مين كانت تخجل و بطلت؟
السلام عليكم.رح أدخل بالموضوع على طول.
أنا قبل ما أتزوج كنت أخطط لحياة زوجية رائعة مليانة فرفشة و رومانسيات و...
صحيح ما كنت أعرف حيل النساء و افكار لليالي الرومانسية بس كنت أحكي هالأشياء رح أتعلمها مع الأيام.
المهم..أول زواجنا كان زوجي دااااايما يحكيلي إنت حساسة كتير..رومانسية..ما بحب تمزحي معي قدام أهلي.. ما تسوي هيك و ما تعملي هيك...
وكنت دايما أتنكد و أسكت و اللي زاد الطين بلة إنه بعد زواجنا بخمس شهور سافر لمدة سنة ونص كان يجي فيها كل شهرين او 3. والمصيبة انه رجع متغير بزيادة..
ما يحب الشموع،ما بحب ألبس قصير،الرومانسيات ما يستسيغها و يعتبر انه ما إلها داعي.
و في هذي الفترة كنت حامل وتعبانة كتييير فنتيجة كل هالأمور اني لغيت كل الفرفشة و الرومانسيات و صارت حياتنا روتينية ومملة
وصرت أحس عمري بالخمسين و لبسي و حركاتي وعلاقتي مع الناس تغيرت لتناسب عجوز الخمسين.
من سنة ونص ولدت بنتي الثانية و صابني اكتئاب لمدة أشهر .
زوجي بهالفترة بدأ يتغير تدريجيا و صار يطالبني بالكلام الحلو و اللبس و الومانسيات و كل اللي كنت أعمله زمان وكان يرفضه
بس المشكلة انه ولليوم ما الي قدرة أرجع مثل أول.
احيانا احس السبب خجل و أحيانا انه ما ينفع بعد 5 سنين زواج أو لانه ما عاد يلبقلي.
ولمل اذكره باللي فات وانه هو السبب في عدم رومانسيتي اللوم علي و يحكيلي كان لازم تستمري و تحاولي تغيريني مش تستسلمي و تصيري هيك.
من سنة وشوي عرفت المنتدى و تعلمت كثييييير أشياء حلوة بس المشكلة في التطبيق. يعني بكون قاعدة معه و أحكي بيني و بين نفسي لازم تعملي الحركة هذي أو تحكي كذا ومع هيك بفضل الصمت. بحس كانه في شيء بيمنعني أحكي. وما أخبي عليكم صار ملمحلي بالزواج اكثر من مرة وانه انا ما بسمعه حكي حلو و ما بدلعه فيمكن يضطر و يعملها حتى لو كانت حياتنا ماشية تمام من ناحية الجوانب الاخرى.زوجي بعده صغير ما كمل الثلاثين ولو راح يتزوج مية وحدة بتوافق عليه.
بعرف اني طولت كثيييير بس ما في مين أفضفضله و أشكيله،فيا ريت اللي كانت في يوم مثلي أو كانت تخجل و بطلت تساعدني لاني خايفة توقع الفاس بالراس وما يفيد ني الندم ساعتها.
الله يفرج همكم و يسعدكم ادعولي و انصحوني.