شنط التقليد هل يختلف اسعارها بشكل كبير ( ترررررررراي اكبر غشيمة):09:
يعنى هل ممكن احصل شنطة 99 ريال والثانية 500 ريال مع انهم تقليد وهم نفس الشكل يالله عاد ردو كلها كم حرف ( نعم . لا) :22:
لاحد يرد الا المتأكد <===== الدعوة فيها طقاق
لاعاد بس علشان ماالف وادور ..... الزبدة
ان لفت انتباهي ان بالعروض التجارية شنطة تقليد بـ 500 ريال وهى عندى 99 ريال بصراحة
استغربت كثير قلت يمكن فعلا الأسعار تكون كذا لاني غشيمة مرة بموضوع الشنط
مع ان الموضوع قاريته كم يوم لكن لافت انتباهي وماقدرت انسى
يالله عااااااااااااااد جاوبو :26:
شاركي في النقاش
سجلي الدخول لإضافة تعليق.
التعليقات
10- ايه ممكن مادام فيه ناس ما تخاف الله
في معرض من المعارض المتنقله شنط التقليد ب45
مهما كانت الدرجه
تروحين لمحلات في نفس المجمع واحد قالي 120 والثاني اللي محله ارتب وبضاعته شويه ومصفصفها زين قال لي ب250
مع اني اشوف انها نفففففففففسها - .*. بات مانه.*........هلي دموعك يا عيوني
الله يعطيكم العافية وعاد انا مستكثره 99 :22: وشلون عاد 500 بس جاء في بالى يمكن حتى التقليد
يجى درجات بقوة التحمل
اما ان المحل اذا كان مرتب يزيد السعر هذى اشهد بها
اذكر محل ( خاص بالكنب) ..... طلعت عن الشنط بس هذا بقلبي :eek:
بالخبر دخلت محل قمة بالفخامة وعارضين طقم كنب جنااااان بحدود 22000 ريال تصورو
قال انه امريكي ...
المهم وبعد ماخلصت تأثيث البيت وباقي اشترى مكتبة والقى طبق الآصل من الكنب ونفس الصناعة
أمريكى ............ بكم بـ 5000 ريال فقط لاغير :eek: والله انقهرت
كان بخاطرى .. لكن المحل شكلة يحوم الكبد
لكن حنا تغرنا المظاهر ........ طلعت عن الموضوع
مشكوووووووووورات ياعيوني:26: - أنا اتعجب من البنات اللي يشترو من المنتدى من خلال الصور
لأن الصور ماتبين درجة التقليد
فيه تقليد درجة اولى وفيه تقليد ثانية وهكذا - هلا وغلا ابنة المطر يعنى في تقليد درجات ....
بالنسبة للى يشترون. الثقة هى الى تخليهم يشترون من خلال الصور فقط
ومشكووووورة عيونى على المعلومة ومنكم نستفيد :26: - اختي من خلال معرفه
فاقولك نعم ممكن يختلف لهالدرجه ومرات ممكن اكثر من 500 ايضا
ومرات ممكن ارخص من 99 ريال
سالت اخوي وله خبره بهالموضوع بحكم نشاطه التجاري
وقالي التالي:
في شنط تقليد لكن تكون جلد صناعي ويتقشر ومعبى من داخل تحت القماش كرتون او يكون قاسي
وهذي دائما تكون رخيصصصصصصه جدا ممكن تلقيها حتى بـ 30 ريال
وفيه شنط تكون درجة اكثر جوده بشوي لكن برضه مو جلد اصلي بل صناعي وايضا ممكن يكون فيها كرتون من داخل لكن صناعتها افضل شوي من الاولى وهذي ممكن تكون بـ 60 ريال او 70 ريال
وفيه نوعية اللي تتسمى mirror وتكون طبق الاصل وتكون جلد طبيعي وما فيها اي اختلاف عن الاصليه نهائيا وما احد يعرف يفرقها الا اصحاب الوكاله الاصليه فقط وهذي تجي غاليه جدا حتى بالجمله
وفيه تقليد درجة ثانيه وثالثه
وايضا نوعية البلد المصنع بعض التقليد يتصنع بالصين بعضه بتايوان بعضه بتايلاند بعضه ببلاد اجنيه وتختلف الاسعار
وبنفسي مره كنت ناويه اجيب شنط تقليد بالجمله
اللي يبيعني الجمله من الصين راسلته مصنع مختص بالتقليد
قال عندي كذا نوع ووضحلي بالصور وبكل شيء الاختلاف بينهم وبنوعية الجلد وكل شيء
وكان فيه فرقه بينهم بالسعر غير طبيعي حتى بالجمله
نظافة الشغل وحبكة التقليد ونظافة الخياطه ونوعية المواد المستخدمه كل هذا له اثر بسعر الشنطه ومدى انطباقها على الاصل من عدمه كل هذا له دور باللعب بسعرها
ايضا بعض الاخوات التاجرات لاحظي انهن ليس محل فهن يستوردن بكميات قليلة جدا وبالتالي في عالم التجاره كل ما كانت الكميه اقل كل ما كان السعر اغلى عليها لما تشتري حتى لو بالجمله،
اما المحلات الكبيره فهي تشتري بكميات هائله وبالتالي يرخص عليها السعر اكثر
بالاضافه انه التاجرات يشحنون بالبريد الممتاز او شركات الشحن السريعه وهذي تكلفتها عاليه جدا
فبالتالي يزيد تكلفة سعر الشنطه على التاجره
اما المحلات الكبيره والشركات فيشحنون بالمينا لانه كميات كبيرررره جدا يتم شحنها بالكاونتر وتكاليف هالطريقه من الشحن للكميات الكبيره مره رخيييييييصه ما تزيد من تكلفة الشنطه شيء
فاذا الصناعه وبلد الصنع
ودرجة صناعتها
والمواد المستخدمه
وتكاليف الشحن
كل هذا يلعب دور بسعر البضاعه
مواضيع مشابهة
تابعي تجارب أخرى من هذا القسم.