ديوانية التوائم " الجزء الثالث" 2006-2007

بحرينيه 77..إنا لله وإنا إليه راجعون الله يعوضك خير ياقلبي ..
والله العظيم أحس كنت شايله همك مدري ليه وكل مادخلت الديوانيه أقول يارب تكون كاتبه شي على الأقل أطمن عليها سبحان الله كان قلبي حاسس إن فيك شي ..وتأكدي ياعمري إن الله مابيضيع أجرك ويوم القيامه إذا شافت الوحده منا الأجر اللي بيجيها عشان الأجنه اللي راحوا عليها بتتمنى ساعتها إن كل أجنتها راحوا..أهم شي أنتبهي لنفسك هالفتره وأكثري من قول اللهم أجرني في مصيبتي وأخلف لي خيراً منها..

العراقية
عادي اني هم هيج بس احاول اكل وجبات صغيرة

بلورة الشرق.. معليش على التأخير لكن أنا أراجع في مستشفى الجدعاني بحي الصفا وكمان في مستشفى علوي تونسي في مكه وإذا ربي أراد راح أولد في الجامعه الخاص..(شفتي قد إيش الحوسه)
مر الزمان..ياقلبي أنا بصراحه قالتلي راح تدينياها بداية الثامن بعدين رحتلها وأنا الحين بآخر أسبوع من السابع وكنت أشتكي من آلام في أسفل بطني قالتلي لازم أديك إبرة الرئه الحين عشان لا قدر الله حصل ولاده مبكره تكونين ماخذتها وبعدين مفعولها تقريباً 15 يوم لو ما ولدتي نعيدها لك بنص الثامن بس أنا ماكنت أبغى آخذها لكن هي أقنعتني فيها لأنها تقول لو ولدتي الحين أو في الثامن راح يكون إجهاض وممكن مايعيشون..من غير شر يارب..

مراحب يا حواممممممممممل ( اشوى اني ولدت والله يعينكم)

قصة ولادتي ( وينج يا جنوونة سبقتك بقصتي))

في البجاية قلت لكم ان نزل علي افرازات بنية خفيفة وبعدين صارت مخاطية شوي لكن بدون ألم واستمر هالشي يومين وفي اليوم الثاني العصر جاني ألم خفييييييييف جداً يروح ويرجع بس ما كنت فاكرة انه بداية الطلق وكنت استانس اذا جاني أقول هانت واذا راح أقول لالالالالالالا شكلي ما راح اولد كلش :angry2:
المهم على الساعة عشر بالليل زاد الألم وصار يجي كل ربع ساعة وكان محتمل يعني عادي وظل الطلق يجي فترات متقاربة وطبعا ما نمت ذيك الليلة وانا بيدي ورقة وقلم واكتب متى يجي الطلق علشان اتاكد انه طلق ((للحين مو مصدقة خخخخخخخخخ)
الى ان جاء الفجر حسيت اني خلاص مو قادرة اصبر خفت على البيبيات وكام يجي الالم كل خمس دقايق وقمت صليت وقعدت ابو الشباب من النوم ويلللللللللة طلعت وتفاجئت ان الجو كان مطر وكان جميل بس اللي كنت فيه مو مخلني اتمتع بالجو (صج متفرغة)
وصلنا المستشفى وفحصت لي الممرضة قالت 3سم (قلت بس ما اطول الطريق) وخذوني لجناح الولادة وزوجي مسكين متخربط مو عارف شيسوي.
وجتني الدكتورة وسوت سونار قالت الأول بالراس والثاني راسها فوق قلت يعني شنو قالت احتمال يفتر اذا طلع الأول.

وقام الألم يزيد ويزيد وعطوني ابرة لتخدير المنطقة بس ما حسيت انها سوت شي وكنت صابرة ولا اصارخ (نصيحة اختي )بس آخذ نفس منتظم وكنت اسمع اصوات الحريم اللي يولدون وانا قاعدة انتظر الفرج. الى ان كشفت علي مرة ثانية قالت 6سم وهنا بدأ الألم العجيب الغريب اللي يخليكي في عالم آخر وحطولي الكمامة وحسيت اني ارتحت عليها صحيح احس بالألم لكن من يخلص احس اني في عالم ثاني وبعدين فحصوا قالوا 9سم وكنت حاسة ان قواي خلاص انهارت وبديت اصارخ لأن كان شي غير محتمل غصب تصارخين وحسين ان في شي يندفع بقوة من داخل وجو الدكاترة وفحصت قالت 10 سم لما تحسن بالألم ادفعي وكنت يا بنات ادفع بس ما احس ان في شي بيطلع ولولا تشجيع الدكاترة لي ما كنت بدفع وطلعت البنت الأولى "زهراء" الساعة ثلاث ونص ظهراً وبعدها راح الألم وجان اسمع الدكتورة تقول سيكند بيبي سيفالك (يعني البيبي الثاني جاي بالراس) وما صدقت من الفرحة اقول لها جاية براسها قالت ايه وشوي جاء لألم مرة ثانية وقاموا يشجعوني اني ادفع بس ما كان فيني قوة كلش وكان راس الثانية اكبر ودفعت شوي بس صدقوني ان الله سبحانه هو اللي طلعها لأن قوتي كلها راحت وجت البنت الثانية "حوراء" بفارق 14 دقيقة عن الأولى.

والحمدلله رب العالمين لولا توكلي عليه والدعاء والتوسل ما كان ولدت طبيعي .

تبارك الله ماشالله ..الف مبرووك والحمدلله ولدتي طبيعي ..


تعالي هم مشيمه وحده ولا ثنتين ؟

بس على فكره انا سبقتج بالقصه خخخخخخ
باحط الرابط في الرد الجاي ...