شاركي في النقاش

سجلي الدخول لإضافة تعليق.

التعليقات

9,185
  1. @msdunkin

    السلام عليكم ورحمة الله وبركاته... مسى الخير على احلى متكهربات اوه سوري قصدي متحزمات..
    بلاكم بنات هدوا اعصابكم شوي نحن كلنا خوات والمفروض نجتمع على الخير لبعضنا... الله يهدينا اجمعين انشالله..

    اختي قصة الامارات في مستشفيات حكومية تسويها مثل توام والعسكري بس توام بيوافقون اذا وزنج فوق 120 وطبعا لستة الانتظار طويلة، والعسكري ما يمدحون لدكتور الالماني الي يسويها عندهم. وفي مستشفيات خاصه مثل الامارات الدولي والنور... والناس الي مسوين العملية في هالمكانين يمدحونهن وعني انا شخصيا بسوي العملية انشالله اذا الله كتبلي في النور عشان ابدل حزامي الحالي.

    تمنياتي بالتوفيق للجميع
  2. @ktr_alnd999

    المشاركة المقتبسة غير متاحة.

    مشكورة حبوبه على الرد
    بمر على الدكتور عقب مرحلة السؤال وبشوف اش يقرر
    =======
    احس انه من لما التزمت بتعليمات دكتورة التغذية وانا مرتاحه اكثر
  3. بنات قطر

    الي تعرف اي احسن دكتور لتحزيم المعده لاني محتاره بين العمادي او عبد العظيم
  4. قطر الندى999
    ريم + بنت السورية مشكورين خواتي على الرد اليوم كلت شوربة عدس بس حسيت انها ثقيلة وضيقت علي مادري يمكن عامل نفسي لاني كنت خايفه من الترجيع ريم لهجتج شكلها قطرية اذاا انتي من قطر وين سويتي العملية انا سويتها في العمادي تتوقعون في ش…
    حبيبتي ممكن تخبريني شلون العمليه عند العمادي

    معليش اتعبك بس ممكن تحكيلي بالتفصيل لاني ناويه اسويها ومتخوفه
  5. @ktr_alnd999

    koketa
    حبيبتي ممكن تخبريني شلون العمليه عند العمادي معليش اتعبك بس ممكن تحكيلي بالتفصيل لاني ناويه اسويها ومتخوفه
    هلااااا اختي :26:

    بقولج اللي صار لي بالتفصيل

    انا رحت مستشفى العمادي وقلت لهم في الاستقبال ابي اقابل الدكتور محمد العمادي

    انتظرت دوري ودخلت عنده وقلت له ابي اسوي عملية حلقة المعده خذ طولي ووزني

    وقال لي لازم تسوين الكشوفات.. في نفس اليوم سويت كل الفحوصات اللي يبها وماخذت ساعه

    ورحت له ثاني يوم سويت التلفزيون وعقب دخلت عليه قالي الفحوصات اوكي وبسويها لج عقب بكره

    رحت يوم العملية صايمه وسواها لي

    وهي عباره عن 4 غرز وحده طولها يمكن 4 سم والباقي اقل من عقلة الاصبع والعملية تخدير كامل

    الالم اللي عقب العملية عادي وممكن تستحملينه وتتطلعين عقبها بيوم اللي بيتعبج اثر البنج اكثر من العملية نفسها

    اول شهر ونص لازم تشربين كله سوائل ( روب - لبن -شوربه مصفاه - عصاير )

    ووعقب الشهر ونص اتمين اسبوعين على الاكل المطحون وعقبها تاكلين عادي انا لين الحين

    ماصار 13 يوم ع العملية

    طبعاً عقبها كل فترة لازم يضوق لج الحلقه والتضويق يكون عبارة عن ابره في البطن واللي اعرفهم وجربها يقولون ماتعور

    بس حبيبتي هاي اللي صار معاي كتبته لج بالتفصيل مثل ماطلبتي :)


    =========

    وبخصوص المكان اللي بتسوين فيه العمليه كلهم استشارين ومعروفين
    بس انا سويتها عن العمادي لانه ماحب مواعيد مستشفى حمد والزحمه
    بس طبعاً الدكتور عبدالعظيم غني عن التعريف ودكتور شاطر
    وانتي استخيري والله يسرها لج :)