أبشركم افتكيت من الولادة زوجي بيولد بدالي

طبعا ً زي منتو عارفين اختكم في الله داخلة هالقسم اذن هي كروشة مع هالكروشات اللي في المنتدى:22:

بقولكم على قصتي انا داخلة التاسع صار لي اسبوع وخالتي زوجها ماشاء الله رجال ملتزم يقرأ على الناس ويقرأ بمويه أدعية وايات الولادة اللتي تشرب منها الحامل عشان تسهل الولادة باذن الله

المهم صار لي شهر كل ما اشوف خالتي او وحدة من بناتها اقول جيبوا لي من ماء أبوكم حتى ربي يسهل هالولادة الله يعديها على خير :06:

ويجيبون لي المويه قبل اسبوع واقوم من زود الذكاء ما حطيت علبة الموية بالمطبخ ولا الثلاجة عشان عيالي مايلعبون فيه والا يشربونه وخبيته بغرفتي من زود الحرص لأنها المكان الوحيد اللي مقفل طول الوقت



بعد مادخلت التاسع قلت ببدأ اشرب من هالمويه وامسح على بطني ( مع ان ولادتي عملية بس ولو القران كله خير ) المهم وادور المويه وادور وابحث و و و











واحصل القارورة على التسريحة فاضية :09:


اثر ابو الشباب :arb: قام من النوم عطشان وشرب الماء وماخلى لي ولا قطرة ههههههههههههههه



دقيت عليه قلت وين المويه اللي على التسريحة ؟ قال شربته :22:

قلت تراه قران حق الولاده ههههههههههههههههههههه ه مات من الضحك وقال يخلف الله عليه



قلت اجل تحرى الطلق الله يعافيك ورح اولد بدالي تراي انتظر البشارة :icon28: :icon28:





عاد تصدقون انه هاليومين مسفهل ويسولف ويضحك مو على عادته شكل القران جاب نتيجة الظاهر بعطي رجل خالتي كرتونين موية صحة واخليه يقرا فيه لهالرجال اللي دايم عاقد حجاجه يمكن ينبسط ويسفهل

عاقد حجاجه = مكشر ومو مبسوط زي كذا :(




وتوتة توتة خلصت الحتوتة

بس حبيت اغير من جو المنتدى شوي

وسلامتكم :26: :26:

50 تعليق 3,284 مشاهدة

شاركي في النقاش

سجلي الدخول لإضافة تعليق.

التعليقات

46
  1. @kshkoshh_hanm

    ههههههههههههههههههههههههههههه الله يسعدك والله كنت زهقانه وطفشانه وضحكتيني

    يارب يسهلك ولادتك وتشوفين البيبي وهو بصحه وسلامه........

تابعي تجارب أخرى من هذا القسم.