ردنايف على امه

بسم الله الرحمن الرحيم

تتمه لموضوع اختي ضيم الجراح وقصيدة ام نايف بولدها
ردنايف على امه بهذي الابيات:
سر ياقلم واكتب من الشعر ديوان
عنوانها المسجون نايف يعاني
صفحاته الجدران والحرف سجان
غلافها القضبان هذا مكاني
انا السجين اللي له القيد عنوان
سجني مؤبد ويلي الموت جاني
وانا الغريق اللي من الهم غرقان
يارب فرج كربتي وامتحاني
روح ربيع العمر واصبح خبر كان
كاس المراره قدمه لي زماني
يا لوعة المسجون والحظ خوان
بين الزوايا السود حظي رماني
خلف الحديد اليوم والحال نقصان
زواري الاحزان هدت كياني
وليت ياسجن التعاسه والاحزان
فيك النكد والمر ما جا كفاني
اطيور سعدي هاجرت كل الاغصان
من بعدها وحدي حزين اعاني
ماتت جذور القلب والورد ذبلان
ما دري الحزن اشريه والا شراني
الهم في صدري كما نار بركان
والفرح مركب ما رسا بالمواني
يمه مسافه بيني وبينك اوطان
لكن خيالك ما يفارق ثواني
محتاج لك بالحيل مشتاق ولهان
يمه وليدك فاقد للحنان
افز من نومي وانا فيك حلمان
يا ليت حلم الليل يمك خذاني
سجادتي والذكر والليل قرآن
دايم ونيسي يوم ربي بلاني
يا ميمتي ما خاب من قال سلطان
يمناه توصلني لبر الامان
مشهود له بالطيب في كل ميدان
لو احصي الافعال يتعب لساني
رمز الكرم والجود من دون برهان
خيره يغطي كل قاصي وداني
يا سيدي سلطان يا طير حوران
يا فزعة المضهود سجني كواني
يا الله ياللي خالق الانس والجان
نرجي نعيمك ربنا بالجنان
تحفظ لنا سلطان من كل شيطان
ويفك قيدي ما ابي شي ثاني



اللهم فك قيده وارجعه الى امه عاجلا غير آجل يارب العالمين 000000000اللهم آمين