ابرة الظهر تكفون

انا بصراحه كنت مقتنعه فيها لكن اليوم سمعت قصه وافجعتني وحبيت انقلها للاخوات للفائده..
وحده من جماعتنا اخذتها وهي تولد في مستشفى خاص في بريده وللاسف صار عندها انخفاض شديد بالضغط وانتقلت الى رحمة الله الله يرحمها ومن ساعتها وانا مرعوبه بصراحه واقول اتحمل واصبر وكل شي على اجر ان شاء الله ولحضات وسبحان الله وتتيسر من عند رب العالمين ان شاء الله ..
وبعدين الان ولله الحمد الوحده تولد بمستشفى وعندك ابر واكسجين لتخفيف الالام ومعك ربك قبل كل شي مو مثل وقت جداتنا الله ان شاء الله يكتبلهم الاجر ويطول باعمارهم ...
والله ان شاء الله يسهل لنا وياكم يااااااااااااااااااااااارب اني اسالك هون الطلق وحسن الخلق...

السلااام عليكم . انا اخذتها بمستشفى دله . عطتنياها دكتوره جيان وهي اخصائيه تخدير . تداوم 12 ساعه و 12 ساعه شفت لدكتور ماعرف وش اسمه. بالنسبه للابره اخذتها وهو مفتوح 4 سم . لاني اخذت طلق صناعي من البدايه بحكم ان مامعي طلق ابدددد. وبصراحه حلوه ومريحه . بس وقت الدفع ماطلع البيبي الا بالجفت . وبالنسبه لتاثيرها بعد ماتضربينها تنمل رجلك شوي. ويمكن ينخفض الضغط ويصير لك زغلله بالعين . هذا طبعا كلام الدكتوره لانها قالت هالاحتمالات وارده ولا تخافين لو صارت . بس الحمد لله ماحسيت فيها . اكيد طبعا ماحسيت بالجزء اللي تحت كلللللله . الا بعد ولادتي بساعتين . ويحطون لك قسطره للبول طبعا من يضربونك اياها. اللي يخوف بصراحه شكلها انصحكم لاتشوفونها . كانها ابره الحمير هذيك الفضيه الكبيره . تروووووووع . بس مع العلم انه قبل لايضربونك ايياها يضربونك بنج بالمنطقه ثم ابره الظهر علشان ماتتحركين من الالم . لانهم يخلونك راكعه وانتي جالسه ومستنده على مخده . بس تعقيم وحركات ومحاليل . الله يعين بسسسس . واي استفسار انا جاهزه . بس اللي ودي اعرفه هل من الممكن اني اخذها مره ثانيه . لاني سالت دكتوره انجي بدله تقول انها اخذتها بنفسها اربع مرات بعدد اطفالها . عاد ماادري صادقه والا لااا . تحياااااااتي

خخخخخخخخخ فطستيني من الضحك وخصوصا الركوووووووووع وش ذا ....
بس وش حادك :angry2: الحمدلله على السلامه وحابه استفسر بعد ما خلصتي الولاده بعد ما انتهى البنج واثار الابره وش الاعراض الي حسيتي بعدها بالتفصيييييل وتسلمين :)

أنا يابنات دايماً قيصرية و أغبطكم على الطبيعي ماشاء الله لا قوة الا بالله عشان سبب واحد عشان ما أنحد على البنج ومخاطره وإبرة الظهر جايبتلي القلق لأن البنج العام مضر بالنسبة لي يعني منحده عليه كذا والا كذا مو بكيفي ...

الله يقومكم بالسلامة وما تحتاجونها .. وجزاكم الله خير على المعلومات ..

امس قريت في عكاظ الطمأنينه و الامان في الولاده بدون الم
طالعتنا «عكاظ» في عددها 14822 بتاريخ 8 ربيع الأول 1428هـ بمقال عنوانه «الولادة بدون ألم أسرع طريق للشلل» وبداية ازعجنا اقترانها بالشلل في العنوان وبعد قراءتي للمقال وجدت مجموعة كبيرة من الناس يقرأون عنوان الخبر دون تفاصيله مما يؤدي الى انتشار معلومة طبية خاطئة للأسف تقضي على جهد كبير من الطاقم الطبي، ولفت نظري ما ذكر عن الانقسام الطبي حول مادة الابديورال المخدرة ونود ان نوضح بداية انه في العشر السنوات الماضية لم ينشر بحث واحد في المجلات العلمية العالمية أو المحلية يشكك في فعالية وأمان هذه الحقنة أو يحذر من استخدامها خوفا من مضاعفاتها فهناك شبه اجماع عليها، ثانيا: فهي تستخدم بشكل شبه روتيني اثناء الولادة في الغرب والشرق الأقصى باستثناء اللاتي يفضلن الاحساس بالألم اثناء الولادة انها تخفف التوتر العصبي وما يصاحبه من افرازات لهرمونات الكاتيكولامين بما لها من آثار سلبية على القلب واطالة زمن الولادة ويظهر هذا جيدا في الحالات التي تعاني من أمراض قلبية، وجدير بالذكر ان الحبل الشوكي ينتهي عند الفقرة القطنية الثانية بينما تعطى كل من حقنة الابيديورال أو التخدير النصفي بين الفقرتين الرابعة والخامسة أي بعيدا تماما عن إحداث أي ضرر مباشر بالحبل الشوكي ولكن لا بد أن نذكر هنا ان الخبرة الكافية مطلوبة لتحقيق الأمان والفعالية لهذه الحقنة بالاضافة الى الامكانيات الحديثة.
د. حصة الدهامي رئيسة قسم النساء والولادة
د. محمد مخلوف استشاري تخديرمستشفى قوى الأمن