اكتئاب مابعد النفاس من سمعت عنه او مرت به

بوو والله متعب هالشي
صياح بدون سبب
كنت اصيح مابي زوجي يروح عني واذا قعد معاي اصيح ماشتهي اشوفه
اي والله الحمدلله على العقل بس بجد حاله غير طبيعيه استغفر الله
تغلبت عليها حبيبتي باني قمت اطلع مع اني كنت والده قيصري
بس شفت روحي مع الطلعه ترتاح نفسيتي بشكل كبير والحمدلله رب العالمين فتره وعدت

أنا جاني ببكري أكتئاب أشد والولادات اللي بعده بشكل أخف .
وألاعراض اللي جتني كانت عباره عن ضيقه شديده وشعور بالحزن والبكاء بدون سبب ولاتفه سبب وشعور بالعجز عن القدره على رعاية الصغير . وأحساس بأني لن أتكافى وترجع لي صحتي كما كانت . وأحيانا الشعور بخوف داخلي شديد بس ماأعرف من أيش خايفه .
والعلاج اللي قمت به هو القرآن اترك التلفاز او المسجل دائما على القرآن خصوصا وقت النوم ومع آذان المغرب . وبعد الطهر أقرأ القران عند الشعور بالضيقه فأرتاح والحمد لله خف تدريجيا وتبدل بفرح وشعور بالسعادة وخصوصا عند الرضاعه الطبيعيه سبحان الله لها مفعول سحري بأزالة الاكتئاب بعد الولاده . وجربتها بعد نصيحة الوالدة الله يشفيها وفعلا حسيت بشعور لايمكن احد يحس فيه الا اللي ترضع طبيعي . ولله الحمد والمنه .

هلا يا قلبي
انا جاني حوالي 20 يوم كنت اتهاوش مع زوجي لأتفه الأسباب مع انه كان طاير فيني فرحان بولادتي بالسلامه بس انا كنت اتهاوش معه اذا تأخر علي - ابيه قدامي ما يتركني لا يروح ولا يجي -
بعدين سبحان الله كان شاغلني موضوع ان يا تري برجع مثل قبل الولاده وبكون مثل ما يبغى ؟؟؟

والحمد لله فترة وعدت الله يساعد الجميع عليها يارب
وترى هي ما لها علاج لأنه مو مرض هي حالة تمر فيها الوالده نتيجة الدم والألم الناتج من الولاده ..

انا جاني اكتئاب مابعد الولاده بولادتي الثانيه...
لكن بداية اعتقد ان الاكتئاب هذا له علاقه قويه بنوعية الولاده الي مرت فيها الوحده..
يعني اذا تعسرت الولاده او حست الوحده بالالم قووووي لايطاق او او او...فا هنا تزيد احتمال الاصابه بالاكتئاب..
انا ولدت اول مره وكنت متخدمه ابرة الظهر فا ماحسيت بالالم الحمدلله ..فا مامريت بالاكتئاب ابد
اما بولادتي الثانيه كانت بدون ابره والالم فيها لايطاق..فا بعدها بيوم او يومين صرت ابكي بدون سبب!! ولمّا ابكي ماقدر اسكت او اوطّي صوتي!!؟ فا كنت اخلي وجهي على المخده واصيييييييييح
وضيقة صدر ومالي خلق شي وكوابيس وقبور وحووووووووسه..
بس الحمدلله ماطوّل معي يعني تقريبا تسع ايام وراح..
فيه طرق بسيطه لتجنب الاكتئاب انا ماستخدمتها الا بعد اسبوع من الاكتئاب ...وحده نصحتني اجيب مجموعه من المكسرات واطحنها واخذ منها ملعقه كبيره ثلاث مرات باليوم او اكثررر..لانه عامل مهمممم جدا برفع الحاله المعنويه وكمان اخذت حبوب مسيقور(ماتصلح للي معاها زياده بالوزن) الحبوب هذي مهمتها الاساسيه فتح الشهيه لكن من اثارها الجانبيه تعدّل واضح بالمزاج العام والنفسيه..وطبعا بعد مااستشرت اخصائي اطفال وافادني بعد ضرره على البيبي..
والحمدلله تجاوزت الاكتئاب سريعا..ولو اني بديت بدري كان ماجاني اصلا او مااخذ الا يوم او يومين..


تحياتي للجمييييييييييع

حتى انا كنت أبكي وخااااايفة من شي ما أدري وشو ؟؟؟

وضايق خلقي دايم وكل شوي احس كأني انزف ( وهم ) بس

بس ترا الشيطان مثل ماقال الرسول صلى الله عليه وسلم يوخز كل طفل وأمه عند الولادة

فعلاجه الأذكار والقرآن .. وسلامتك . ما أنصح بالحبوب أبداً .. ( دكتورة على بالي ) خخخخ

وفي كتاب الحمل اسبوعاً بعد أسبوع يقول الأخصائي الي كاتبه ان 80 بالمئة من النساء يعانون منه

عااااااااااااااااااااااااادي .. ...