ديوانية التوائم .. الجزء الرابع >> يرجى الانتقال إلى ملف جديد

أنا البلسم .. وجوزاء..
أنا كل يوم أدخل أقول بسأل عنكم بعدين أقول لا لا أكيد الحين بيدخلون لكن لو دريت إن سؤالي بيرجعكم كان من زمان سألت لأني والله أفتقدكم ...
على العموم حياكم الله ولاعاد تعيدونها معليش أدري مالكم خلق تكتبون بس طمنونا عليكم ..
وبالنسبه للتجهيز ترى أنتوا متأخرين نصيحه مني حاولوا تخلصون والله الأشهر الجايه ثقل مو طبيعي..والله يسهل عليكم يارب..

السلام عليكم

أنا بعدني ما ولدت:icon33: ألف شكر لكل اللي سألوا عني

لا تحاتون اذا ولدت لازم بخلي حد يخبركم

ادعولي اولد بسرعة....انا اليوم كملت الاسبوع 37 والثقل صار فظيييييييييييع

نفسيتي صايرة زفته كله صياح في صياح من الالم

ياني من كم يوم وجع فظيييييع في عظام الحوض صرت لا اقدر اقعد ولا امشي

ورحت المستشفى قالولي الرحم فاتح 4سم...بس مافي تقلصات ولاده

ونوموني عندهم يومين..بس التقلصات ما زادت...الظاهر انه من ثقل البيبيات

وبعد ما ترجيتهم طاعوا يطلعوني...لأني كرهت المستشفيات...والحين انتظر تجيني الاوجاع عشان واروح لهم

دعواتكم يا بنات

حبي الامارات
ان شاء الله خير ما دام الرحم مفتوح 4 سم ان شاء الله الولادة قريبة يا رب. انا يوم نزل علي الفرازات كنت 1سم وبعدها بيومين جاني الطلق... الله يسهل عليج

حياك يالغاليه حبي الإمارات ..
على بالنا ولدتي وماخبرتينا على العموم الحمدلله على سلامتك وماتشوفين شر الله يسهل ولادتك يارب ويقومك بالسلامه أنتي وأطفالك ..

هلا فيج ام زوزو...بس انا ما نزلت علي افرازات....والله من ويع عظامي صرت اقول للدكتورة ولديني باي طريقة لأن الضغط فظيييع تحت قالت لي لا احسن بننتظر لي الاسبوع 37

المشكله ان التقلصات تيني قوية...وبعدين تروح ولا كأن فيني شي:icon33: والله يوم احس تبدا التقلصات افرح اقول خلاص بولد وعقب يروح

الحمدلله على كل حال