
هذه قصيدة كتبتها إمرأة كبيرة في السن بعد ما أودعها إبنها وللأسف ! في دار المسنين
يامسندي قلبي على الدوم يطريك
ماغبت عن عيني وطيفك سمايا
هذي ثلاث سنين والعين تبكيك
ماشفت زولـك زايـراً يـاضـنـايا
تذكر حياتي يوم أشيلك وأداريك
وألاعبك دايـم وتـمـشـي ورايــا
ترقد على صوتي وحضني يدفيك
ماغيرك أحداً ساكناً في حشايا
وإليا مرضت أسهر بقربك وأداريك
ماذوق طعم النوم صبح ومسايا
ياما عطيتك من حناني وبعطيك
تـكبر وتـكبر بـلأمـل يـامـنـايـا
لاكن خسارة بعتني اليوم وش فيك
وأخلفت لزوجة وانا لـي شـقـايا
انا أدري انها قاسية ماتخليك
قالت عـجـوزك مـا أبـها مـعـايا
وخليتني وسط المصحة وانا ارجيك
هذا جزا المعروف وهذا جزايا
يالـيـتـنـي خـدامة بين أيـاديــــك
مشان اشوفك كل يوم برضايا
مشكور ياوليدي وتشكر مساعيك
وادعـيـلـك الله دايــم بـالهـدايـــا
حمدان ياحمدان امك توصيك
أخاف من تلحق تشوف الوصايا
أوصيت دكتور المصحة بيعطيك
رسـالتي وحـــروفـــهـا من بـكـايا
وان مـت لاتـبـخـل بـدعـاويـك
واطلب لي الغفران وهذا رجايا
وامطر تراب القبر بدموع عينيك
مـــا عـــاد ينفعك الندم والنعايا
مـــا عـــاد ينفعك الندم والنعايا
مـــا عـــاد ينفعك الندم والنعايا
لاحول ولاقوة إلا بالله
حسبي الله على من يفعل مثل هذه الامور مع والديه
منقول


