هالووووووووووووو بنات اشتقت لكم وايد وايد وايد اعذروني والله كنت مريضه الحين الحمد لله احسن الظاهر ان الزكمه حبتني و قررت تبات عندي كمن اسبوع تحطمني فيها.
اخخخخخ لو تشوفوني ويهي منفوخ و الخشم احمر و العيون متورمه و الصوووووووووت حشى كاني حاطه ضفادع في بلعومي يلا الحمد لله و الشكر على كل حال.
لازال وزني يلعب على اعصابي بس يمكن لاني ما اسوي رياضه مثل الاول بس ان شاء الله رح ابدا من يوم السبت اتوقع ان صحتي رح تتحسن بعد راحة اسبوع.
سويت التضويق الثالث وصلت 7 سي سي ما اقدر اكل مثل الاول و الخبز اتوقع اني رح اقاطعه لانه يطلع عيني لين ينزل الحين اكل و انا حاطه ايدي على قلبي و كل لقمه اغصص فيها لين كرهت الاكل من اوله لاخره بس النفس الامارة بالسوء توزني على الحلى لانه سهل البلع بس لاء و الف لا حتى اذا ما انزل اكيييد ما رح اسمح لنفسي اني ازيد.
و بالنسبه ل :arb: كسر خاطري و خلاني اسامحه و الحين يتاكد 100 مرة قبل ما يسوي اي شي يخبرني و يستشيرني همممم ما اعرف حاسه الامور رح تتيسر باذن الله و لو انه لوع شبدي بالبدايه بس ما في شي يجي بالساهل اتوقع انا كنت بعد شوي مثاليه اريد كل شي يمشي مثل ما انا مخططه له بس الواقع غييير.
ريمو ام شباصتين الحمد لله على السلامه, انتي لازم تروحين بسرعه عند الدكتور و تسحبين كل السائل من الحلقه لان المعده ترتخي يوم تتعود على الربطه لهذا السبب دكتوري نصحني افضى الحلقه بعد سنه من العمليه. بالنسبة للانتفاخ احسة عادي لان في حرمه اعرفها مسويه شد و شفط نفس الشي تشتكي من انتفاخ بالبطن اتوقع يروح بعد ما يلتئم الجرح و تبدئين تسوين رياضه للبطن لان عضلات البطن الحين صار لها فتره ما تحركت ........ و الله اعلم خليش مع الدكتور و خير ان شاء الله.
النيه الصافيه : الله يعينش و ييسر لش امورش ترى الحياة ما فيها راحة بس توكلي على الله و كل شي رح يكون تمام. شوفي اذا حاسة ان التضويق متعبك وسعي شوي و لو 1/2 او 1/4 سي سي لانش ما سويتي شي اذا بتطيحين كاكاو على طووووووول. احسن تاكلين عادي و تنزلين.
جوري الدبدوبه : يا رب ييسر لش النحف بصحه و عافيه و نشوفك رشيقه مثل الفراشه بس اقولك ترى 20 او 30 دقيقه رياضه قليل جدا اذا تريدين نتائج حلوه على الاقل ساعة رياضه مهب مهم شو بس علشان ينشد الجسم و يعطيش اقل من وزنش حاليا انا 98 بس شكلي يعطي 80 او 75 من الرياضه.
زهرانيه : مشكورة الغاليه على الدعوه صح مع الدورة ممكن يزيد الوزن 1-2 كيلو او يثبت نزولك حلو ثابري بس لا تنسين الرياضه علشان ما توقعين في دوامة الترهل ترى حتى اذا كنتي صغيرة اليلد ابدا ما رح يرجع لازم رياضه.
فطووووومه : حياتي انتي شو علومش و شو الوزن معاش مثل ما شايفه وزني يرفعلي الضغط ما راضي يفرحني بس وين وراه وراه لين احرقه للابد و امووووووووووووووت على الفلسفه هذي تراها الوحيد الي ممكن تنقذنا من السمنه.
مظلومه : هذا الكلام الي يرفع المعنويات يلا انا اشجعش بس هاااااااا لا تنسين الرياضه.
الثلاثينيه : انتي بالذات اشتقت لش واااااااااااااااايد زين سويتي يوم وسعتي الحلقه شوفي انتي وزنش قاعد ينزل ليش تضوقين خليش على راحتش انا اعرف يوم الوحده ما يبقالها الا القليل تحس ان اليوم بسنه و الكيلو بعشره بس الواحد ما له غير يحمد الله و بالعافيه تشوكليت موس بس لا تزيدين. فرحت لش و الله يوم اختاروش للبكلريوس و الله تستاهلين شدي حيلش و ان شاء الله تتيسر المقابله. يلا يا حلوووو شدي حيلش وورينا شطارتش يوم اتجيبين الشهادة و اتمنى انش تعلقيها في الصاله علشان الكل يشوفها. شو ما قررتي على الرياضه و المساج؟؟؟
بنت السوريه : تولهت عليش وايد و افتقدت نصايحش ان شاء الله الميزان راضى عنش هل يومين
سلطانه الطيوبه : شو الاخبار عسى كل شي طيب.
اتمنى اني ما اكون نسيت اي حد و الي نسيته يذكرني
يلا حلوات اشوفكن على خير بااااااااااااااااااااااااااااااي
¨°o.O (( رابطة المتحزمات)) O.o°"
متابعة النقاش، صفحة 805