الموضوع مغلق

ابحتفل ابذكرى زواجي باستراحه او شاليه.. عندي بعض الافكار .. وما استغني عن افكاركم




يابنات انا ديم احتفل ابيتي او فندق
وودي اغير السنه هذي وفكرت اني اخليها ابشاليه وبراسي شاليه اليمامه الي ابطريق الخرج
طبعا زوجي لما قلتله ابي شاليه فكر انها طلعه عاديه ووافق
يعني ما يدري عن شي
بس الحلو فيها ان ماعمري طلعت انا وياه لستراحه او شاليه خاص الحالنا
ابروح وانا امحضره الغدى من البيت والفطاير والحلويات وغيرهم وابتبل السمك والدجاج عشان نشويهمم للعشى
وبعدين ودي نسبح لاني عمري مادخلت مع زوجي مسبح ابد
الجديد ان بناتي 5 سنوات 2 سنه بيروحون معي لاني مشتهيه هالسنه يكونون معاي ماودي اخليهم عند اهلي زي كل سنه وشغالتي ابخليها بالبيت لان ودي اخذ راحتي بالبس وغيره
المهم وقت ما يكون قاعد ينتضر سفرة الشاي عالمغربيه ابدخل والبس فستان زواجي لاني اخر مره لبسته قبل 6 سنوات ليلة زواجي وابحط الطرحه علي وابكون امجهزه كيكه عليها صورته هو وبناته وابولع فيها اشموع وابخفف من الاضائه اشوي وابشغل شريط زفه وابدخل عليه هو والبنات وبعدها ابعطيه هديته
وش رايكم يابنات كذا زين ولا ناقصني شي
اذا عندكم افكار لاتبخلون علي

12 تعليق 19,326 مشاهدة

شاركي في النقاش

سجلي الدخول لإضافة تعليق.

التعليقات

11
  1. @am_hthyth

    ماشاء الله عليك اختي فكره صراحه حلوه الله يسعدك ........انا اقترح ان العشاء يكون من المطعم احسن علشان ما تكون السهره متعبه بالشوي والطبخ....... وبالتوفيق اختي.....
  2. انا عندي فكرره
    سوي الحلى والشاي معاااك والقهوه
    والعشا خلي مطعم يسويلك بوفيه صغيرون على قدكم وخليه اطباق الي يحبها زوجك اكدي انتي تعرفينها


    وبلاش الطبخ والنفخ وعشان تسيرين مشرقه منتي هلكانه من التعب

    ويارب تتهنين انتي وزوجك
    وادعيلي الله يسعدك

تابعي تجارب أخرى من هذا القسم.