شاركي في النقاش

سجلي الدخول لإضافة تعليق.

التعليقات

12
  1. @ftom2005

    صاحبة الموضوع
    هلا والله حبايبي
    سالفة انج تقعدين و تنشدين الدكتورة(المتدربة) عن كل شيء عن التصوير عن ملفج وغيره هذا شغلها إذا هي مش عارفة اوكي احنار راح نسأل بس كيف بتجاوب وهي مش عارفة وش السالفة يعني لمن وديت لهم مرة تصوير أحلام وقلت لها انها تقولي ان البيبي كبير ويمكن يكون فيني سكر وغيره قالت لي مادري بس يمكن يكون فيج سكر سوي تحليل قلت لها اوكي بسوي بس متى بيطلع التحليل على الموعد الثاني بعد اسبوعين..إذا فعلا كان فيني سكر انتظر اسبوعين عشان تعطيني علاج وإلا غيره؟؟؟؟
    قلت طيب في الشهر السادس كم يكون الوزن المثالي حق البيبي قالت هو ..يعني ...تدرين خلاص على الاسبوع الجاي صوري عند مريم سلمان وشوفي (عيل أنتي وش شغلتج؟) لا وأزيدج من الشعر بيت ترى الألتهابات المصاحبة للحمل ما يكشفون عليج ويعطونج لعجلاج على حسب العلاجات الي انكتبت لج في ملفج قبل ..تخيلين؟؟؟
    محد يكشف إلا حليمة ..بعدين في الولادة أنتي وحظج على الدكتور المناوب الي بيجي يجي ويكشف فرضا تحتاجين استشاري لو تعسرت الولادة؟؟مافي إلا رجاجيل وهذا انا ما اقدر عليه رجال يكشف علي والله لو أموت أهون ما في ضرورات شيء مايرضي ربي مراح أسويه ..ودكتورة أتابعج بأول حملج وتجيج بالولادة والله تحسين بأمان وراحة نفسية أنها موجودة معاج واتابعج ..
    لا تحطون اللوم على الحوامل ترى المفروض حد يتكلم ويشتكي ما يصير جذيه كل مرة ادشين على دكتور شكل وتقعدين تقصين له حملج من الأول لا تقولين والله يشوف الملف قدامه وهو عارف وش السالفة ..
    ما اقول غير حسبي الله ونعم الوكيل عليهم وعلى نظامهم..

تابعي تجارب أخرى من هذا القسم.