والله ضميري يعذبني وش اسوي على انها رضت عني بس ماادري ايش اسوي ؟؟

صباح الخيرر لكل من في منتدى عالم حواء
بنااااااات الله يرضى عليكم أنا ضميري معذبني مررررررررررره لا ني بكيت امي اليوم على حساب اني رافضه اروح لاهلها وهم خواالي لان قبل مده كتبت لكم وش سالفتي معهم المهم انا قايله لامي مارح اروح الا بالاجازه الصيفيه وهذه مشكلتي اللي عرضتها لكم (انا الان مااحب مجتمعي واقاربي لاني سبحان الله قبل كانت قلوبنا على بعض والان تغير كل شئ والله ان احيانا نقعد سنه سنتين مااحد يجي الثاني بس تلقوني عند خوالي واخخخخخخخخخخ من خوالي ... انا بصراحه اواجه مشاكل من خالاتي اللي الاصول يكون اقرب شئ لي لكن للاسف والله تحصل اشياء تجرحني وتهين من كرامتي فانا الاحظ معاملة خوالي وخالاتي لعيال وبنات خالاتي الثاني احسن مني ليه وش السبب والله اموت قهر يعني احيانا اجيهم وكلي شوق لهم والقى الاستقبال البارد المحطم اللي اندم اني جيت لهم ويفضلون بنات خالاتي علينا طيب ليه وش ذنبي انا .. يعني احيانا تلقى يقولوا الا فلانه هذا نور البيت وهذا الحلوه وهذا الشمعه مو بس وحده مجموعه منهن وانا ولا شئ .. كلامهم معهن وين يعني اهتمام زايد فيهن وانا على الهامش ولا مجرد سواليف حتى والله قهرت بنات خالاتي فيه منهن اللي اكبر مني واللي اصغر مني وهن متزوجات وغير متزوجات ..وكانت وحده منهن والله العظيم انها كانت صديقتي الروح بالروح من اول ماطلعنا على الدنيا الى ما هي دخلت كليه وانا جامعه ون ثم تركت الكليه وتزوجت والان والله ماتعترف فيني ولا تسولف حتى لو القاها عند خوالي ولاتطق خبر اصلا وخالاتي انواع الاهتمام فيها واحيانا يقول لي يالله شدي حيلك واتزوجي علشان ندلعك بنت خالتي اصغر مني بسنه فانا والله اني اشتعل نااااااااااار واقول لهم انا ماابغى دلع وانا ماابغى شئ منكم واللي عاجبني رح اسويه .. طيب ليه يجرحوني ليه يحطموني ليه انا ايش سويت بس علشاني طيبه وساكته عن حقي وكلما قلت لامي شوفي اهلك وخواتك ايش يسون قال الشكو لله وحتى خوالي ماادري كيف قايلين يعني بصراحه بيني وبينهم حاجز ..فانا صرت افضل اجلس بالبيت ماابغى اروح لهم الا بعد شهر او شهرين بس علشان جدي وجدتي بس لكن هم والله لو اقعد طول عمري مااجيهم عادي وزياده على كذا عندي خاله اكبر مني بشوي بالجامعه والله ماكأنها خالتي حتى زميلاتي يسالوني يقولوا بالله عليك هذه خالتك ماتعترف فيك ماكأنك بنت اختها بالمختصر علاقتي معهم رسميه والى ابعد الحدود بعكس علاقتهم مع بنات خالاتي .. انا ماابغى كذا انا ابغى ميانه هبال يعني وناسه شوي .. هذا من ناحية خوالي اما ناحية اعماميي فالله يخلف عليهم ماابغى اتكلم لا عنهم ولا عن عماتي ماعندي الا عمه هي الحبوبه على ان ماتجينا الا بعد مده طويله.. وفي البيت قلت كل واحد بحاله وزميلاتي علاقتي معهم سطحيه مره الا وحده هي صديقتي مرررررررررررره بس مااحب اشكي كل شئ لها ( لانها اولا ماهي من عائلتي وهي تعرف كل شئ عن مشاكلي بس تقول اصبر ي) المهم اليوم العصر تجادلت انا وامي العصر وتكلمنا وقلت لها ماني رايحه المهم بكت والله انصدمت المهم اعتذرت لها وتسامحت منها وحبيت راسها ورحت اليوم علشان خاااااااااطرها وهي سامحتني ورضت عني بس انا ضميري معذبني وماقدرت ارتاح وبكيت وانقهرت لان اول مره اسوي بامي كذا

قوووووولوا وش اسوي على انه خلاص هي قالت ماصار شئ ومسامحتك بس انا مقهوره ليه انا كذا

يارب تغفر لي وترحمني وترضى عني

استغفر الله من كل ذنب فعلته


والله يابنات لي مده انا صايره عصبيه وحساااااااااسه واخذت الامور بجد وماهمني احد صااااااااااار
ومع ذلك اتندم على اللي اسويه قولوا وش الحل ؟؟ احيانا اقول نتيجه للي صار لي ( مفارقة حبيب وخيانه + فشل في الدراسه + نقص حب وحنااااااااااااان ) فهذه الاشياء اثرت على نفسيتي وصارت النتيجه سلبيه
باعتقادكم ايش هو الحل
يالله بنات لاتتركوني ماشكيت الهم الا لله ثم انتم ؟؟؟؟؟؟؟؟؟:(