مساء الخير:
بنات انا ساكنه في شقه تقريبا ضيقه فيها ثلاث غرف كلهم مقاس 4×4
1-وحده غرفي
1-وحده غرفة بناتي
1-وحده فاضيه
وصاله مقاسها 4×5
راح نعدل فيها من حيث الصبغ والديكور من جديد ................
زوجي مو راضي يجيب صور او اشكال اشوفها علشان احدد باختصار ماله خلق يقول اجيب الصباغ اقوله علي اللي تبين واهو يسوي مالي خلق اجيب كذا واحد وتشاورينه :(
يعني يبيني اقوله اللون الفلاني والديكور العلاني ...............راسه يابس ما يفيد فيه ........:30:
.............................................ابي مساعده
انا خالصه من غرفة بناتي وغرفتي لكن عندي الصاله والغرفه الفاضيه ............
سؤالي اولا: الغرفه الفاضيه ابي فيها جلسه ارضيه شنو رايكم اي لون استخدم من صبغ ولون الجلسه واذا في صور اكون شاكرلاه لكم ........
ثانيا:الصاله اي لون اصبغها وشنو الجديد وفي ممر عندي يودي لصالهابي اسوي فيه قوس شنو رايكم اخلي بالقوس اضاءه سبوت لايت ولالا وياريت يكون في صور ........................محتااااااااااره:eek:
اسفه عالاطاله...........:26:
شاركي في النقاش
سجلي الدخول لإضافة تعليق.
التعليقات
18- بالنسبة لمكان الجلسة الأرضية حاولي تستخدمين الألوان الدافئة
مثل البرتقالي الي يميل على بني أو الأصفر المحمر شوي اذا كنت بتسوين جلسة تراثية ارضية
والصالة نسقي بالنسبة لقطع الأثاث الموجودة
بالتوفيق عزيزتي - كان ودي اساعدك >>>>>>لكن ما عندي خبره بالتنسيق
ان شاء الله البنات ما يقصرون.............. - انا اقولك اختي الشقه صغيره اذن ابعدي عن الكلاسيك والاخشاب ماراح تطلع حلوه
اول شي اصبغي الصاله ترابي او بيج غامق والسقف ابيض دامك تبغين جلسه عربيه سويها بخشب بني بس لايكون النقش فييه كثير حليه ناعم
ولون القماش حاول تخلينه من الشمواه الترابي الغامق الساااااااااده واعملي خداديات ملون سكري فستقي مع الموف الفاتح اول العكس اعملي الخدايات احمر داكن بني زيتي فاتح
تطلعلك الصاله مرتبه وناعمه الاكسوارت ابعدين عن الاشياء الفخمه خذي البسيطات الناعمه فازه زجاج دخلي فيها ورد ملون نفس الوان الخداديه وكرستال الواحات اعملي جدار ركبي عليه الواحات بطريقه غير تقليديه بدون ايطارات قطعه السجاده اشتري ام شعر كثيرر تحصلينها بايكيا وستي بلاز
نجي الممر شكليه بالوحات ولون البويه ترابيه نفس الصاله عشان يعطيك مساحه وشراحه اكثر
مجلس الرجال لون البويه خليها سكري فاتح واعملي الكنب مفصل شمواه سماوي بحري فاتح جدا
والكراسي حطيها من الفضي التفته القماش اللامع عرفتيه ؟ واعملي الكنبه السماويه تكون كبيرررررره وتكون على الوجه اول ماتدخلي المجلس
والكنبات الجانبيه حاولي بقماش مشجر خفيف يجمع البحري والفضي والطاولات خشب بني والاكسوار فخم نوما ما
وسلامتك اتمنى افدتك - وشميه 30 ياعمري ماقصرتي بس كان الوان الصاله تقريبا غامج ولا لا؟
يعني رايج اصبغ صبغه ساده لا تعتيق ولا صبغات جديده؟ - حبيبتي اللحين الناس نازلين في الساده والشامواه بس إذا تبين تعتيق عتقي بيج في بيج نفس اللون وابيي رأي البنات في التعتي الأبيض الؤلؤي
مواضيع مشابهة
تابعي تجارب أخرى من هذا القسم.