شاركي في النقاش

سجلي الدخول لإضافة تعليق.

التعليقات

9,185
  1. Ms.Dunkin
    السلام عليكم ورحمة الله وبركاته....احب امسي على كل صبايا الرابطة الغزلان منهن و التختوخات.. انا متابعه لكم من فتره طويله ومتابعه كل التطورات الحلوة مع اغلبكم والله يكمل عليكم بالصحة والعافية والفال للباقين.. بس الي ماشجعني اني اشارك معاكم …
    هالووووووووووو بنات كيف احوالكن عساكن طيبات

    البارحه كان يوم عصيييب لي رحت حفلة يوم ميلاد بنت اخوي و كان فيه كل انواع الاكل حاولت اقاوم و اخذ مشاوي او سلطه بس ما طاعت تطوف من بلعومي روحي طلعت مع كل لقمه ليييييييييييييين وصلنا للكيك آآآآآآآآآآآه كلت 3 لقمات و صكيت حلجي و انا ميته من اليوع و الي قهرني زياده اني اليوم الصبح اوزن و اشوف وزني 99.3 :06: شو اقول مع كل هل المعانات و الوزن يزيد ليييييييييييييييييش صح اني ما اسوي رياضه هل يومين بس بعد انا ما اكل شي من بعد التضويق من اكل لقمه و توقف في زوري اهد الاكل كله.
    اليوم انا صايمه تعلوا يمكن لاني ماكله سندويش جبن طبعا توست اسمر محمص و جبن فيلادلفيا لايت على السحور و ما انهضم الاكل بعده ......... يلا حجه اواسي نفسي فيها.
    و الا يمكن علشان الادوية الي قاعده ابلعها و الله ماني عارفه لازم اروح عند طبيبة التغذيه و اشوف شو الموضوع ليش الوزن كاسر خاطري كذه و الله ما سويتله شي يبغى تصفيع الظاهر.

    مس دنكن : حياش الله اخت عزيزه و غاليه
    يعني ما نزل وزنك بالمرة و لا تحسين بالغصه ابدا طيب انتي من النوع الي يحب الحلا , شوفي الخيار لك عمليه تصغير المعده فيها خطورة اكبر لان فيها قص و لزق اما بالربط بس حلقه تنحط و تنشال. قبل لا تسوين العمليه اسالي عن الدكتور زين و طلعي عينه من الاسئلة و شوفي الاوراق الي رح توقعينها قبل العمليه. لا تتحبطين و لا شي انتي صلي استخاره و توكلي و ان شاء الله ما يصير الا الخير. المهم انش تقررين الحين تغيير نظام حياتك بما يتناسب مع تنزيل الوزن و خليني اقولك ان الربط و غيرها من العمليات ما هي الا وسيله مساعده بس الاساس لازم يكون من داخلك, انتي تعذبتي كثير فحرام ما ينزل وزنك لو تشوفين الصفحات السابقه رح تلاحظين ان كل الي التزموا و داوموا على دخول المنتدى نزل وزنهم لان عندهم اراده و الله يوفقش و ينولش مرادك.

    بنت السوريه : من عيوووووووووووووني بس هاااااااااااااا ابغى وحده بطنها لازق بظهرها ترقص في عرسي خخخخخ و العرووووس دب قطبي :hahaha:. لا حياتي مو خسارة ابدا بس نوصل ال80.
    انتي ما تعرفيني وحليلي مسكينه بس يوم يجد الجد بنت رجال و اطلع بدل العين الحمرا اثنين خخخخخخ. بس هم الرياييل يعرفون كيف يلفون عقل البنت خاصتا اذا كان حليوه.

    فطووووومه : الله يسلم قلبش ان شاء الله
    و الله انش قويه ما تشوفين الميزان انا ما اتحمل اوزن يمكن 3 - 5 مرات باليوم.
    خلاص انسحب من التنافس معاش الظاهر انك اجدع مني و لو اني ابغى اذبحه هل الوزن الي مفشلني دائما يلا الشكوى لله.

    مظلومه : افاااااااااااااااااااااا مجبوس الظاهر بهد عليش الثلاثينيه تطلع الخيزرانه من ورا باب الرابطه خخخخ :hahaha: .
    خلاص انسي موضوع المجبوس بالمرة و ابدي من يديد و حاولي تزيدين الرياضه علشان تحرقين هل السعرات الي كسبتيها بالمجبوس. بالعافيه على قلبش بس ما تعيديها.

    الثلاثينيه : شو اخبار الربطه الحين عساها احسن و الاكل افضل من الاول. الصراحه بعد ما ضوقت اخر مره كل ما اكل و احس روحي تطلع و ابغى ارجع اقول في خاطري يا حليلها الثلاثينيه و هذي حالتها من كذا شهر الله يعينش شلون تحملتي.

    يلا بنات اشوفكم على خيييييييير اليوم عندي جلسة تنحيف و هو جهاز مثل الاحزمه ينحط على المناطق الي تتركز فيها الشحوم يعطي ذبذبات كهربائية يقولون انها تحرك العضلات كانش سويتي رياضه 3 ساعات ب ساعه واحدة و بدون مجهود انا مهب مقتنعه وايد بس نجرب و نشوف.
  2. ريم
    ياماال العافية حبيبتي لاااا انا فهمت على كلامك ربي يحفظك
    والله يطمنك ع صحتك ويخليك لاولادك ان شالله
  3. @mthlomh_yanas

    وانا كل ما اقول التوبه يابوي يطلعلي المجاااااااااااااااااااااابيس الله يستر من مجبوس السممممج

    لا بنات خلاص تووووووووووووبه ماعاد اخبص
  4. @bnt_alsoryh

    مستعجله مرررررررررررررررره
    بس بقولك فطوم موب الرجال لا صار حليوه يلف عقل البنيه ممكن يكون شين بس عليه لسان ينقط عسل وحنا نموت بالكلام الحلو ياحلو:)

    الثلاثنيه
    اذا قلبي تبين الساعه بصورها لك وارسل لك الصوره هي لونها فضي والماس لكن عينها كبيره مره انا شخصيا تصلح لي هالموديلات وبسأله اذا لهم فرع بدبي

    زميلتي قالت لا تاخذينها ان الشركه موب مشهوره مره اسمهاbal man
    الحين بروح السوق وبحاول اجيب لك صوره للساعه

    اي خدمه من عيوني ياعيوني
    باي رشيقات المستقبل
  5. @ftom_alaasl

    هلا حبيباتتي

    مس دنكن: هلا اختي فيج وحياج الله معانا بس والله باط جبدي هالدكتور لا وفي المانيا بعد على العموم الله يعينج بس نصيحتي لا تصغرين المعدة علا الاقل الربط تقدرين اتشيلينة اي وقت بس انج تشيلين شي منج شيي يخرع موفقه ان شالله وناطرين اخر اخبارج :)