بنات انا يمكن اتطلق....مين تساعدني وتشيل عني شوي وتخفف علي جزاها الله خير...

انتيهي يا اختي لا تتنازلي وتتصلي عليه.... بعدين يتعود

يصير في كل مرة تزعلين منه وتروحي عند اهلك بيقول اكيد راح تتصل وتطلب ترجع

لكن طالما انك رحتي عند اهلك فخلاص كملي وامسكي على نفسك شوي

خليها فترة مراجعة حسابات كل واحد فيكم.... يمكن الله يهديه

واذا كنتي حاسة او خايفة انه بيهجرك عند اهلك بالشهور ... انا افضل انه احد عاقل من اهلك يكلمه

يعني مثلا امك تكلمه او اختك الكبيرة ... لكن انتبهي لا تضعفي وتتصلي انتي

وصدقيني لو فيه خير راح يتصل عليك اقل شيء عشان ولده

واذا حصل انك رجعتي لبيتك ؟؟ لا تفاتحية بالماضي ... خليكي مخلوقة جديدةغير ملاك القديمة

حسسيه انه قلبك ابيض بالرغم من الجروح والالام الا انك قدرتي تعيشي نفسك بنفسك

ولا تجلسي تراقبي تصرفاته وتخليه اولى اهتماماتك عشان لا تتعبي...

بس حطي في بالك انه ربي قريب من عبده اذا دعااااه

واتمنى اكون فدتك

اختي عطيني ايميلك ودي اقابلك على الماسنجر واتكلم معاك كثير والشي الثاني هذا زوجك وصدقيني مع ظروف الحياة راح يتغير ولاتقولين ثلاث سنوات ماهي مقياس لة اذا كثروا العيال والمصرف والله ماعاد يتفرغ لك ولاعاد ينتقدك ويمكن فية مشاكل هي الي تخلية يسوي كذا جلا من لايخطي اكيد انت بعد مخطئة وسامحيني لكن فعلا ماراح نعذر الناس الااذا حطينا انفسنا مكانهم وانت تتكلمين وانت زعلانة لكن اذا انتي مبسوطة تموتين فية وهذا زوجك وابو ولدك وفكري في ولدك اذا هويشوف ابوة بكرة مع وحدة ثانية غير امة كيف بيكرهه وكيف بيشوف امة مع واحد غير ابوة بيكرهها وتعالي تشوفين الحالة النفسية اختي احتسبي الاجر وارجعي لزوجك وكابري على نفسك وحبية بكل عيوبة ومميزاتة والنقطة المهمة انه مايقصر بالمصروف هذا اهم شي واحمدي ربي انة ماهو سكار ولاخمار ولاحق بنات والعياذ بالله ولايضربك وووووو كلها ان شاء الله ماهي فية ليش تخربين بيتك عشان عواطف مصيرها تتغير مع الزمن وانت سيدت هذي العواطف وانت الريموت حقا حبيبتي اتمنى نتكلم مع بعض باسهاب لاني حاسة فيك وابي انك ترجعين لزوجك وولدك ولاتفكرين انك اذا تركتية راح يجي فارس الاحلام ويخطفك ويعيشك الحلم لاوالله مامعك الاشايب ولامطلق ويعاني ويطلب منك كل شي على اكمل وجة لانة يشوف نفسة انة انقذك من كلمة مطلقة الي للاسف مجتمعنا مايرحمها ولايعطيها حقها كان الله في عونك والله يهدي سركم قومي حبيبنتي والبس وحطي مكياج ولبسي ولدك وسومي ترمس شاي واتصلي على زوجك وخذي بخاطرة وقولي ولدك طفشان يبي يغير جو ودك تطلعة واذا جاء رحبي فية واذاركبتي السيارة امسكي ايدة وقولي لك وحشة يابو فلان ماتوقعت ماراح تسال كنت تعبانه ومااحد درى عني وبعدها قفلي على الموضوع حتى لورد برد قاسي خليك حكيمة وامدحي فية وامدحي في الطلعة ووووانت زوجتة وبتفهمينة معليش اعذريني على الجراءة ولكن من حبك وماابيك تخربين بيتك بالله اعطيني اخبارك ولوبرسالة على الخاص الله ييسر امورك ويسخر زوجك لك ويسهل اموركم ويكبرك بعينة ادعي ربي والله مايزينها غيرة

الله يفرج عليك كربتك

ويصلح زوجك ويجعلة لك كما تحبين

استهدي بالله على طول خليتها ممكن اتطلق إن شاء الله ربي يصلحه ويهديه لك

والمشكلة هذه كثير أزواج يمرون بها الزوجه رومنسية وحساسه والزوج عنيد وقاسي

بس اكيد موجود حب حاولي تذكري بعض المواقف الي تبين حب زوجك لك ولو كانت بسيطه

الحين طالما انك في بيت اهلك ادعي والحي بالدعاء بأن يحنن الله قلبه
ويجعلة لك كما تحبين وتكونين قره عين له وترى الدعاء له مفعول عجيب في هذه الأمور

وآسفه كنت اتمنى اني افيدك اكثر لكن هذا إلي حاضرني الحين

والله يريح بــــــــــــــــالك

وادعي لي ان ربي يتمم حملي على خير

الله يعينك ويفرج همك
انا اشوف انك تكملين الطريق اللي انتي فيه
اتركيه يمكن يخليك شهر شهرين بس بعدها مايتحمل طبعا لازم ابوك واخوك يتدخلون يكلمونه ولا يكلمون ابوه
والله يعينك

اسحريه بلسانك
حببيه فيك
و بعدها ما حيقدر يزعلك
بس عليك بالصبر لان الطبع يغلب دائما التطبع و الطبع لازم له وقت
الله يصبرك و يهديه