ديوانية التوائم " الجزء الثالث" 2006-2007

سؤال حوامل....هل احد عرف من اهلكم بحمل التؤام ؟؟يعني علمتوا احد ؟؟ومتى اقدر اقول؟؟
انا من تجربتي كل مره احمل اعلم على طول ...فمادري؟؟شاسوي ؟؟
ياريت تقولون لي تجاربكم ؟
ماحب احد يسألني بشرينا حامل؟واقول لهم لا ؟احسه فال وحش
شرايكم؟

هلا اختي الحنان الف مبرروووك الحمل ويارب انه يثبتهم
بالنسبه لي انا من طلعت نتيجة الحمل علمت امي بشرتها وزوجي علم امه على بو بس يمر شهر من حملي ذيك الساعه نقول حق خالاتي وفعلا عرفو عن حمالي بعد شهر وبالنسبه للتوام قلت لامي واختي بس وزوجي وقلت لزوجي لايعلم لاحد انا علمت امي واختي عشان يجهزون للبيبيات عني وزوجي قال لاامه موصيها يعني ماقالها بس من طريقة كلامها ونغزتها تدري مليون بالميه انا ماحبيت اقول حق خالتي عن التوم لان خالاتي دايم تقول حق خواتها واخوانها واهما ماشالله اخبار كونا :( وانا حبيت اسويها مفاجأه وبعدين تعرفين الناس ماتعطي خير وانا الحين بدش السابع وامي تقولي بقول لااخواتي عشان امهدلهم بتقولهم ان فيني اثنين موثلاث عشان ماينصدمون خخخخخخخ :)
بس شكلي بخلي امي تقول لخواتها انه فيني اثنين توأم :)

وعلى فكره انا فيني ثلاث توأم

هلااااااا بأحلى كروشات ..
مومنه..ياعمري أنا كيس واحد بدون خط فاصل بس إذا ممكن قولي لي وش يفرق عن بعض؟؟؟
مرطرطه ..والله أنا أحس بنفس الألام اللي قلتي عليها خاصة أسفل بطني ماني قادره أنام وإذا نمت ما أقدر أنقلب وكمان إذا مشيت وألم الرجلين الله لا يوريك خاصة وأنا نايمه..
الله يكون في عونك يارب ويسهل عليك حملك وولادتك ويرحمك برحمته والأهم لا تستعجلين الولاده خليهم يكبرون حبتين خاصة إنهم ثلاثه الله يحفظهم يارب بالتالي أوزانهم أكيد صغيره ..
أسمي الحنان..بصراحه أنا مابقي أحد في الغربيه إلا ودرى عن حملي بتوأم وأول وحده قلتلها أم زوجي وبعدين أمي وخواتي وبعدين صحباتي لأني حاطه في بالي إذا الله كتب بيستمر حملي حتى لو دروا كل هالعالم وإذا ربي أراد بيروح حتى لو خبيت ومادرى إلا أنا..(وجهة نظر)

مرطرطه ...ربي يخليهم لج ويتمم لج على خير يارب
ضوري ماتقصرين اختي ويارب يثب لج ويثبت لي بعد
الصراحه انا اتفق معاج في انه ربي الحافظ واذا اراد استمراريه الحمل سواء علمت الناس او ماعلمت
انا افكر انتظر لين اشوف النبض وبعدين اعلمهم ...امي يحليلها تخاف علي كثير خصوصا
اني بعيد عنها ...وكله توصيني ارتاح تعرفني (نحله) هههه ماقر بمكان
بس بقول لها الاسبوع الجاي اني حامل بتؤام بس اشوف النبض ...الله يعينها على الخرعه
ههههههه واحد وماثبت
شلون اثنين
يارب ياكريم ....ثبت حملي وحمل خواتي المؤمنات وارزقنا الذريه الصالحه

مرطرطه

الله يعينك و يحفظهم لك و لا يستعجلي علي الولاده عشان اوزانهم تكون جيده و ما تتعبي معاهم
و الله يقدر لك الخير

ضوري
انا صراحه مش عارفه الفرق بس الدكتوره قالت انهم في كيس و بينهم خط فاصل و قالت الواضح ان المشيمه واحده
ان شاء الله ما تكون في مشيمه مش واضحه:42:
انا اتمني يكونوا متشابهين يا رب:)

اسمي الحنان
انا لم اكلم اهلي لاني اعيش لوحدي في بلد اخر فلم اريد ان اقلقهم
و الله هو الحافظ توكلي عليه و اكثري من الدعاء و حصني اجنتك بالاذكار
الله يتمم لك علي خير و تفرحي برؤيتهم

ام زوزو و قلبوشي
الله يسهل لكم الولاده