افكار وابتكارات الجــ بوظبي ـــوري رووعه فوق الخيال

مشكورة الجوري على هذه الافكار الحلوة

وان شاءالله نستفيد منك ونفيد ...... بس الحين ما اذكر افكار اذا تذكرت بارجع .......:26:

السلام عليكم بنات :24:
اهنيكم على افكاركم الحلوة النيرة

حديث النفس انا استخدم طريقتك خصوصا مع شالات حرير فرساتشي كنت اربط راس المثلث على الرقبة زواياه على الخصر بعدين صرت الف واطوي الشال واخليه زي الحزام

او اني اربط طرفين المثلث على الظهر من وري ويصير المثلث لتحت مفتوح وتحته بدي او بلوزة مناسبة

:24:

السلام عليكم..

أفكاركم روعه بنات.. وبغيت استشيركم في فستان الملجه شسوي فيه..

هو موديله بسيط فرنسي.. يبت قطعه دانتيل مطرزه وبطنتها بقطعه من نفس اللون.. والموديل A line والكم نص كم.. وفتحه الصدر عرضها أكبر من طولها شوي.. وفيها ذيل بسيط...

الحين أزهب للعرس وعاجبني الفستان بس خاطري أغير فيه.. مثلاً يبطلون الدانتيل عن البطانه وأسوي فيه فستان ثاني ولا أغير في الفستان نفسه.. شو رايكم؟

واختي حديث نفس.. ما قدرت اتخيل طريقة الشال.. عندي شال جاهز مثلث.. يستوي اسوي طريقتج فيه؟

وتسلمون..

ما تقصرين اختي الجوري علي افكارج الحلوة و ما عليج من البنات (ربيعاتج)... مثل ما قالن لج الخوات في المنتدي...افكارج وايد حلوووة...

بالنسبة للخياييط اللي يضبطون الموديلات داخل بوظبي في اكثر من واحد...و اللي حابة تعرف تراسلني على الخاص وبخبرها...

اختي الجوري.. انا بخبرج عن تجربه لي.. انا احب القطع الغريبة للتاننير و كنت دايما اروح المحلات الكبير عشان هم عندهم سوالف عجيبه... تخيلي اكتشف محل عنده خامات عجيبة و غريبة تنفع حق كل شيء تنانيير جلابيات و بناطلين... تخيلي المتر بكم بس ب 5 دراهم.. يا بلاش... كل ما افصل تنورة يتحروني مشتريتنها جاهزة ...