راح أبدأ في الموضوع باختصار
ومثل ماهو واضح من العنوان نبغى نتناقش عن توأم روحك
صديقتك
1-متى تقدرين تقولين ان هذي الصديقه هي توأم روحك( على أي أساس )
2- هل ممكن تكون عندك أكثر من صديقه مقربه ( اي هل ممكن يكون عندك أكثر من توأم روح ههههههه)
انا عارفه انه اكيد كل وحده عندها صديقات بس مو الكل عندهم صديقات مقربات جدا
واذا كان عندك اكثر من وحده ايش شعور كل وحده فيهم من الثانيه
3-ايش هي حدود علاقتك معها
4- هل ممكن تكون اقرب لك من اختك
5- اذا في يوم فرقتكم الايام ايش راح يكون شعورك
6- اذا زعلتوا من بعض كم المده اللي تزعلوا فيها وكيف تراضوا بعض
فالي عندهم صديقه مقربه جدا هل ممكن تكون عندك صديقه ثانيه سواء كانت صديقتك الاولى تعرفها اولا يعني ممكن تكون صديقتك الاولى في مدرسه ومن ثم نقلتي وفي المدرسه الثانيه كمان كونتي صداقه مع وحده ثانيه
او ممكن تكونوا في مدرسه وحده لكن افترقت بكم الطرق يعني صديقة روحك الاولى راحت الكليه وانتي والثانيه رحتوا الجامعه
طبعا انا اتكلم عن الصداقات البريئه اللي مافيها شيء وللمعلوميه انا ماجبت طاري الاعجاب ابدا ابدا انا اتكلم عن الحب في الله ولله
طبعا الموضوع للنقاش يعني اذا عندك اي شيء تبغي تضيفيه خارج حدود الاسئلة ياهلا ويامرحبا
انتظركم
شاركي في النقاش
سجلي الدخول لإضافة تعليق.
التعليقات
13- حبيبتي خذيها من مجربة ههههههههههه لا تفكري اني كبيرة التجربة كبيرة فقط
لااااااااااااااا يوجد صديقة والله والله مهما فعلت لن تفعلي ما فعلت مع اصدقائي وما بذلت من مساعدة ومال وبالاخر لما احتجتهم كما يقولو اخوانا المصرين فص ومله وذاب لا تصدقي شيء اسمه صديقة
توأم روحي هو ابني ربي يحفظ لي اياه وغيره لا يستحق عدا الوالد والوالدة طبعا الهام العمر حبيبتي خذيها من مجربة ههههههههههه لا تفكري اني كبيرة التجربة كبيرة فقط لااااااااااااااا يوجد صديقة والله والله مهما فعلت لن تفعلي ما فعلت مع اصدقائي وما بذلت من مساعدة ومال وبالاخر لما احتجتهم كما يقولو اخوانا المصرين فص ومله وذاب لا تص…
مشكوووووووووورة حبيبتي عالرد
انتي الوحيده اللي عبرتيني
بالنسبة لردك انا ماأنكر انه في ناس بنفس الطريقه اللي قلتي عليها لكن بالمقابل احنا مانقدر نستغني عن الصداقات وزي مافيه الشين فيه الزين
يعني مثلا انا اشوف نفسي ان شاء الله مستحيل استغني عن صديقتي وبالمقابل اكيد في ناس عندهم نفس الشعور انهم مهما كان ماراح يستغنوا عن اصدقائهم فليه ماتكون صديقتي وحده منهم
واي علاقه في الوجود معرضه للفشل والنجاح مو بس الصديقات حتى الاهل والاقارب امك ابوك اخوك ابنك
ياما سمعنا عن اهل اتخلوا عن اولادهم وعن اخوان قاطعين اخوانهم وعن اولاد عاقين في اهلهم صح ولا لأ
لذلك انا ماأحكم على علاقتي بالفشل من اولها وحتى لو فشلت هذا مو اخر الطريق
اتمنى اكون وصلت وجهة نظري بالطريقه الصح
واتمنى مزيد من المشاركات على هاتف 666666666666 ( فاكرة نفسي في برنامج واقدم)
يالله بنات شدوا همتكم ابغى اشوف ردود توسع الصدر- مساء الورد...
عجبني موضوعك يادلوعه ..بس انتي ماقلتي لنا اجاباتك على نفس الاسئله.....
المهم انا راح اقولها انا ياطويلات العمر لي صديقه اوبمعنى اصح" تؤؤام روح " واكثر من اخت
"" قولوا"" ماشاءالله"
كنا مع بعض من ايام الروضه يعني من لما كان عمرنا تقريبا 5 سسنوات واللحين تخرجنا من الجامعه وتوظفناو حنا اروع تؤؤام روح" ماشاءالله"
وكنا لما نزعل من بعض ماتكون زعلتنا اكثر من 10 دقايق ونرجع نكلم بعض وحتى ايام الدراسه كنا بكل شي مثل بعض حتى المدرسات لما يشوفون دفاترنا كانت المدرسه تقولي انا من شوفي صححت دفترك لان حتى الدفاتر نسخة من بعض حتى بالتسطير والطوابع ""خخخخخخخ" كنا ناس فاضيه
الله يدوم علينا هالاخوه ولايحرمنا من بعض قولو ااااااااامين
بس بصراحه احلى صداقه واخوه لما تكون مو مبنيه على مصالح دنيويه مثل صداقات هاليومين اللي تصادق الثانيه ولما تقضي مصلحتها ماتلقاهاااا..
واحلى واروع صداقه اللي تساعدك وتعاونك على الخير والطاعه والنصيحه والحب في الله ...
ترى لو راح اتكلم ماراح اخلص.. بس هذا مختصر
الله يوفق الجميع للخير بالدنيا والاخره ويررزقنا واياكم الصحبه الصالحه بالدنيا وصحبة رسولنا عليه الصلاه والسلام بالجنه"""""""اااامين يارب............... - العفو حبيبتي
معك حق لا يمكن ان يتخلى الانسان عن الصداقة ولكن حبيبتي ان اضعك بالصورة حتى لا تنصدمي بيوم من الايام بعد ان تعطي كل مشاعرك واحاسيك وتجدي الغدر
احبي حبيبك هونا لعله يصبح عدوك يوما
وربي يوفقك مع اهلك واصدقائك والجميع
موفقة حبيبتي - انا بانسبه لي توأم روحي صديقه تعرفت عليها بالسنوات الاخيره من الجامعه وبالصدفه اكتشفنا ان كلنا لنا نفس تاريخ الميلاد بنفس السنه نبفس الشهر واليوم:pinklove: والحين لنا 5 سنوات كأننا اخوات مابينا اي رسميات تجيني البيت وانا بجامه والاشوشتي منفوشه عااااادي نمون مره على بعض ولو ان طبائعنا وميولنا فيها شوي اختلاف بس عادي طبعا وتصير شرهات مو هوشات برضه عادي..الله يخلينا لبعض يارب..
وعندي صديقات غييرها برضه عزيزات بس مو زي توأمي طبعا...:39:
مواضيع مشابهة
تابعي تجارب أخرى من هذا القسم.