ديوانية التوائم .. الجزء الرابع >> يرجى الانتقال إلى ملف جديد

أم زوزو ..
لا تضحكين ياحلوه هذا أنتي كتومه وكنت متوقعه أنك ماراح تصيحين وشوفي وش سويتي أجل أنا اللي أتوقع إني راح أقلب المستشفى فوق حدر وش تتوقعين راح أسوي؟؟؟؟؟؟؟؟؟؟

الثناء والحمد لله ..
ياعيوني لا تقلقين حمل التوأئم أتوقع بتشوفين فيه كل شي ..
وعن الألم أنا كمان زيك والله ماأقدر أنام من الألم اللي في بطني هو في كل مكان بس يكون أكثر تحت وأتوقع إنه من الثقل يعني جنينين وفي رحم واحد أكيد راح يظغطون من تحت وكمان أحس الثامن الألم زاد أكثر من السابع ..
لكن الله يكتبلنا اللي فيه الخير ونولد كلنا بالسلامه إن شاء الله..
وعن الحركه ..
أنا كل يوم أقعد من النوم أجلس أهوجس أقول اليوم ماتحركوا لكن مباشره أقوم أكل 3حبات تمر وقبل ماأكملهم تعالي شوفي الحركه الله يحفظهم تقولين حلبة مصارعه.. فأنتي إذا تبغين تتأكدين من حركتهم كلي شي حالي وشوفي..

بالنسبه للجنطه انا شاريتها من قبل اربع سنوات تقريبا حق بنتي الحين ما ادري موجوده او لا بس والله اقولها لكم لو فيه بترتاحين لان كل الاغراض اللي بتحتاجينها حق المستشفى للطفل موجوده فيه تقريبا واذا بتزيدين اشياء بسيطه وتنفع حق بعد المستشفى دورو بمذركير يكون اساسي عندكم يعني مو فرع صغير لان عندنا بكويت في واحد كبير في اشياء وااايده تنفع الوحده حق النفاس نفس اغراض المستشفى النايلون اللي ينحط تحت الوحده بالمستشفى فيه منه بمذركير واشياء وايده بس يبيله تنبشين عندهم لان اختي قبل ماتولد راحت لهم وانهبلت على اغراضهم وانصحكم بشفاط الكهربا من مذركير حيل يسااااعد سعره تقريبا بالعشرينات يعني عندكم ميتين ريال او اكثر شوي اختي استخدمته وتقول بدقيقه الرضاعه مليانه ومن غير ما اقعد ساعه اتهاوش مع صدري خخخخخخخخخخ ومعروف ان حليب الام يقعد بالجو العادي يوم تقريبا فاللي عندها توام تجهز الرضعه وتشفط لهم عشان ماتتوهق حتى حق الزواره ينفع بكون طبيعي وجاهز ولاحد داري انه طبيعي

<<< جنج كثرتي كلام

مشكوره اختي ضوري دايما مطمنتني بس انا اخاف اكل تمر لاني من اول شهر الي الرابع كان ينزل علي دم وقالولي ان التمر والعسل يرخي الرحم ويزيد التقلصات ما اعرف الكلام ده صحيح ولا لا

انا قريت بمواقع عن فائدة التمر وكل اللي كان مكتوب انه ينفع الحامل بدرجه كبيره فحطي بقوقل فوائد التمر وشوفي وآسفه دخلت عرض عليج وجاوبت