.:: شو هي الأشياء اللي استخدمتيها في حملج وسهلت عليج الولادة "نبي نسويلنا موسوعة"؟::.

متابعة النقاش، صفحة 2

شاركي في النقاش

سجلي الدخول لإضافة تعليق.

التعليقات

15
  1. @rain_dance

    صاحبة الموضوع
    هلا أختي همسة حب.. هو راح يكون فيه فروقات لان الاجسام تتغير.. ويمكن هي ضبطت احسن عنج ;)
    واكيد محد راح ينسى الدعاء.. بس نحن نبي بعد شي ثاني..
    ولج التحية حبوووبة ونبغي تواصلج :)


    هلا بأختي فطيم .. شحالج؟ عساج بخير.. محد ينكر "سحر" الاستغفار وهذا شي في الاعتبار ومن بداية الحمل وانا بادية فيه :) جزاج الله خير..

    يلا وين خواتي الثانيات؟؟؟؟؟؟؟؟؟؟؟؟ يلا عاد لا تخذلوني.. وانا مستانسة على موضوعي.. نبي همه .. وخفة معاي.. الله يخفف عليكم آلام الحمل ويسهله يارب
  2. بنسبة عنى وعن اختى وكل من اعرف يكثرو فى اكل التمر الشهر التاسع والمشي لساعة كل يوم لانه بيساعدك على الولادة وعليك بالدعاء باسمه الكريم وربي يسهل لك ولي ولكل مسلمة فى وقت الولادة
  3. @rain_dance

    صاحبة الموضوع
    toto2008 هلا بك حبوووبة.. والله نسيت التمر.. ان شاء الله آخذها.. الحمدلله احب التمر واايد.. والله يسهل عالجميع يارب بارك الله فيج
  4. جربببببببببت اشياء كثيره

    لكن افضلها

    ملعقة زعفران اصلي بكأس ماء كبير تنقع وتشرب منها في وقت الولاده

    مع الاستغفار وترديد الله الله ربي لا اشرك به شيئا
    وسورة الزلزله
    والحمدلله على سلامة الجميع
    والله يفرج على حوامل المسلمين
  5. تسلمين Rain Dance على هالموضوع

    وجزاك الله خير...

    بس أحس الخلطات حلوه وموحلوه لأن أحيانا اللي يناسبك مايناسب غيرك

    القرفه مثلاً وحده تقولي أنا مجربتها بكل عيالي ممتازه للطلق تحميه وبنفس الوقت بنت عمتي

    شربت قرفه وفعلاً حمى الطلق ولما راحت المستشفى رحمها مسكر ماأنفتح وتعب البيبي

    وأضطروا يولدونها قيصري والدكتوره عصبت لما درت أنها شاربه قرفه تقول مو زينه...

    يعني أنا والله خايفه بهالخلطات نضر بعض ...

    والولاده والتساهيل من ربي سبحان الله

    التمر والأستغفار والدعاء سبحان الله تسهل الولاده وماتضر

تابعي تجارب أخرى من هذا القسم.