ابي مساعدتكم بناااات بس لا تضحكون علي و اطنشووووني

للرفع

:icon33:

اذا على السمك فيه بهارات خاصه تلاقيها بكل السوبر ماركت بكرتونه اسمها بهارات السمك..
وفيه بعد بكارفور قسم خاص للبهارات مري واسالي اذا الي يبيع فاهم هو بيعلمك كل خلطه بهارات يناسب ايش من الاكل..
مره كنت بسوق شعبي بتركيا متخصص في البهارات والي يببيع شاطر سوا لي خلطات لكل نوع للدجاج والرز واللحم..رهيييبه

انا عن نفسي ماعرف في البهارات الله يخلي لي امي ويطول بعمرها تصلح بهاراتها هي بنفسها وتعطيني .....>>>>> ومن غير ماأمدح كل من ذاق طبخ امي يشهد لها
^^
^^
^^
وزي مايقول المثل اقلب الحله على فمها تطلع البنت لامها

السلام عليكم
بصراحة أنا كيفت على الموضوع لأن أنا مشكلة حياتي وعشقي الأول والأخير البهارات
بالنسبة لطبخي ما أستقر على نوع واحد من البهار عشان تكون كل طبخة لها نكهتها المميزه
أنتي لازم تجربين أنواع كثيره من البهارات عشان أنتي بنفسك تحكمين على جودة البهار وحاولي ما تاخذين العلب اللي أحجامها كبيره وبعدين تتوهقين , ومع الإستعمال تقدرين تخلطين نوعين أو ثلاثة أو تستقرين على واحد , أحلى شي ممكن أنصحك بتجربته هي البهارات الهندية متوفره في السوبر ماركت ماركات كثيره أشهر وحده هي ماركة ( أحمد ) حتى الكاري اللي علبته خضرا كاري مدراس , وإذا كان متيسر لك تروحين البحرين في مجمع العالي في عربة تبيع المخللات بأنواع ما تخطر على بالك وعندهم بهار شكله صنع بيت لا يفوتك ,,, وتقدرين انت تسوين البهار في ا لبيت إنك تاخذين لكل مقدارين من حبوب الكزبره مقدار من الكمون , نظفيهم واغسليهم جيدا وافرشيهم في صينية عشان ينشفون وإذا كنت مستعجلة عرضيهم للشمس ,, ثم خذي حبوب الكزبره وحمصيها في قدر على النار مع التحريك المستمر حتى يبدأ لونها يتغير وتبدأ ريحتها تفوح أطفأي النار ثم أضيفي الكمون وأخلطي وأضيفي كميات قليلة من أعواد القرفة والهيل والقرنفل والفلفل الأسود وأذا حبيتي يكون بهار حار أضيفي الفلفل الأحمر الناشف ... واتركيه حتى يبرد ثم احتفظي به في الفريزر وعند الحاجة اطحني حتى تبقى طازجة لأنك لو طحنتيها كلها راح تروح نكهتها ,,,’
ساعات أخلط البهار البحريني مع قليل من كاري مدراس و بعض الأحيان أخلطها مع بهارت جاهزه , أو البهارات اللي يبيعونها في بعض المطاحن أو مع البهار اللي سويته في البيت ,,,
أنتي وإبداعك وتفننك ,,,
نسيت ماأقول لك لما تشترين بهارات أهم شي تشوفينه تاريخه وأهم شي تاريخ الصنع خذي أجدد تاريخ صنع فيه ,,,, ويبغي لك فتره تجريبية شبه طويلة عشان تقدرين تحكمين على البهارات وهاذا موضوع يطول الحديث فيه وأسفة على الإطالة وأتمنى أني أكون أفدتك
لك حبي وتقديري مع التحية

نسيت ما أقولك أنا ما أقلل من شأن أنواع البهارت الأخرى بالعكس أحب أجربها لكن لا تحضرني أسماء ماركاتها في مثلا في أسواق المزرعة بهارات ماركة المزرعة وفي البهارت الإيطالية ماركة أميركان جاردن وفي ماركة إسناد بهار أسمه السبع بهارات و..و..و.. والكثير والكثير
وبالنسبة لبهارات البيت أضيفي اللي أنتي تحبينه من البهارت يعني ممكن إضافة الليمون الأسود والكركم والزنجبيل
والأهم من هذا كله الكلمة الدارجة عند الناس اللي هي (( فلانة نفسها حلو في الطبخ )) وإن شاء الله بنات المنتدى كلهم خير وبركة ونفس حلو ,,, ودمتي