شاركي في النقاش

سجلي الدخول لإضافة تعليق.

التعليقات

949
  1. @hdyl_alhyah

    صاحبة الموضوع
    انا نفس طال انتظاري لسه ماليش كرشه واتمنى افضل كدا على طول معرفش ليه زعلانه يعني انا اذا حد ركز في كرشتي ممكن يحس اني في الثالث الله يديمها نعمه

    بناات رحت النهارده بيبي هوم وشريتلي كم قطعه يعني اخدت كم قطعة برمودا على شوية بروتزات داخليه و 2 ملف وواحد بيبي باج وبفتتات وطقم للاظافر وفرشاه للشعر وغطاء للراس ومخده بحفره في النص لاني كنت كاتبه ورقه للمستلزمات ونسيتها في البيت فاللي تزكرته شريته
    يلا اشجعكم تنزلوا تهزوا الكرشه وتروحوا وكنت اتفرج على عرايس باربي وفجأه طلعلي بنتين بشعرهم يقولوا ان عليها تخفيضات ومن ذا الكلام وممكن تقولي اسم بنتك ومعرفش يعملوا في ايه يعني مافهمتهمش اوي بس استغربت اول مره اشوفهم يعني هما يشتغلوا في سيتي بلازا ولا ايه ؟
  2. @hom_blaza

    غريبه انا زيك احسها زي القرصه وكل شوي اهرش مكان <0000حتى انا صرت قلوده
    هذا لكريم القاه باي صيدليه ؟؟؟ حنا اكشخ شي عندنا صيدليه الدواء
    ويستعمل بس للبطن ولا كامل الجسم ؟؟
    واللوز الحلو ..صح ,,شكلي بجربه مع اني احسه زي زيت الزيتون ..بس اشوف الاغلبيه تمدحه
  3. السلام بنات شلونكم؟

    اليوم نفسيتي أحسن شوي لاني طلعت السوق :) و شريت للنونو و لنفسي..

    والله يا بنات ماكو شي يرفع نفسية الوحدة منا أكثر من السوق و التشري!! يعني ممكن تكونين في قمة اليأس (استغفر الله) و تروحين السوق و تشترين و ترجعين مبسووووووطة و فرحااااااااااااااااانة

    حريم ماكو فايدة!!!

    رحت اليوم سنتر بوينت و مذركير و ماركس اند سبنسر و شريت كل شي بصراحة ....
    و بعدين شريت لي من ماركس اند سبنسر شوية هدوم حوامل ....

    يا بنات شرياكم نحط تجهيزات البيبي اللازمة عشان البكريات اللي ما يعرفون!! ؟؟

    يعني من خبرتنا نفيدهم بالاشياء اللي ما لها لزمة يشترونها عالفاضي حرام..

    أنا ببتدي!!

    بسم الله الرحمن الرحيم

    1) اول شي التبانات (بالكويتي يعني الملابس الداخلية للنونو) : نصيحتي ما تاخذونها من مذر كير!! مذركير تباناته مع الغسيل تنمط و ترطرط (طلع الكويتي طلع :) ) يعني تسيح و تصير أكبر من القياس الاصلي

    نصحيتي تبانات سنتربوينت وايد أفضل غسل و لبس فعلا
    بعدين للنونو الصغير اخذي التبنات الحفر مو اللي بكم.. يعني اخذي اللي من غير كم..
    أسهل باللبس و التغيير و ما راح تعورين الطفل عند التغيير..لما يكبر اخذي اللي بكم

    2) تحتاجين قبعات للبيبي عدد 2 بس مو تكثرين ... القبعات ما تتوسخ و ما تحتاجين تجمعين وايد حرام ما راح تستفيدين منهم

    3)الدسوس أو القفازات : تحتاجين عدد 2 عشان البيبي ما يشمخ وجهه ..لا تكثرين ما يتوسخون وايد

    4) بيجامات البيبي: أهم شي البيجامات الكامله..أدفى للبيبي و اختاري اللي فيها طباقيات من صوب الرجول ...لا تاخذين اللي طباقياتها من الخلف..صعبة عالبيبي الصغير انك تقلبينه و تغلقينها..

    5) المهادات: اللي تلفين فيه البيبي ..هذيله كثري منهم يعني 6 و خليهم قطن ناعم.. لا تاخذين اللي خشنين و يابسين... راح يحتكون بوجه البيبي و يأذونه و تحتاجين كميه لانهم أكثر شي يتوسخ من ترجيع و بول أكرمكم الله

    6) مقراضة الاظافر (قصافة الاظافر): نصيحتي اخذوها من مذركير...أحسن وحدة جربتها و بناتي ليما الحين يستخدمونها...القصافة اللي من بيجون سيئة جدا و جرحت فيها أصابع ولدي حبيبي مرتين لغاية ما رميتها!!

    7) عند مذركير اسفنجة مستطيلة لتغيير البيبي,,ممتازة
    مغلفة نايلون للحوادث :) و تنفع تغيرين له وانتي على الارض بعد الحمام

    8) عند مذركير كذلك اسفنجة على شكل البيبي تحطينها على البانيو مال البيبي عند السباحة عشان تحطينه عليها و انتي تغسلينه...ممتازة

    9) لا تشترين بدلات خروج للبيبي نصيحة!!
    البيبي راح يكون صغير حيل و ماراح يطلع أصلا فحرام...
    ان كاد لابد لا تكثرين عن 2 عشان اذا جو حمولتك و تبين تكشينه لهم بس
    لكن البيبي هذا ماشاء الله يكبر بسرعة و راح تتحسفين..صدقيني تحسفت قبلك

    10) لا تشترون القياس NB يعني حديث الولادة لانه راح يكبر عليهم بسرعة
    ممكن شراء 2-3 من هالقياس للمستشفى بس
    لكن اشتري قياس من 0-3 أحسن يفضل معاكي فترة أطول و أوفر

    11)البفتتات أو الصدريات: اشتري عدد 4 -6 بس لانهم ينغسلون على طول... للبيبي الصغير هذا ااشتري الحجم الصغير عشان لا سمح الله لا تغطي وجهه بالغلط و تخنقه,,
    أفضل اللي فيهم لزق من اللي ينربطون

    اذا ذكرت أي شي ثاني راح أكتبه.. و يالله همتكم وياي و كتبو اللي تعرفونه للافادة

    و أشكر كل البنات اللي سألو عني : فداء و هدولة و هوم و طال انتظاري و موووووووووووووووون....و ما أدري منو بعد :) نسيت

    عموما باقي البنات سلام

تابعي تجارب أخرى من هذا القسم.