بنات صار لي موقف يوم الخميس عند أهلي
اسمعوا وأفتوني اللي عندها أي معلومات
بنتي إلى الان تمغص مع أنها ماشيه بالرابع وكانت تمغص بقوه وأنا شايلتها على يديني ولما أشتد المغص حطيتها بالأرض على بطانيتها بروح أجيب لها دواء المغص الا وهي تصيح وتصيح وتصارخ ولما رجعت لها وشلتها كتمت ماعاد طلعت صوت وانقلب وجهها أزرق وصارت رقبتها تتأرجح كأنها خلاص بتموت وأصرخ وأطلع لأمي من الغرقه وأنا أصيح وأنا شايلتها وقلت يمه بنتي بتموت الا عاد أمي أردى مني قعدت تصايح في مكانها ( دقتها أم الركب ) وماعاد قدرت تتحرك زين اللي شغالة أهلي السريلانكيه كانت سنعه لقطت بنتي مني ورشت عليه مويه ومسكت خشمها شوي لين بدا يرد فيه الروح
طولت عليكم السالفه بس من جد أنا خايفه يرجع لها اللي صار هالحين من خوفي بس تقول آ تشوفوني أطمر من الخوف وأشيلها وماعاد صرت أخليها على الأرض دايم شايلتها :09:
وماعليه أنا أتحمل بس والله قلبي عليها يوم رحت الدوام أمس أخاف هالشغاله تخليها وتهملها مع أني محذرتها وقايله لها خلاص طالما أنا بالدوام لاتسوين شي بالبيت خلي بالك من البنيه ولما أجي أمسكها وانتي أشتغلي ومع ذلك مارتحت جان وأغيب اليوم :(
من صار لها مثلي تقولي
شاركي في النقاش
سجلي الدخول لإضافة تعليق.
التعليقات
11- هلا فيك خدين الروح سلاامات ما تشوف شر الأموره
معليش حبيبتي يمكن بكت كثير وماقدرت ترد نفسها فمره ثانيه خليك حريصه انك ما تتركيها وهي تبكي
بعض أطفال في السن هذا بيتأثروا كثير لمن تتركيهم وهم يبكوا
عالعموم في بعض مواقف تحتاج منا ثبات وحسن تصرف والصراخ ماراح يحل المشكله لكن التأني
والتفكير في حل سريع راح ينقذ الموقف
الله يكون في عون كل الأمهات ويحفظ لنا أطفالنا من كل شر . - أسأل الله أن يشفيها وبقر عينك بصلاحها ..
وإن شاء الله فترة وتعدّي .. أتذكر إخواني الثلاث الصغار كلهم كانت تنتابهم الغشوة ..
وحتى أولاد أختي .. لكنها فترة .. إذا كبروا تختفي ..
وكلي أمرك لله تعالى .. ولو عرضتيها على طبيبة شعبيّة متمكّنة أفضل
فلديهنّ خبرة كبيرة في هذه الأمور ..
ألف لا باس عليها - الله يكون في عون كل الأمهات ويحفظ لنا أطفالنا من كل شر
أسأل الله أن يشفيها وبقر عينك بصلاحها .. - الله يكون بعونك انتبهليها من الصياح
اذكر بنت خالتي وهي صغيره كذا ويوم كبرت بنتها صارت كذا بهذلتها فتره بس وتروح ان شاءالله - اهم شي ماتخليها تبكي عشان ماتكرر ان شاء الله وانتي عوذيها قبل ماتطلعين
مواضيع مشابهة
تابعي تجارب أخرى من هذا القسم.