبين روحج
والله يهون عليج يارب :)

عراقيه 4
هلا حبوبه اشلونج وشلون الحمل وياج؟؟
بالنسبه للخطوط انا أيست وفي اختراع جديد ان طلعت من النفاس انشالله حطو كريمات كفر على بطونكم خخخخخخخ نفس العارضات وملكات الجمال والمغنيات والمشاهير....إلخ
شنسوي مافي حـــــــــــــــــــــــــــــــــــــــــل أيست يا بنات :(

بقيت اسالكم يا بنات في وحده ينزل معاها ماي من ورا والله اتفاجأ صارلي شهر على هالحال ينزل ماي سائل ابيض من ورا فياليت اللي مرت عليها هالشغله تقولي؟؟

حياتي صارت كلها نوم بنوم واكل وصلاة ولاب توب وماقعد واجد عشان ظهري يعوري مااتحمل الله وغير منطقة السفليه تصورو البنت قاعده صوبه ضاغطه علي بشكل مو طبيعي وغير ترفسها لي بهالمنطقه ذبحتني الله يعين ويعين كل وحده حامل ياربي

يا الغالية إشفطي الحليب وحطيه في رضاعات وحطيه في الثلاجة ورضعيه التوأم إذا جاعوا





صادقة والله التسوق جدا متعب أنا مجربته ومن بعدها حرمت أدخل سوق كذا محل وأطلع وبس المهم ما أطول وأنا أدور

تدرين رحت قبل يومين السوق وطولت فيه قعدت يومين وأنا ما أقدر أمشي وإذا مشيت ألم في الظهر لازم أمسكة وأمشي وأنا مفوحشة <<<<<:hahaha: أي مباعدة بيت الفخذين ورجلي ميت علي من الضحك

وأخباري

أولا مشكوووورة يا الغالية على السؤال

ثانيا : ودي أولد وأرتاح والله إني أفكر لو أصبر مثل صبر جنونة وش بيصير لي تعبت والله

بس الله يكتب اللي فيه الخيرة






عني أنا أمنية زوجي إني أحمل بتوأم بس أنا ما كنت أبي لأني عارفة إنهم متعبين بس ما توقعت حملهم متعب لهالدرجة

وكان معي أكياس في الرحم مانعة الحمل ومخربطة الهرمونات عندي بالقوة لدرجة خلال سنة ماجتني الدورة إلا 5 أو 6 مرات بس

واستخدمت الكلوميد لعلاجها وقالوا في إحتمال ضعيف بالتوأم

قلت لا فيه إحتمالية مابي أجل قالوا لا أصلا ما نتوقع لأن ماعندكم وراثة

وطلعت وقلت لزوجي ذا الكلام وهو بدوره من فرحته قام يدعي انهم توأم

ويوم طلعت حامل وفي الأسبوع الخامس سوولي أشعة صوتية علشان يتأكدون من الوضع

وطلع عندي كيسين بس واحد مافيه نبض

وبعد أسبوع أو أقل كشفت مرة ثانية وكلهم فيهم نبض كيسين ومشيمتين

وزوجي طار من الفرحة وكان يقولي ياربي ودي أقول لأحد إنهم توأم من الفرحة ما يدري وش يسوي وأنا مهددته ما يقول حتى لأمه