شهادة الـICDL من أي معهد خذيتيها بجده؟

السلام عليكم ورحمة الله وبركاته

يابنات أنا بدخل في الموضوع دغري على قولة أهل جده

أنا متخرجه طااااازه من الكليه وقاعده في البيت لاشغله ولامشغله

فضاااااااااااااااااااااااااااااااااااااااااااااااااوه على الآخر

فقررت اني أستفيد من هذا الوقت على بال ما أتوظف ان شاء الله

وكثير ناس نصحوني آخذ دورة ICDL اللي هي قيادة الحاسب الآلي

وقالوا انها تدعم في الوظائف بشكل كبير لكن زي ما انتو عارفين المعاهد

عندنا ماشاء الله بالهبل خصوصا في جده وأسعارها متفاوته مابين الغالي والرخيص

المعتمد واللي مشي حالك بس أنا أبغى معهد شهادته مضمونه ترفع الراس وتدعم في الوظائف

وغير كذا أبغى يكون معهد معتمد مو ضحك على الذقون ياخذو فلوسنا ونطلع بدون فايده

والأهم يكون تعامل الأستاذات والعاملات في المعهد تعامل راقي لأني أكره اللي نافخه نفسها

على الطالبات وبيني وبينكم من كثر ماشفت في الكلية اللي درست فيها اتعقدت والله من معاملتهم

عشان كذا الاحتراااااااااااام والمعامله الحسنه مهمه عندي :(

فياريت اللي درست في أي معهد بجده وأخذت شهادة قيادة الحاسب واستفادت تقول :

1- اسم المعهد

2- مدة دورة قيادة الحاسب

3- كم كلفها

4- الشهادة معتمده أو عاديه

5- هل اتأخرت شهادتك أو أخذتيها بمجرد انتهاء الدورة؟

وبس

وجزاكم الله كل خير :26:

5 تعليق 960 مشاهدة

شاركي في النقاش

سجلي الدخول لإضافة تعليق.

التعليقات

5
  1. @rafeqat_aldrb

    اختي انا ناوية اخذها في الاكاديميية اللي في حي الشاطئ لانه كثييييييير يمدحواها و هي الان ب 1000 ريالو هم معهد معتمد كثييير و سمعت كثير يمدحونه
  2. @angel_eyes_1

    صاحبة الموضوع
    يسلمووو rafeqat aldrb على ردك

    بس ماقلتيلي كم شهر مدة الدوره؟


    وياريت البنات يشاركونا كمان

    :)
  3. سلام عليكم

    بنااااااااااااات شهادة ICDL


    تقدرو تنزلو منهجها من النت وتروحو تختبروهاااااااا في المعهد وتاخذو الشهادة

    تراها مره سهلة وماتحتاج


    رفيقة الدرب

    كيف حالك؟

    ابغى اسألك عن اكاديمية حي الشاطيء

    هي ايش اسمها بالضبط؟

    وبعدين ايش يدروسو غير الحاسب؟
  4. بنات انا حرد عليكم عن الاكاديمية تراني ادرس فيها الان
    انا الان كنت دارسة مواد الدورة هذه في معهد ثاني و لمن جيت اختبر للicdl اخذت المناهج من النت و درست لوحدي و اختبرت للان الورود و الاكسل و الحمد لله انا درست في الاكاديمية الفلاش و هم كثيييير طيبين و متعاونين و الشهادة معترف فيها الانه الاكاديمية مركز معتمد للشهادة هذه و مدة الدورة لو تاخذيها عندهم 3 شهور و هي ب 1000 ريال و لو بس تختبري كل اختبار ب 50 و بطاقة المهارات ب 100
    و هم عند تقاطع طريق الملك مع حراء مقابل بنك سامبا للسيدات
    و هم عندهم كل الدورات و البرامج للحاسب و اسمها الاكاديمية النموذجية للتدريب الدولي

تابعي تجارب أخرى من هذا القسم.