صدمة..

ساعدوني انا منهارة جدا اكتشفت الحين ان زوجي يخوني من اربع سنوات يعني يكلم وحده من اربع سنوات واحنا متزوجين من سبع سنين وهو ماخذني عن حب قوي من طرفه وانا حبيته بعد الزواج موت بس كانت تصير مشاكل كثير بيننا كأي زوجين بس اصعبها العيال جبت منه اريع اطفال مع اني ماخذه احتياطاتي بس كاتبه ربي الحمد لله وهو مايبي عيال ومن المشاكل بعد الشك يشك فيني كثير يربط اي مشكلة تصير بيننا على طول بالشك ويقول اكيد احد ماخذ عقلك ومن فتلاة كان يجيه ازعاجات من بنات وكان على طول يتهمني بأني مرسلتهم تعبت والله مع اني معلمه واحبه وجميله جدا وطيبه واهله يحبوني بس الحين دريت انه يعرف وحده من اربع سنين ويبي يقابلها ويقولها ابي اتزوجك وانا مليت منه ومن كثر المشاكل وهو كثير يقول يبي يطلقني وانا افكر بالطلاق بعد لانه خلاص ماينفع نعيش مع بعض يكفي انه اتهمني كثير في شرفي وامي واخواتي والله تعبت ودائما يردد هالايام بعد ماولدت من اربع شهور انه يبي يشوف حياته مع اني اوفر له الهدوء والراحه والاكل الزين وانا انيقه وناعمه وكثير يجرحني ويمللني من الحياة معه حتى علاقة الفراش اصبحت باردة جدا وكأنها مجاملةفقط والله مليت وافكر بالطلاق هل اصارحه بأني دريت ولقيت ايضا صورة لها في جواله لكن بس شعرها من ورا والله اكتب وانا ابكي خلاص ابي اروح لاهلي بس المشكلة بعيدين انا في الرياض وهم في الشرقية والله تعبت وانا الحين ماخذه اجازة امومة عشانه تكفون اللي تقرا رسالتي تسلعدني وتدعيلي والله اني مهمومة... جزاكم الله خير

96 تعليق 7,088 مشاهدة

شاركي في النقاش

سجلي الدخول لإضافة تعليق.

التعليقات

88
  1. اســــــــأل الله أن يفرج همـــــــكـ ويبرد على قلبكـ ..
    ماحبيت أمر واطلع كـــذا ,,,
    يلآلآلآ يابنـــات صحبـــــــات الخبرة .. لاتخلون أختنا وحيدة ..
    الله يكون معك ........
  2. @momnh_2

    أسأل الله أن يفرج همك فرجا عاجلا غير اجل

    اختي حاولي معه انك تصلحي العلاقه مابينكم

    حسسيه بوجود اربع اطفال

    وانه مسؤول عنهم وانهم محتاجين وجود اب وام واعين وقدوه لهم

    كوني جدا مرنه معه حتى لو حاول يستفزك تغاضي مؤقتا الى ان يشعر بالذنب

    حاولي من جهتك حتى لاتندمي بعدين

    الله يهديه يارب ويهدي كل زوج خائن

    فعلا هالايام مافي امان

    الله المستعان
  3. الله يفرج همك
    بس بصراحه أنا أشوف الطلاق موحل
    انتي كذا استسلمتي له
    لازم تواجهينه بخيانته هو يدري انك تدرين او .. لا
    لمحي له بطريقه غير مباشره وشوفي رده
    سبحان الله يتكلم عليك وعلى أهلك وفي الأخير هو اللي يخون
    أنتي لازم بالأول ماتعطين فرصه لهالبنت تفرق بينكم لازم توقفينهم عند حدهم
    لاتطلبين الطلاق خليــــــــــــه آخر الحلول
    بالنسبه للمشاكل تصير عادي في كل البيوت ..
    أهم شيء الحين المصارحه مع زوجك
    الله يسعدك ويوفقك ويصلح بينك وبين زوجك
  4. الله يفرج همك وييسر امرك
    الحمد الله انك موضفه علشان ماتحتاجين له ولا تكونين عاله على اهلك
    ولما يشك فيك قوليله كل واحد يشوف الناس بعين طبعه
    وهو راح يفهما

تابعي تجارب أخرى من هذا القسم.