تتكلمون كثير عن اطفالكم. وتنسون الامهات إلي محتاجات إلى معلومات عن اطفالهن الخدج؟؟؟؟؟

مشكورة كتير نجمة الراعي على طرح الموضوع ..

بس بصراحة مالي خبرة ابدا في هدا المجال..

عزيزتي ود...تشفيط الحليب مايقلله ..بالعكس لو تركتيه ينشف..كمان ممكن تحتفظي بالحليب في الفريزر مدة توصل لاربعة اشهر ..

اظن اذا مانبهت عليهم في المستشفى انك ناوية ترضعي طبيعي ماراح يسألو عن الحليب..

الحلبة طيبة لادرار الحليب ...واستمري في التشفيط عشاان لاينشف ....
اي سؤال عن الرضاعة الطبيعية ترى انا جاهزة,,,
اختك حمرة الورد..

مشكوره عزيزتي حمرة الورد
انا بالفعل لما اشفط الحليب احطه بالفريزر وبعدين اودية المستشفى
بس عندي مشكله

انا بالاصل صدري مو كبير ,, صغير نوعا ما
ويتحجر علي ويالمني ولما اشفط الحليب ارتاح ،، واقعد الى اليوم الثالث ما احس انه فيه شي
يعني مافي حليب
وانا اخاف ينشف والبنت ما طلعت
ودي ارضعها ...
واكسبها مناعه....



وحكاية الشفط متعبه شوي ،، يعني اقعد ساعه واكثر وما يطلع الا شي بسيط..
عشان كذا ودي لو فيه مدرات للحليب غير الحلبه
يعني اقصد حبوب او فيتامينات او اي شي
بس يقعد الحليب فيني

اللي تعرف شي تنقذني
والله صرت افكر ارضع اطفال عشان يقعد الحليب،،

والحلبه باخذها والله يعين على الريحه....

هلا بنجمة الراعي
موضوعك مهم جدا وما شاء الله معلوماتك متكاملة .
والمعلومات عادة للحالات هذه قليلة..
جزاك الله خير

صدقت حمرة الورد ..

" ود" نبهي رئيسة الممرضات إنك بترضعين بنتك طبيعي ..
خلي موعد زيارتك موعد الرضعة .. تشفطين ويعطونه الطفلة بالأنبوب قدامك.
كل يوم زوريها .. والمسيها وسمعيها صوتك اللي تتذكره لما كانت ببطنك.
كلها أسبوعين ثلاث تستاهل بنتك التضحية وتعب المشوار..

وكلمي الطبيب إنك بترضعينها طبيعي .. وانك مشتاقة ترجع معاك البيت ..
وان قدرت على الرضاعة إنت احمليها بدل الممرضة ..

ما أحد حريص على بنتك مثلك..
كثري من الطحينة والحلبة وشرب السوائل الدافئة... شوربة ــ حليب - كمون - ينسون -

الله يخـــــــــ لك بنتك وتملأ غرفتها مناغاة وضحك ــــــــلي

أختك رومه

استخدموا الشمر يا جماعة
كل كتب الأعشاب الي قرأتها أجمعت على خاصيته المدره للحلب

تستطيعون عمل بحث في جوجل لتقرأوا المزيد

ألف ألف شكر اختي رومه

كلمت المستشفى وقالوا لي لا يمكن تجين ترضعينها من صدرك مباشره،، ماتطلع من الحضانه كلش..
بس اجيب لهم الحليب بالرضعه... وهم يعطونها بالمغذي كل 3 ساعات 10مل جرام
انا حاليا مااقدر اطلع عشان الخياطة
يقولون اقل شي تقعد عندنا شهر ونصف لين يوصل وزنها 1800غرام
عاد يوم ولدتها 1100غرام ،، واليوم لما سالتهم قالوا960غرام ،،
وعاد قلت لهم لاتعطونها حليب صناعي اكتفوا بحليبي ،،
ودعت ربي فيها .. وانشاءالله ماينشف حليبي..







وتسلمين ياعمري على الدعوه..
لك مثلها واحسن منها..