والله اختي انا رحت ماليزيا وانبسطت فيها مره وتقدرين تاخذين عيالك ..وفي الصيف اصلا بتحسين كانك في السعوديه من كثر الخليجيين اللي فيها
ولا تكلف حتى رحنا انا وزوجي ودرنا الجزر كلها كوالا لمبور وبيننغ ولنكاوي وسكنا في احسن فنادق وتسوقنا وتغدينا وتعشينا تقريبن كلفتنا حدود 20000 ويمكن اقل
واللي يكلف ترى الشركه اللي تتعاملين معها ويحجزون لك.. وكمان التذاكر
لكن صدقيني اختي لو رحتي مدينه عربيه بتدفعين اكثر من كذا هذا غير استغلال الخليجيين
وفيه وحده راحت لتونس وانبسطت عاد انتي اختاري بكيفك
الصراحه زوجي راح سوريا لحاله بس يقول مانبسط فيها..وكمان بنت خالتي راحت سوريا ولا انبسطت تقول ماتسوى العنوه
اتمنا اكون افدتك اختي
تحياتي لك
الليالي الصيفيه.....رهيييييبه.....
متابعة النقاش، صفحة 4