السلام عليكم ورحمة الله
بنات انا والله محتارة وايد مع أمي
قبل كل شي لازم تعرفون اني اعز أمي حيل الله لا يحرمني منها بس انا دايما احسها بعيدة عني
المشكلة مو هني المشكلة ان أمي دايما تتخذ قرارات بدون حساب للنتايج وهذا طبعها من زمان
والحين اتخذت قرار نهائي انها تبيع البيت:icon33: البيت اللي هي ساكنة فيه مع أخواني وخواتي
لأن ابوي الله يرحمه متوفي
وهالبيت يا بنات فيه ريحة الوالد تعرفون:( وأمي قررت انها تبيعه وتشتري بيت ثاني بسعر أقل
عشان تستثمر فرق السعر في مشروع
وطبعا اخواني حيل مستانسين من الموضوع تدرون ليش يا بنات عشان اذا انباع البيت الكل بيوقف
وبيقول لها عطيني حقي لأن البيت الحين بأسم الورثة اللي هم انا واخواني وخواتي
وأمي تقول لا محد بيطالب بشي قلت لها صدقيني بكرة الكل بياخذ نصيبه ولا بيبقى شي عشان تاخذين
فيه بيت
قلت لها بكرة الكل بيتزوج وبيصير عنده بيت وانتي وين بتروحين هالبيت هو عزك بعد ابوي الله يرحمه
لا تفرطين فيه بس لا حياة لمن تنادي مصرة على رايها
وأمي اساسا لا لها في المشاريع ولا شي ولا عمرها دخلت بمشروع بس تقول تبي تعدل الاوضاع المالية
انا عارفة انها محتاجة شي يدخل عليها فلوس لانها تصرف على اخواني من راتب الوالد التقاعدي البسيط
بس قرارها غلط بغلط شلون تبيع البيت شلون
وبعدين يا بنات الحين اسعار البيوت صارت مرتفعة حيل يعني اذا باعت البيت يمكن تضيف عليه مبلغ
عشان تشتري بيت ثاني بس مو مقتنعة بكلامي
انا مقهووووووووووووووووووووورة:angry2:
قولولي شسوي وشلون اتصرف:icon33: كل اخواني وخواتي موافقين إلا أنا
لا ومن الحين الكل واقف لها اللي يبي سيارة واللي يبي فلوس وهذي البداية
وهي مو شايفة بوادر الخطر من هالقرار:(
شاركي في النقاش
سجلي الدخول لإضافة تعليق.
التعليقات
6- اختي: انتي ماخذة الموضوع بحساسية وعذرك ان البيت من ريحة الوالد الله يرحمه ......بينما الوالدة تفكر في المسؤولية اللي لقت نفسها تواجهها وما احد حاس فيها...
حبيبتي :لازم توقفين جنب الوالدة وتشدين من ازرها والبيت بداله بيت وتفكيرها ماشاء الله سليم وما اشوفها تقرر بدون حساب للنتائج زي ما تقولين!!!
قرارها حكيم والخطوة الجاية منها هي شراء بيت بسرعة قبل ما يطير المبلغ.......... واستثمار الباقي وعدم الالتفات للمصروفات الزايدة .......وهذا دورك انتي إذا كان فعلا لك دور ايجابي في البيت..... لازم توقفين معها وتنبيهينها انها تنتهي من السالفة بسرعة وتستثمر الباقي فيما يعود بالفائدة على الجميع وتتحرى الحلال المبارك........:26: - شوفي أختي أنصحك أنك تخبرين أحد من أخوالك أوخالاتك عشان يفهمونها
والله يعينكم - أم الخمائل
لا يا الغالية انا مو عاز علي البيت
انا خايفة على أمي انتي ما تعرفين اخواني من الحين كل واحد حاط له قائمة طلبات وأولهم أخوي يبي
سيارة انا أمي تفكيرها سليم بس صدقيني البيت سعره مو وايد لأنه قديم شوي ومحتاج تصليح
والبيوت اسعارها وايد مرتفعة ما راح تستفيد من بيعته
انا خايفة عليها من الزمن خايفة الكل ياخذ فلوسه وتقعد هي بدون بيت لآخر عمرها الله يطول عمرها - tmemeah
لا يا اختي ما اقدر اخبر أحد أخاف تكبر السالفة وتزعل علي أمي - انتي قوليلها انك موافقه بس قبل مانبيع بيتنا ندور على بيت ونشوف كم سعره وكم سعر بيتنا ونشوف مصاريف طلبات خواني يمكن اذا شافت اسعار البيوت غاليه وان بيتكم اقل منه وان ماراح يزيد لها شي راح تقتنع
مواضيع مشابهة
تابعي تجارب أخرى من هذا القسم.