شاركي في النقاش

سجلي الدخول لإضافة تعليق.

التعليقات

9,185
  1. @bnt_alsoryh

    هلا اختي الحمدلله على السلامه

    ممكن تسوي مهلبيه بسكر الدايت ولا كريمه او كستر
    اختاري الحليب منزوع الدسم وسكر دايت

    ممكن تسوي سليق ........جريش ..........شوربات اي نوع

    يارب تحققي هدفك بصحه وعافيه
  2. @ktr_alnd999

    ريم + بنت السورية

    مشكورين خواتي على الرد

    اليوم كلت شوربة عدس بس حسيت انها ثقيلة وضيقت علي

    مادري يمكن عامل نفسي لاني كنت خايفه من الترجيع

    ريم لهجتج شكلها قطرية اذاا انتي من قطر وين سويتي العملية

    انا سويتها في العمادي

    تتوقعون في شهر كم ممكن انزل <<= مستعجله على النزول

    وبخصوص المشي متى ممكن الوحده تمشي اتوقع عقب ماطيح الغرز
  3. @ktr_alnd999

    الثلاثينية

    الله يسلمج ،، ومشكورة حبيبتي على الترحيب

    اليوم رحت عند الدكتور وخلاني امر علىدكتورة التغذية

    وقالت لي لازم استمر شهر ونص على السوائل

    ولازم كل يوم اشرب

    2 كوب عصير طازج او عصير ماركة سيزار
    اروب
    البن
    2 عصير طماط او كوبين شوربه

    قتلها وايد قالتلي لا كلهم على بعض مافيهم الا 400 سعره

    وان شاء الله انزل انا حالياً مانزلت الا 3 كيلو توقعت اكثرررر

    بس يالله نعمه من الله
  4. @ymy_ymy

    مرحبا بنوتات
    حابه اسال كم سؤال ياليت تفيدوني واناسألت الاسئله هذي للدكتور بس انا حابه اسمع تجارب ناس عملوها ولو ان اسئلتي كثيرة شوي بس عارفه انكم بتساعدوني وتشجعوني لان بأذن الله عمليتي بعد اسبوعين
    1/العمليه كم فتحه في البطن وكم تخذ الجروح وقت عشان تبرى؟
    2/ كم تقعدين وقت وتمارسين حياتك طبيعي ؟
    3/من خلال كلام دكاترتكم هل للحزام اثر على المدى الطويل؟؟ وهل ممكن وجوده يأثر او يتعب بالحمل ؟؟
    4/هل فعلا ساعدتكم العمليه على تقليل شهيتكم وتحكمكم بكمية الأكل ؟؟ لأن بصراحه صديقتي تقولي لاتعمليها طالما لازم دايت معها اضغطي على نفسك واعملي دايت بدوون عمليه ايش رأيكم بكلامها ؟؟


    اااااااااااااااااااااااسفه طولت عليكم وكثرت وانا عارفه انكم ماراح تقصرووووون
  5. مشكووره اختي ريم على الرد :26:
    ما قصرتي ويعطيج العافيه




    وانا بعد والله اشتقت لكم :26:
    الغلط في نوع الرجيم
    سوائل .. بس نوع واحد فاليوم
    يعني مثلاً كوب عصير برتقال وباقي اليوم ماي



    الثلاثينيه

    لازم ندلع نفسنا شوي ونخربط :p
    كم يوم ان شاء الله ما يضرون
    محد يقدر يقاوم الشوكليت والسويت
    انا صرت ما اقعد مع اهلي وايد عشان ما اكل


    زهرانيه


    مبرووووووووووووك النزول :26:
    ما شاء الله حلو نزولج
    حطي لج شريط الوزن مثلنا عشان تتشجعين اكثر

    قطر الندى

    حياج الله معانا فالرابطه
    بالنسبه للسوائل الدكتور قال لي استمري عليها شهر
    بس انا اسمريت اسبوعين
    والدكتور قال لي ما يصير اضوق الا بعد مرور شهر ونص على العمليه
    وبالنسبه للاكل المهروس
    اخصائية التغذيه قالت لي ممكن تحطين عيش وصالونه وقطعة دجاج وخضروات فالخلاط
    بس الكميه ما تتعدا الكوب
    وقالت لي ممكن تاكلين سيريلاك << انا استانست على هذي :p
    وممكن خضروات مهروسه
    بس لا تكثرين من الهريس والمظروبه .. ترى بيزيد وزنج
    حاولي تكون اشياء خفيفه

    حياج الله اختي يمي يمي معانا فالرابطه

    وبالنسبه لأسألتج

    1/العمليه كم فتحه في البطن وكم تخذ الجروح وقت عشان تبرى؟

    في ناس يسوون لهم 4 وناس 5 .. على حسب الدكتور

    2/ كم تقعدين وقت وتمارسين حياتك طبيعي ؟

    ثاني يوم من العمليه تطلعين من المستشفى ويختلف من وحده لين الثانيه بس مب اكثر من اسبوع

    3/من خلال كلام دكاترتكم هل للحزام اثر على المدى الطويل؟؟ وهل ممكن وجوده يأثر او يتعب بالحمل ؟؟

    ما اعرف .. بس في بعضهم مسوين العمليه وحملوا عادي

    4/هل فعلا ساعدتكم العمليه على تقليل شهيتكم وتحكمكم بكمية الأكل ؟؟ لأن بصراحه صديقتي تقولي لاتعمليها طالما لازم دايت معها اضغطي على نفسك واعملي دايت بدوون عمليه ايش رأيكم بكلامها ؟؟

    اذا انتي من النوع اللي ما يقدر يستمر على الدايت .. العمليه تساعدج على انج تسوين شوي كنترول على نفسج .. بس لازم تكون عندج اراده
    وصلي استخاره .. وشوفي اللي ترتاحين له

    واتمنى اني اكون افدتج