بنات الرياض

اول شي الف مبروك ياعروسة
ثانيا لاورطة ولا شي الاسواق بالرياض كثيرة وترضي كل الاذواق

شوفي اول شي نبدأ بالبخور فيه عندك الماجد والدخيل مسوين تخفيضات انا صراحة عجبني الماجد
اخذت من عندهم بعض الاشياء من فرعهم اللي بالاندلس

الاقمشة بدون جدال العليا مول بس غالي فيه بعده الاندلس ارخص شوي بصراحة انا مايعجبني غير هم بالاقمشة وفيه عندك مشجرات حلوة باسواق مكة

المتنبي خياطين ومصاممين بس الاقمشة زفت والمصممين يعني فيه ناس يمدحون وناس مايعجبهم الناس اذواق

مجمع صحاري فيه فساتين جاهزة بس روعة وبعد صحاري بلازا جنبه على طول
المشغل مااقدر افيدك لاني الى الان ادور على واحد سنع مالقيت اسعار نار
بالنسبة للعطور والمكياج انا صراحة راح اخذ من قزاز بالعليا مول بس ابي قبل العرس بفترة
باريس جاليري حلو بس ماعمري اخذت منه شي بس الناس يمدحون فيه
واي شي انا بالخدمة

مرحبا اختي أولا مبروك

بخصوص الاسواق فيها بالرياض منتشرررررررة مره

لكن احلا شيء بالنسبة لي الفيصلية والمملكة وصحارى

أما بالنسبة للأقمشة عندك العليا مول اقمشتهم حلوة وكذلك العقارية الثانية

اما العطورات عندك باريس جاليري حلو مرررررره وعندك سيفورا بحياة مول وفيسسز بكل مكان موجود

اما المخلطات والبخور عندك اجمل واتوقع ملك العود موجودين بالفيصلية

وعندك المعيقلية مليااااااااااااااااااانه محلات عود وبخور بس بعيده مرررررره

انا شخصيا اخذ من اجمل بالفيصلية

أما بخصوص المشاغل ماعندي خلفية عنهم لأني دائما اخذ جاهز

بالنسبة للمحلات الجاهزة عندك هارفي نيكلز بالفيصلية وميموزا وباكو بشارع العليا العام

وعند محلات بعماير السيركون وايضا المحلات الموجودة بمملكة المرأة

والله يوفقكم ان شاء الله