البدايه كانت مسجات ثم اتصالات .... بعدين صار يوصلها للعمل. كيف تتصرفي؟؟

انا الحمدلله بخير هالفتره اعتبرها فترة صلح ابد مافي عتاب ولا صراخ ولا اجيب سيرتها ولا افتش بجواله ماانكر اني اشتقت له بس ماسكه نفسي لانه بيحرق اعصابي وبيحبط عزيمتي فاابدا مالمسه والله يقويني على هالشيء....

اناا مااخبي عليك يااختي اني انصدمت وانفجعت لما شفتها بالسياره ولكن تخيلي موقفي جأي يأخذني من باب بيتنا يعني مستحيل اقوله هذي من هي ولا بااحق تركب معاك واعملي فضايح بعز النهار..
ولما نزلت مثل ماقلتلكم سألته انت دايم توصلها قال ليه ؟؟ قلت اجل اليوم قال ظرف فقمت استفزيته وقلت دام هذا شكلها مايضرني لو توصلها كل يوم لكني بعد ماشفت المسج الي حقها انبطيت وعرفته هو الي مأخذها العمل وهو الي مرجعها............. وعملت تحقيق لما رجع البيت بس زوجي من النوع البارد يعني مستحيل اضغط عليها بالاسئله ويجاوب لا منتهى البرود ماسكتي يقوم يطلع برى البيت ولا يقفل على روحه المجلس.وهذا موب من مصلحتي اكيد وع فكره انا جيته بالبدايه بااسلوب المزح ها وصلتها اليوم ؟؟شخبارها؟ ولما شفت بروه صراحه صرت اولع ........

وانا فكرت شوفتها اجلتها لاني حسيت الكل معارض وماابي اقدم على خطوه اندم عليها قد شعر رأسي ومثل ماقالوا بعض الاخوات وقلتي بتصير تأخذ على البيت وتلزق روحها
واشاياء انا في غنى عنها.... مااخبي عليكم اليوم كنت متضايقه لما ماحصلته يرد على مكتبه وجواله مقفل اتصلت على مكتبه اسوي نفسي غلطانه لانه الفرق في ارقام المكاتب فقط الرقم الاخير وانا قبل كنت داقه عليها بس قبل لا اعرف من هي بالغلط قلت ع طول بقول هلا حياتي وبعدين اسوي نفسي متفأجأه اني غلطت بالرقم بس اشوى كنت راكده ولما اتصلت رد رجال علي :eek: :eek: :eek:
قلت الو ممكن اكلم فلان الفلاني اختلعت وربي

ومن ناحية الحركات ام ربع كم بحاول اعمل نفسي ارتمي على كتفه من التعب واعمل نفسي نايمه لما نشاهد سوا وولا اعري ساقي الممشوقتا ن ههههههه واذا جاء استر حالي مدري احس اني محتاره معه لاني اليوم عطيته وجهه وقام يتثقيل احس التطنيش احلى معه ؟؟يعني يوم الجمعه لاول مره نادى علي:eek: والمفروض انه يجيء مو ينادي بس كمان عديتها قلت بداية تطور ؟؟ انتوا ايش رايكم
التطنيش والتغلي احسن؟ اتوقع انكم اخذتوا صوره واضحه وتقدروا تحكموا

ورح اجرب الطريقه الي ذكرتيها وان شاء الله خيروانتظر رجعتك والله يعطيك العافيه ويخلي لك اولادك ويسخر لك زوجك ويوفقك بتجارتك قادر ياكريم:26: :26: :26:

الله يسمع منك يارب وانا احس هالفتره اني رايقه معه وابد مااجيب سيرتها اتميلح ارسله مسجات واتصله ويش يبي على الغذاء وهو متى راجع عشان الغذاء يكون ساخن لما توصل ؟؟

شلون اعبر له عن حبي بشكل غير والله احسه غرقانه حب وانا الي جوعانه وعندي جفاف؟
يحمد ربه اني لسه ماانحرفت واني بنت ناس ومتربيه واخاف الله

استغفر الله بعض الارجال يجيبوا القرف والهم من كثر ماهم معقدين ومعقدين معاهم يعني هم بس يشتغلوا ويجيبوا فلوس وحنا علينا كل شيء طبخ ونفخ وتنظيف ولم شمل وزينه للبيت والعيال وتربيه وقبال لهم ولا الجيش يكرف كرفنا:22: صراحه اتمنى لو كنت رجال بهاللحظه 100% بكون خريج البتروال واي بنت سعوديه تتمناني ومن ناحيه الدين والاخلاق والجمال فهو وراثه في العائله للجنسين ااااااااااااه من قهر الارجال ودلعهم مااقوال الله يكون في عون الحريم

معليش يااختي صار هذا الكلام في ردي لك موب خاص لكلامك (بالعكس انا احسك واعيه ولا ماكان نصحتني اني ماابعد عنه وانشغل لانه فعلا فيه بعض الارجال وان شاء الله زوجي مو منهم يشوف هالشيء عذر قوي) لاني حسيت انه ضاق صدري من كثر ماافكر ويش الي لازم اسويه ويش اصلح وهونايم مرتاح!!؟؟

وانا ماانساكم والله حتى لمااجيء ادعي لنفسي وخصوصا وقت صلاة الفجر لانك جد ساندوتني ووقفتوا معاي والله يتمم لك على خير حملك على خير ويقر عيونك وعيون ابوه بشوفته وتقومي بالسلامه :26:

تصدقي انه دمك شربات واني حبيت اسلوبك كثير وخصوصا لما تقولي خخخخخ :hahaha: احسها طالعه منك من قلب ومستحيل ياقلبي ازعل ولا اتضايق منك ولا من اي بنت عبرتني بنصيحه والاختلاف في الرأي لايفسد في الود قضيه وانا بالعكس حسيت انه ارائك حلوه وحتى لو كان بعضها قاسي شويه فهو من حقك لانك انفعلتي مع الموضوع وانا وضحت لك وجهة نظري على الخاص وانتظر ردك حبيتي والله يخلي لك زوجك وولدك ويحفظكم من العين ومن كل شر.

غلا الروووح ردك هذا روووعه وانا معاك لماقلتي تسال زوجها عن سبب تغيره عليها
وكماااااااان كيلوباترا الشام ردها عجبني
وانتي ياام كميل قولي لزوجك ايش هالبروود وعدم الاهتمام حتى الطلعات حتى اهتماام عاطفي مافي
ليش يتزوج طيب اذا كان كذا
انا بصراحه زعلت انو رجع لبروده وانا انصحك تعرفي ايش وضعك عنده وقرري وخليكي حازمه

دعووووووواتي لك ياعمري والله مااحبه الرجال البااااااارد مره مره مره

هلا حبيتي يعني تفكري مابسأله وبجلس افكر بيني وبين نفسي دايم يقول مافيه شيء وانه هم الشغل وتعب هو الي شاغله لااكثر. الي حاز في نفسي انه ابدا ماكان كذا قبل والله حتى ايام الاختبارات النهائيه نطلع البحر نشوي ونسهر للفجر ونتمشى وحتى لما كان يحتاج شيء للعمل يوم الخميس يأخذني معه ينزل يجيب اغراض الي ناقصته والا الملفات وبعدها نروح نسوق ولا مطاعم والحين كله ماله خلق ومشغول وبرود مو طبيعي والله يكون في العون ياحبيتي.