والي يعافيكم بنات شو افضل طريقة لتنظيف الدجاج ؟؟

السلام عليكم والرحمة ...

الموضوع مثل ما شايفين من العنوان .... يا لييييييييت تساعدوني بنات .. أول ما تزوجت بديت أطبخ و كنت ماشيه عدل .. بس إلي صار إني بفترة حملي ببكري توحمت على اللحوم و زفارتها .. و صارت عندي عقده قويه مجرد أتخيل الريحه و الدم و انا اكتب الموضوع احس بغثيان ... فحدي أطبخ برمضان و كله حلويات و باستا المهم اشيا خاليه من اللحوم

بس قررت أتسنع بما إني بنتقل بيتي الخاص قريب و أبي أطبخ أطباق الرز بالدجاج و اللحوم بغيت أسائلكم عن أفضل طريقه في تنظيف الدجاج ... والتخلص من ريحة الزفاره ... ودي اجرب اطبخ الرز بما الدجاج بس أخاف يكون فيه زفارة او مو نظيف ... و افكر املح الدجاج بعد غسله و تركه فتره عشان الريحه بس سمعت إن الملح ينشف و يسحب الرطوبة ...


و بما إننا فيها يا ليت تقولين لي وش وصفتك المفضله في الرز و الدجاج .. و اذا فيه لنك متوفر في المنتدى لها ...
أتمنى تساعدوني بنصايحكم ربي يجزا كل من تساعدني خير الجزاء في الدنيا و الآخره :26:

10 تعليق 13,304 مشاهدة

شاركي في النقاش

سجلي الدخول لإضافة تعليق.

التعليقات

7
  1. @wt_ever

    صاحبة الموضوع
    والله يا بنات عيـــــــــــــــــــــب

    ثاني مره أنزل موضوع أسال فيه عن شغله هينه على كثير منكم و ينجحد

    فالحين بس تدخلون المواضيع الي ما تحتاج ردود و تردون بالشكر بس اما المواضيع الي فيها فايده و حاجه للرد ... فمالك امل حد يرد الا ان قعدت الكاتبه تذل روحها بالترجي
  2. @hyfaaa2

    هلا يالغاليه
    لا تزعلين انا كنت مثلك بس يمكن البنات ما لاحظو او مستعجلين
    التمسي لهم العذر وانا اقول لك وش تسوين
    حطي خل وملح وشوي ماء وادعكي الجاج فيه واتركيه شوي
    وبعدها اشطفيه وتروح الروائح............هذي طريقتي
  3. اول شي مبروك عليك بيتك الخاص و ان شالله تشوفي على وجهه الخير ........ انا مثلك متوسوسه من ريحة الدجاج واحسن طريقه لقيتها انك اذا تشتري الدجاج مبرد اول شي اغسليه وحطي عليه خل وافركيه باليمون ورشة دقيق وبعد كذا حطي عليه رشه خفيفه جدا من الهيل او انعنع الاخضر وبعد كذا حطيه بالفريزر واستخدميه وقت الحاجه و رح تتفاجئي من ريحته وانصحك بالدجاج المبرد لانه عن تجربه احسن من المجمد اما اذا اشتريتي المجمد فبعد ما يذوب الثلج عنه حطي عليه الخلطه السابقه واتركيه فيها 5 الى 10 دقايق وبعد كذا وهذا الاهم اذا ودك تطبخي معاه رز اغسلي الرز وبعد اول دور غسيل حطي مية غسيل الرز على الدجاج واغسليه بماء الرز هذي وصفه من الوالده الله يخليها وما لقيت احسن منها
  4. @btyl_2006

    هلا اختي we ever
    انا عني اغسل الدجاج كويس بعدين انقعه في خل وشوية موية باردة وافركه بالليمون واخليه ربع ساعة بعدين اصفيه من المويه وارشه بالدقيق واخليه ربع ساعة
    بعدين اغسله وابدا في الطبخ

    وموفقة يالغالية :26:
  5. @wt_ever

    صاحبة الموضوع
    هيفاء 2

    الله يفرج همج و يرزقج خير الدنيا و الآخره .. و اعذريني لانها شغله لاحظتها مو بس معاي ... و تسلمين على الطريقه بستخدمها إن شاء الله .. ناويه استخدم طريقه اجمع فيها كل نصايحكم ...
    :26:


    oprh

    عجبتني مره طريقتج خاصه إن اول مره اسمع بإظافة الدقيق .. إن شاء الله أجربها قريب :26: و الله يجزيج عني كل خير و يفرج همج و كربج بالدنيا و الآخره


    بتيل 2006

    احس طريقتج مثل اوبرا و إن شاء الله اجمعهن كلهن سوا و اجربهن .. ربي يرزقج خير الدنيا و الآخره و يفرج همج و كربج :26:

تابعي تجارب أخرى من هذا القسم.