ملتقي المصريات المغتربات

بدودة ياقمرة

مساء الورد

فعلا كل الكلام اللي قلتيه فعلا بيحصل معايا

دائما لما باكون متضايقة او في مشكلة بأصلي وادعي ربنا بعد الصلاة واوقات كتيرة باشعر بالبكاء الشديد في اللحظة دي باحس ان ربنا قريب مني - تصوري بأضع رأسي علي الأرض ساعتها وبأحس اني وضعت رأسي علي صدر امي - في لحظتها بأشعر بحنان من ناحية ربي مافي بعده حنان وعطف
وتصدقي اني بأقوم وكأن لم يحدث شيء ولا بكيت وبأشعر بفرحة غريبة - سبحان الله شيء ماله
تفسير

وساعات كتيرة بأصلي وبعدين افتح المصحف عشوائي بألاقي نفسي عند ايه بترد علي وعلي حالتي
تصدقي ساعتها بأبكي بكاء شديد , لأني بأشعر ان ربنا قريب مني جدا لما باكون حزينة

واتعلمت اني لا أحمل هم الغد ابدا لأنه من صنع الله وحده.

متفكرونيش بموضوع الاهل ده
لان انا اتجوزت وجيت على هنا على طول
طبعا من الاول محدش بيتصل بى غير اسرتى وخالتى وبس
لا خالاتى التانيين ولا عمامى ولا اى حد تانى
بيطمنو على من ماما وخلاص
جوزى كان مستغرب قوى ان محدش بيسال على بقوله هو ده العادى بتاع المصريين بيطمنو على البنت من اهلها ولو فى حاجه لا قدر الله بيتصلو بيها لكن طول ما الامور تمام مبيتصلوش يقولى بس انتى بنت ومتغربة جديد ومع غريب ومكانوش موافقين عليه اشمعنى لما اتقدمتلك الكل هب وعمل نفسه قلبه عليكى وقام واتكلم ودلوقتى حتى مش مكلفين نفسهم يرفعو سماعة التليفون يقولولك عاملة ايه ومرتاحه ولا منكد عليكى عيشتك؟؟؟
طبعا انا مش مستنية الكلمتين دول منه وهو عنده حق فى كل كلمة رغم انى كنت بقاوحه عشان مطلعش عيلتى وحشة ومقصرة معايا
وزى ما رندا قالت مستنيين ان انتى اللى تتصلى وتودى وتسالى وهم لا
ده جوزى اللى اسمه راجل ومتغرب قبل ما يتجوز بقاله سنين يعنى اهله اتعودو على غيبته عمامه وعماته بيتصلو بيه يسلمو عليه من غير ما يكون فى مناسبة
وانا عمى كبير العيلة مفكرش مرة يقولى ازيك على الاقل حتى عشان يحسسو جوزى ان لى حد يسال على غير امى وابويا واخواتى

للاسف خلاص محدش بينفع حد وكل واحد بيشيل هم نفسه وبس

كتكوتة وبداية ونهاية شكرا على اهتمامكم الحمد لله هو تحسن شويه لكن التهابات الحلق دى متكررة وحتجننى الله يشفيك يا مودى يا حبيبى
نرجع تانى للارض....قصدى للجذور فى رأيكم ايه السبب اللى خلى الناس تبص للمغترب البصة دى؟؟

كلبوز ياقمر

انا شريرة خالص واروبة جدا جدا , جريت بسرعة زي الدودة علي موقع الأبراج وطلعت مواصفات

برجك الجوزاء , :42: شوفتي قالوا ايه

برج الجوزاء :-

متكيف وفصيح ومرن وعقلاني ومفعم بالشباب والحيوية

أفضل شريك له القوس - واسوأ شريك له الحوت

اللون المفضل هو الأخضر

حجر الحظ هو العقيق

يحب كل ماهو جديد وغير مألوف والتنو والقراءة

لايحب الروتين والتقيد والخمول والوحدة

الحياة بالنسبة له لعبة مرحة

حنونة ومهذبة وكريمة - تكافح لتكون دوما صادقة ومستقيمة - تملك الذكاء الحاد والحدس القوي

وقادرة علي الجمع بين المهارات اليدوية والعقلية معا

شوفتي انا أروبة ازاي:42:

طيب شوفيلى الاسد يا رنودة