تــــابع تجمع حوامل الشهر السابع والثامن والتاسع> هناك ملف مفتوح للاشهر الاخيرة

عصر الخيرات يا حلوات

لسا ما قرات شي
بدي ارجع اقرا عشرات الصفحات :(


انا بخير

امبارح مشيت كتير وكنت لابسة كعب ولو انه مش عالي بس صار لي شهور ما لبست اي كعب
المهم مشيت اكتر من 45 دقيقة
ولما وصلت البيت لقيت انه كل ملابسي الداخلية مليانة ماي
هي اكتر من كل مرة بتنزل عليي بس يعني مش كتير كتير
بس هي اكتر من كل مرة
كيف بدي اعرف انه نزولها هاي المرة خطير؟

وتاني يوم الصبح يعني اليوم الصبح
بقيت ساعات بعاني وجع رهيب
وجع متل الدورة بالضبط
في البطن وفي الرجلين لانه انا اصلا وجع الدورة بيجي في بطني ورجليي واصلا الدورة ما بتوجعني كتير
واجاني نفس الوجع بالضبط استمر لساعات
وبعدين خف
الغريب في الموضوع انه مع الوجع بتيجيني حالة انه كانه معي اسهال :)
وكل شوي بروح الحمام

الاربعا لما حكيت لاخواتي كيف بيجي معي الوجع وانه مع وجع الدورة بيجيني زي الاسهال
قالوا لي هيدا طلق حقيقي مش كاذب وانه انتبه واراقب الوضع
بس انا مطمنة مش عارفة ليش
:)

واليوم زوجي قال لي انه بياخدني الطوارئ لو بدي بس انا ما رضيت

معي وجع لهلا بس اخف كتير
وكان الوجع رهيب الصبح

فيه كمان شي
بطني كان واصل صدري
لساته واصل صدري بس حاسسته صار تكوره لتحت اكتر
وحسيت تحت في اسفل البطن كتير حسيت البيبي

ولما كنت بامشي بحس حالي باني بدي افرق بين رجليي لارتاح في المشي
وكمان لارتاح في القعدة
هيك يعني انه في الحوض؟
كل حركة البيبي فوق السرة بشوي وتحتها
وامبارح صار يدفع لتحت
خصوصا لما اكون في الحمام
بحسه بيدفع بدو ينزل

طمنوني
لاني فعلا مش عارفة

زوجي بيقل لي زمان لما كان كل شي مش حقيقي كنتي تروحي كل شوي للطوارئ وهلا لما صار الجد بطلتي ترضي تروحي
شو رايكن؟؟؟


خبروني ما حد ولد؟

نسيت اخبركم امس رحت على حفلة الشمع (هي ليلة الحنا عند بعض الناس وليلة مباركة العرس عند ناس) المهم انها الليلة قبل العرس
وكان فيه وحدة تزوجت قبلي باسبوع وما حملت وطول ما انا في السهرة وهيي تتطلع فيني
وامها اجت بتسلم عليي مع انها ما بتسلم في العادة :( بتقل لي شو منفوخة لهاي الدرجة؟ انا ضحكت وقلت لها شو اعمل يعني؟ فقالت لي لا حلو هيك وراحت

قرات قران على بطني ودعيت الله يحفظ لي البيبي
ومن بعدها بدا الوجع

الحلوة الحلوة

كل اخواتي بيحكوا لي اياك والصناعي :(
مش عارفة بس انا لما ارجع للشغل بيكون عمره حوالي 3 شهور
والحضانة جنبي في الشغل
وبدي بعد ما ارجع الدوام بشي اسبوعين ما بيكون فيه دوام يعني بانزل له وقت ما بدي بارضعه في الحضانة وبارجع
لهيك بيكون حوالي ال 4 شهور لما يبدا الدوام فعليا وبيكون بدا رمضان
يعني بيكون الحليب بيخف مع الصيام
لهيك ببدا بعد الشهر التالت ان شاء الله اشربه صناعي شوي مساعدة فقط
هيك مخططة ان شاء الله بس كله بتسهيل من ربنا


اليمامة 2
لما سالتي انا جاوبتك
:angry2:
لما تكتبي شي اقراي كل الردود لتلاقي رد على سؤالك:angry2:

ام احمد

اليوم بحكي لاختي كيف انه يبدو بدا ينزل الحوض
بتقل لي في لحظات ممكن يغط راس في الماي وينزل ههههههههه بصراحة ضليت اضحك

شوق الفيافي

انتي بكرية؟
لانه انا نزل في السابع لاني بكرية وبعدين رجع طلع :)
وهلا باستناه يرجع ينزل

شيخة القصمان

الله يفرج عليكي
والحمد لله على سلامتك مرة تانية
وطمنينا عليكي كل ما تقدري


يالله سترك

لا مش ضروري
لانه مرات بيقعد اسبوعين تحت بتسبح على راسه هههههههه

وسن
دلوعة عبودي
حمودي الاسمر
وكل اللي سالوا عني

انا هون
بس كنت مشغولة كتير في التصحيح
بدي اخلص كل شغلي قبل ما اولد
وقبل ما يزيد التعب
لاني فعلا مرات بيجيني طلق في المحاضرات قدام الطلاب وبصير بدي اصرخ:(
ودكتوري مصر يعطيني الاجازة فقط بعد التاسع باسبوعين
بس بركي الموعد الجاي يكون فيه تطورات ويعطيني اجازة
عليي تصحيح 100 ورقة امتحان كل وحدة 4 ورقات :(
وفوقها تحضير وكتابة اسئلة امتحانات:(
والبيت حاسسته بدو تعزيل ومش لاقية وقت
حتى الطبخ زهقانة منه


جود تيست

انا متلك كل شوي بينزل عليي مية
واخر مرة ليلة امس نزلت كتير
غرقت لي ملابسي الداخلية
بس هي متل المية بالضبط لا لون ولا رائحة مش متل ما قالت حمودي الاسمر انه لونها اصفر
مرات بينزل معها افارازات شفافة لونها ابيض:(
طبيعي؟؟؟
طمنونا يا خبيرات


اخر شي

شكله بدا معي امساك
والقولون كل ما تزادا حركة البيبي بيزيد الوجع
شكله بيضغط البيبي على القولون
وكمان حركة البيبي مرات بتكون بيدفع في جلدي وبشوف جلدي بيطلع لبرا وبضل اضحك انا وزوجي
وزوجي اكتر شي بيفرح وبيصير ينادي له يخبط فيني اكتر ههههههه
بس كمان البيبي بيدفع لتحت

شي كمان
لما يصير .(....) بحس بيصير معي وجع
هل هالشي معناه انه اوقف الجماع؟