استفتاء لأفضل الخادمات - والتشاور في امورهن

لا تصدمي بناتك فجأة حرام
لأنه الذنب ذنبك مو ذنبهم لكن درجي المسئوليات على حسب سنهم
ومقدرتهم الجسمانية
وراعي إنه إلحين وقت مدارس وممكن يأثر على مستواهم الدراسي
ونصيحتي لك إبدأي بالشئ إلي يخصهم من سرر وترتيب غرفة حتى حمامهم يصيرون مسئولين عنه
وقت الأكل هم يحضرو السفره وهم إلي يلموها بعد الأكل
العصرية خليهم يسون حلى معجنات القهوة الشــاي
يعني درجي الشغل من الأسهل للأصعب والشغالة تكون موجودة بس لاتدري شغالتك وبعدين تتفرعن على بناتك
وربي يصلحهم لك
بس تكفين لاتصدميهم فجأة ترى نفسيتهم راح تتعب
وألزم ماعليك بناتك
وكلامي من تجربتي مع بناتي شلت الشغالة فجأة ونفسيتهم تعبت ومستواهم الدراسي تأثر
والرجـــال مايرحمو وغير الضيوف وغير لمن أمرض وأوجع وهم مساكين عندهم إختبارات وأبوهم مو فاضي فإضطريت أرجع الشغالة وصار يدهم بيد الشغالة
وربي يوفقك في تربيتك لبناتك وعيالك...

اختي انا اشوف ان الوقت صار متاخر ان تعلمينهم اذا الكبيره عمرها 16 سنه

المفروض الترتيب والاعتماد على النفس شي تنشأ البنت وتتربى عليه سواء فيه شغاله في البيت او لا

انا وخواتي متعودين كلنا البنت عندنا من تبلغ هي المسؤله عن ملابسها الداخليه ..من ناحية الغسيل
بعد فترة تبدا تتعود على الاعتناء بكل ملابسها
وبعد فتره تكون هي المسئوله عن غرفتها
والله كنت انا من يوم اني في الثانوي مسئوله عن غسيلي ...سلة غسيلي في الغرفه لي يوم في الاسبوع اغسل ملابسي كلللها انا بنفسي ..الشغاله عليها بس الكوي وتجمعهم في سله وتحطهم عند باب الغرفه
وغرفتي كانت الشغاله ماتدخلها ..انا ارتب فراشي يوميا ..ويوم الخميس امسحها واكنسها ...
وبالنسبه للطبخ كنا في وسط الاسبوع نشارك في وضع السفره واعداد اطباق بسيطه مثل السلطه والخميس كننا نطبخ الغدا بنفسنا ...ممكن امي تجهز طبق شعبي لابوي لانه ما يحب خرابيطنا ..بس نحنا البنات ممكن نسوي اطباق على ذوقنا مثل لازانيا ,فيتوتشيني , صواني خضار ...وكنا نجهز حلا للعصريه لانه غالبا ياتجينا خالتي يانروح عندها

وناويه ان شاء الله اعود بناتي على كذا

بالنسبه لبناتك نصيحه اختي حاولي تركزين على البنت الكبيره لانها هي القدوه لاخواتها

وكل بنت شوفي هي في ايش شاطره مثلا بنت تحب الطبخ اكثر في بنات ممكن التنظيف احب لهم من الطبخ وكل واحده شجعيها في العمل الي هي شاطره فيه

لاتكثرين عليهم الزن ولاتعصبين عليهم وطولي بالك وامدحي شغلهم لو ماعجبك
خصوصا في الطبخ لاتتضايقين لو حاسولك المطبخ وبهذلو الدنيا وامدحي طبخهم وكلوه لو ماعجبكم << الله يجزى ابوي وامي بالجنه ياما صبرو علينا واكلو من الخرابيط الي نحوسها قبل نتعلم الطبخ

وزعي العمل على شكل جداول بينهم لان كل ما كان فيه تنظيم كان العمل اسهل
في نفس الوقت عوديهم على التسامح والمشاركه يعني مو كل واحده تحاسب الثانيه انا اشتغلت وانتي ما اشتغلتي..يعني فلانه عندها اختبار ممكن اختها تقوم بعملها وهكذا
وفي نفس الوقت لازم تكونين صارمه وكلمتك واحده عشان لايستهونون فيك ويكون لك شخصيتك

الله يعينك يا اختي على تربيتهم وان شاء الله يفرحك فيهم وهم عرايس وكل واحده ملكه في بيتها

الله يكون بعونك واسمحي لي بدمجه مع الموضوع المثبت


وياهلابك

ماشاء الله تبارك الله موضوع ولا احلى وتفااعل والا اروع من جد محتاجين لمواضيع زي كذاا لان للاسف الشغالات شر لابد منه لاني من جد يا بنات تعبت عندي اربع اولاد اكبرهم 12 وبنت عمرها سنتين بس ايش يا بنات مطلعه عيوني اسم الله عليها يبيلها مدارها انتباه هذا اضافه للاربعه الى يبيلهم تدريس واشراف وكلش يعني والله ضروري شغاله حتى لو تريحني من المواعين وكي الملابس تساعدني لاني من جد حاسه نفسي طول الوقت متوتره وعلى اعصابي حتى طلعه ما اطلع احسها ثقيله علي وهذا اثر على نفسيتي والادهى زوجي كان رافض الشغاله قال هم واعرفك ما راح ترضين بشغلها لانك موسوسه ايه صح بس وربي تعبت بنات اعرف اني طولتها عليكم بس وربي حبيت افضفض ومشكورين على الموضوع لان خلاص قرقرت اجيبها والله المستعان


ووللحديث بقيه ==================> خخخخخخخخخخخ احس كل واحده مسكت راسها وش اسوي مالي غيركم اشكي له ويفيدني الله يصبركم علي