هدية لزوجي

حابة اشتري هدية لزوجي وميزانيتي ماتتجاوز المية وخمسين ابي عطر ومعاة حاجة ثانية ومحتارة ياليت الاقي مساعدة ولكم جزيل الشكر والامتنان

5 تعليق 914 مشاهدة

شاركي في النقاش

سجلي الدخول لإضافة تعليق.

التعليقات

5
  1. @am_hmod_o_anos

    أنا بعد..ذكرى يوم زواجنا قرب وما أدري شو أهديه...محتارة!!...هو يحب العود وكل شي فيه عود..بس بعيد الفطر هديته بخور عود ملكي من عبد الصمد القرشي.ومن قبل هديته نعال ومرة ساعة ....أبي شي جديد وفكرة حلوة...فكرت بغطرة أو عمامة بس عنده كثير منهم...حد يساعدنا عاااد
  2. هلا بنت بدويه شلونج والله يتمم السعاده بينج وبين زوجج بقولج انا مره جا يوم زواجنا وهديته عطر ديب من دافيدوف روعه شويه عليه وكل ماشموه اخواني معاه انجنوا وقعدوا كلا يسالونه وشغله ثانيه ممكن تهدينه بوك او محفظه للكروت بس تكون شوي راقيه وممكن تجيبين له قران وتحطينه داخل بوكس كشخه وتروحين محلات الهدايا يكتبون عليه دعاء اللهم اني اسالك ان تنير قلب زوجي وتهديه وان ترزقه من حيث لا يحتسب ترا والله حلوه على الاقل يبون تغيير هم شوي وتحطين معاه علبة دهن عود واذا تبين حلو ورخيص روحي حق اجمل تلا قين عندهم دهن عود معطر اسمه كواكب روعه شوي عليه ترا بخمسين ريال بس وريحته لم تحطينه كانج حاطه بخور ودهونات عود وذابحه نفسج هاذا اللي حبيت افيدج فيه بس وجزاج الله خير والله يجعل يومكم سعيد
  3. @ghdy99

    مراحب
    انا اقول روحي لسيد جنيد عنده عطورات تجنن وعنده دهن عود كريمي خطير وخذي معه شي ثاني مثلا ممممممم نظاره ولا خاتم رجالي بجد حلو ولا ساعه يكون سعرها مناسب لك ولا طقم اقلام
    ترا الرجال يحبون هاذي الشغلات
    اتمنى اكون جبت المطلوب
  4. بما ان ميزانيتك قليله


    روحي اجمل
    خذي بودره ولوشن الف ليله وليله الثنين ب50ريال
    وريحتها عووووود وتبقى مررررررره حلوه

    ودوري عندهم شئ بعد يناسب ميزانيتك عندهم زيوت عطريه حلوه ترا اسأليه عن شئ يناسب الرجال

    زين
    وترا اسعارها ماتتعدى 50ريال
    او حتى عطور فيه اشياء حليوه

    وروحي اسواق طيبه اذا انتي في الرياض
    المحلات الرجاليه اللي على الشارع

    عندهم بجامات حليوه ماعليها ب70 ريال خذي وحده


    وبكذا تكونين جبتي كم حاجه بسعر مناسب

    البجامه والللوشن والبودره هذي اكيد ماتتعدى 120 تقريبا
    بالاضافه اذا لقيتي عطر عن اجمل بسعر مناسب سواء عادي او زيتي



    وبالتوفيق

    اتمنى اني اكون افدتك
  5. @bnt_bdoy_1

    صاحبة الموضوع
    عروبـــــه
    بما ان ميزانيتك قليله روحي اجمل خذي بودره ولوشن الف ليله وليله الثنين ب50ريال وريحتها عووووود وتبقى مررررررره حلوه ودوري عندهم شئ بعد يناسب ميزانيتك عندهم زيوت عطريه حلوه ترا اسأليه عن شئ يناسب الرجال زين وترا اسعارها ماتتعدى 50ريا…
    اشكر الاخوات الي عبروني اخت الماسة الذهبية بكم العطر وين ممكن الاقية وياليت اسمع اراء الباقين

تابعي تجارب أخرى من هذا القسم.