بنات تكفون لا تعيدون القصه من الاول تعبتونا الله يهديكم ما نبي نسمع قصه حقيقية ولا مزيفه كل اللي نبيه الدعوه الصادقه بشرح الصدور وتطيب النفوس والاجر العظيم للصافح والمتسامح وحنا ندري ان محد رخيص عند اهله لا القاتل ولا المقتول كلن غالي عند اهله وكل الاخطاء زلة شيطان وخير عباد الله التوابين
الشي الثاني بخصوص الضجه الاعلامية وليش ما اطلعت لحد من قبل كل شي سبه يا الغاليات وكل اهل واجتهادهم الله يجزيكم خير والناس اشكال والالوان فيهم المستسلم وفيهم السلبي وفيهم اللي ما يخلي باب ما يطقه وما ينلام هذه مسأله حياة وموت لازم الواحد يسوي اللي يقدر عليه عشان ينقذ اولده ما ينلام
والله يجزى القناة كل خير ما تبنت حرام ولا طقطقه وتعري تبنت محاولة سلام وصلح وكانت سبب في دعاء الكثير من المسلمين في السعودية وخارجها بفك الازمه واحلال السكينه مكان الغضب المفروض تفرحون مو تزعلون
اسفه على الاطاله بس حسيت لازم يوضع حد للغو في الموضوع واعادة مساره لدرب الصواب
وتذكروا قول رسولنا الكريم -صلى الله عليه وسلم - قل خيرا او لتصمت
وشكرا
مايرجع المقتول لقتل بدهان
متابعة النقاش، صفحة 78