((((كيف أتفادى الفشيلة))))

السلام عليكم ورحمة الله وبركاته ..

أخواتي أنا حساسة جداً وأكره الفشيلة لدرجة أني صرت أخاف منها ..و أذا صار لي موقف ما أنام بالليل من الحسرة والقهر .

راح أضرب لكم أمثلة عشان تحسون فيني وتفهمون علي :

* أنادي وحده وتسفهني .

* أقول سالفة وما حد يعبرني .

* أتكلم ومتحمسة وأحد يقاطعني .

* أمزح وما أحد يجاملني .

والأمور هاذي تصير لي كثير مع أهلي و أقاربي وصديقاتي ومعارفي ..لدرجة أني صرت أشك في نفسي أن أنا ما لي شخصية .
أنا من النوع اللي طيبة جداً وأحب الناس وأحس فيهم و أساعدهم و أسمع لهم و أجاملهم في المناسبات و أمدح الزين وما أغار من أحد وحتى البزران أعطيهم وجه ..(أذكروا الله وقولوا ما شاء الله) .
لكني أكتشفت أني غلط والدليل ما أحد معبرني و الكل مستهين فيني ومالي كرت .
مع العلم أني في السابق ما كنت أجتماعية وندمت كثير لأني عانيت من الوحدة فأهلي في الرياض و أنا في الدمام(متزوجة ولي أطفال) و ماني موظفة وطفشت كثير ولما حبيت أني أكون سنعة وأتعرف على الناس أكتشفت أن الناس ما تبغى تتعرف على أحد والكل مكتفي بمعارفه .


السؤال المهم : كيف أتعامل مع الناس ؟ .

السؤال الأهم : كيف أتفادى الفشيلة ؟ .

10 تعليق 1,364 مشاهدة

شاركي في النقاش

سجلي الدخول لإضافة تعليق.

التعليقات

9
  1. @tmryko

    ماشاءالله عليكم والله هذا شي حلو

    والله يعطيكم على قد نيتكم يارب

    قلوووبكم بيضاء ماشاءالله وهذا يدل على حسن الخلق وفيما معناه حديث عن الرسوول حسن الخلق يثقل في الميزان

    وما اشوووف فيها مشكله صراحه والله يسخر لكم يارب اقوى منكم :)
  2. @ghyod_12

    تخيلي أسمهان محد يعبرج وما يردون ع الموضوع :42:
    فديت قلبج هههههههههههههههه شكلج فضيعه والله حبيتج
    تعالي سولفي معاي والعيب مو منج من اللي تسولفين معهم وما يعبرونج
    لا زم يحترمون المـ تـ كـ لـ م مو يقاطعونه ويستهزؤن بكلامج فديت قلبج
    قبل ما تبدين بالكلام قولي بناااات سمعو بقول لكم شي :) فديتج يمكن يسمعون
  3. أخواتي أنا حساسة جداً وأكره الفشيلة لدرجة أني صرت أخاف منها ..و أذا صار لي موقف ما أنام بالليل من الحسرة والقهر .

    هذي عندي هي هي هي هي هي
    بس بقولك شي الناس الي طيب مره وينفع هم ويخدم مثلي ومثلك بس وقت الحاجه
    لكن انتي خفي ايدك عنهم شوي تلاقينهم صارو احسن وتأدبو معك
    حتى لو خواتك دايم الي رزه وماتنفع مرات بس تنفع حتى اهلها تلاقين يسولن لها حساب الناس
    حتى امها وخواتها بينما الطيبه لالا والحبوبه لالا يحسونك اسمحيلي يمكن خبول حنا
    وبقولك خلي الطيبه على جنب شوي بس مو مرره مرااات ومراات
    جربتها ونفعت معي

تابعي تجارب أخرى من هذا القسم.