السلام عليكم ورحمة الله وبركاته
أخواتي أنا سويت عملية أطفال أنابيب وتم ارجاع الأجنة يوم 10/3 /2007 لكن الله ما كتب لها النجاح ....الحمد لله على كل حال ...المهم يوم 22 /3/2007 جاتني الدورة ...أنا دورتي العادة 5 أيام ...بس الحين مستمرة معاي صارلها 8 أيام ....اليوم وأمس نقط كل كم ساعة ...فأرجو من البنات اللي عندها خبرة أو مارة بنفس التجربة تقولي ..الدورة اللي بعد فشل أطفال الأنابيب شكثر تطول ....ولكم جزيل الشكر ....والله ما لقيت زي منتداكم ..الكل يتفاعل ويرد حتى اللي ما عندها خلفية عن الموضوع ترد بدعاء لصاحبة الموضوع ...وهذا الشي ما أشوفه بالمنتديات الثانية ...جزاكم الله ألف خير ...ويارب ترزق كل محرومة من كلمة ماما بالذرية الصالحة يارب .
شاركي في النقاش
سجلي الدخول لإضافة تعليق.
التعليقات
6- والله ياحبيبتي يمكن الدوره طولت وياج بسبب الارجاع,تدرين هالامور تاثر على الرحم فيمكن هالشي طبيعي,,,,بصراحه انا ماعندي خبره بهالامور,,,بس اتمنى من الخبيرات انهم يردون عليج...وربي يرزقج ويرزقنا بالذريه الصالحه عاجل غير آجل ياااااااارب
- ياعمري الله يعوضك ويرزقك في القريب العاجل انا أنزلت علي بعد العمليه مدة 9 أيام
- شوووفي حبيبتي انا نزلت علي الدووورة مررره غزيره ولونها غامق بس الصراحة أخذت( مر) (وقرفة)( وحبة سوداء) يقوولو تنظف الرحم وبعدين راحت في اليووم السادس ورجعت نقطه بعد ماتحممت وبعدين وقفت ولله الحمد
بس أختي امكن من تاثير الابر والمنشطات - حبيبتي انا سويت العمليه وبعد 14 يوم نزلت الدوره شي لا يذكر يعني نقط وجلست على ها الحال 3 ايام وبعدين نزلت وجلست 8 ايام يعني المجموع11يوم00وان دورتي 8 ايام فقط00فلا تشيلين هم واذا طولت استشيري طبيبك000 الله يعوضك يارب000
- مشكورين خواتي ويعطيكم العافية ...طمنتوني الله يطمنكم ....ويرزق الجميع الذرية الصالحة يا رب .
مواضيع مشابهة
تابعي تجارب أخرى من هذا القسم.