رجاء جميعا ان تدخلوا ولا تطلع وحدة الا ردت علي تكفين سبائك واي بنت تعرف

ليس لدي علم ولكن أجمع الكثير على أن البروكسيد مضر للشعر ولكن ضرره يتفاوت حسب نوع البروكسيد وحسب نوع الشعر

عشان الحلف......حبيت اقولج...

ليش اصلا تصبغين بالبيت وحق روحج....روحي لصالون معروف ومضمون بدال هالعباله كلها وريحي نفسج..

بلا كميات بلا مقادير....

:26:

جد ما اعرف شئ بس عشان الحلف كتبت ورديت

اختي انا ممكن افيدج

انا خبره بالصبغات وعندي هوايه دوم اغير لون شعري

البروكسيد اللي تقولين عنه مضر جدا للشعر وخاصه لو حطيتيه بروحه الشعر بيتكسر وكل صبغات الشعر اصلا فيها بروكسيد بس تضاف ايه مواد تساعد الشعر على انه يتحمل البروكسيد وتنعمه بعده لذلك خطر جدا انج تحطين البروكسيد بروحه ممكن وحده شعرها يتحمله وممكن يضعف بس ووحده غيرها شعرها مايتحمله ويتكسر ويصير ضعيف

تبين تفتحين لون شعرج روحي الصالون يكون افضل

لو بس تبين تغيرين لونه فيه صبغه من لوريال موجوده باغلب المحلات والسوبرماركات والجمعيات مافيها البروكسيد هذا وجدا لطيفه على الشعر ودائمه نوع واحد بس من صبغات لوريال مافيه البروكسيد هذا علبته بنفسجيه والوانه حلوه وبس اغلبها غامقه وفيه على احمر ولون الحنه والكستنائي والبني بس لو تبين تفتحين شعرج ماتنفع بس لتغيير اللون ممتازه وتقدرين تستعملينها لانها مضمونه وروعه للشعر تخليه لونه حلو وبلمعه

اما اذا كنتي تبين تفتحين لونه بس شويه عندج بالاسواق وهني عندنا بالامارات موجود بالجمعيه سبراي اسمه sun in ترشينه على الشعر بعد السبوح وشعرج مبلل وتجففينه بالسيشوار ويفتح شويه ومع كل سبوح حطيه ويفتح اكثر حتى توصلين للدرجه اللي تحبينها وهو امن وخفيف وغير ضار تقريبا مقارنة بالبروكسيد

ومنه انواع للشعر الغامق والاشقر والاسود
انشالله اكون افدتج واي سؤال انا موجوده