جرحي عميق

مساء الخير
حقيقة أنا ترددت كثير في اني أطرح مشكلتي هنا لكن في الأخير قررت أني أطرحها وكلي أمل أن أجد منكم العون والمساعده
راح أدخل بالموضوع على طول
أنا قصتي بدأت منذ سنتين تقريبا تعرفت على شاب من خلال الشات (( أرجوكم لاتسيئون الظن في ))
المهم كنت أدخل للدردشة وقضاء وقت الفراغ فقط دعاني أحد الموجودين للمشاركة في منتداةوسجلت في هذا المنتدى وكنت أرفض بشدددددددددده اعطائة الايميل والله العظيم يابنات ماكنت بتوقع اني بعطي شاب ايميلي أوا أكلمه محادثة خاصة كنت بالعام فقط لكن صدق الانسان ضعيف والله كنت اتعجب من البنات الي يدخلون محادثة خاصة مع الشباب وكثير ماكنت ادخل للشات وانصح البنات واجيب لهم قصص من الواقع!!! المهم مع الوقت تطورت العلاقة حسيت اني صرت مدمنة للشات بسببه كان يطلب الايميل يقول عشان اتواصل معك وكنت أرفض لكن مع مرور الوقت حسيت اني ما اقدر اقطع علاقتي معه صرت ادخل الشات بس عشانه واستمرينا على هاذا النحو تقريبا 6 شهور وهو والله كان قمة في الأخلاق والتعامل وكنت اعرف كل شئ عنه من خلال المنتدى(( كان المنتدى رسمي باسم مدينته)) وكان يطلع فيه اسمه كامل واحيانا تكون فيه مناسبات في مدينته يغطيها المنتدى ويطلع اسمه كامل وهذا الي خلاني اثق فيه قالي اسمه الحقيقي اول ما عرفته وقال كل شئ وكان صادق في كل شئ يقوله المهم أنا صرت أصدقه في كل شئ لأنه كان صادق المهم مع مرور الوقت الشات كان احيانا يصير فيه مشكله وما اقدر ادخل فكنت أحس اني بنجن لو ما دخلت فأضطريت اعطيه الايميل علاقتي تزيد به كل يوم عن اليوم الي قبله حسيت انه كل شئ بحياتي وكنا طوال السنة نلتقي يوميا من خلال الشات في البداية وبعد كذا الماسنجر ونقضي وقت طويل وكان يقول انا صرت مدمن نت بسببك وأنا كنت اقول نفس الكلام مرت سنه على هاذي الحال كان كل مايسألني أنتي من وين أرفض أعطيه أي معلومه عني مع حبي الشديد له الا انني كنت أرفض أقوله أي شئ عني مدري كنت أخاف يعني ماعندي ثقة بالشباب كان كل مايسالني عن اسمي أقول ما أبي أقولك بصراحة قممممممة التناقض مدري ليه اسوي كذا بس كنت أخاف بس في الوقت نفسه والله العظيم يابنات احس أني أحب هذا الشخص لدرجة الجنون وهو عارف هذا الشئ ويقول لي انتي تكابرين المهم هوياس من اني أقول له من أنا واللا من وين؟ المهم في الصيف الي راح انخطبت لولد عمي ومن هنا بدت المشكلة أنا مقدر أقطع علاقتي بهاذا الشاب أحس انه صار جزء من حياتي أحببته من كل قلبي وصار هوكل شئ بحياتي في نفس الوقت مقدر اضيع مستقبلي وخاصة ان ولد عمي هذا أي بنت تتمناه لكن قلبي كان مع هذا الشاب المهم قررت اني اقول عن خبر خطوبتي فسألني من من وقلت له ولد عمي وسكت وسكت هو مدري احس انه فهم اني ما ابيه لكن انا كنت انتظر انه يقول شئ لكن هو ما قال شئ المهم تم الزواج والله لايوريكم البنات يفرحون بزواجهم وانا والله ما توقف دموعي أحس قلبي ومشاعري ملك لهذا الانسان افكر فيه ليل نهر وصورته ما تفارق عيني أحس اني مستحيل انسى هذا الانسان مادمت عايشه على وجه الأرض لي الان ما يقارب 8 شهور على زواجي زوجي كان يسالني ليلة زواجي أنتي مغصوبه؟؟ كنت أبكي تخيلو!!! من حسن حظي انه بعد الزواج بفتره بسيطة طلع تعييني في المنطقة الي فيها أهلي , زوجي في منطقة ثانية وفرحت يابنات اني بكون بعيده عن زوجي !!! الا ن انا في منطقة وهو بمنطقة يابنات ما اشعر بشئ تجاهه بالعكس أحس أني اكرهه مع انه طيب وحنون وكل الصفات الزينه فيه بس ما أحبه ولا اشعر بأي حب له ولا احب اسمع منه اي كلام حلو اتضايق مره اذا قال لي مثل هذا الكلام احس اني أكرهه!!قالت لي اختي انك بتنسين هذا الي تكلمينه وأنه هو السبب الي خلاك تكرهين زوجك لكن والله ما اعتقد اني بنساه تكفون يابنات انا محتاجه مساعدتكم ودعواتكم لي
أحس ان مشاعري وحياتي ملك لهذا الانسان أنا بين نارين بين مستقبلي وحياتي وبين حبي لهذا الانسان!!!

64 تعليق 7,793 مشاهدة

شاركي في النقاش

سجلي الدخول لإضافة تعليق.

التعليقات

60
  1. @rtosh_1

    الله يهديك بس كل هالصفات الحلوه في زوجك وبعدك متمسكه بانسان تخلى عنك صدقيني لو كان يبيك زوجه ماكان خلاك تروحين تتزوجين غيره

    تصدقين من زود اللوم الي بداخلي عليك ماني عارفه من وين ابتدي

    بس بقولك الانسان الشاتي بعمره مايبين بحقيقته يمكن لو تزوجتيه راح تكتشفين اشياء في اخلاقه ماتخيلينها

    بنت خالتي تزوجت من النت بقصه حب استمرت 4 سنوات وبالاخير طلع يشرب الخمر تخيلي 4 سنوات ماكتشفت هالحقيقه الا بعد ماتزوجته
    وخويتها واقسم بالله 6 سنوات علاقه وبالاخير تزوجته وتعرفين ايام الخميس والجمعه يقضيها في البحرين بعيد عنها

    احمدي ربك على هالنعمه ترى الزوج الصالح بهالايام الي نعيشها نعمه كبيره من رب العالمين
  2. ما اقول الا الله يهديك .
    يا اختي اتقي الله في زوجك فهو جنتك ونارك .احمدي ربك ان الله انعم عليك بزوج هذي صفاته . ولا تبطرين على نعمت ربك يسلبها منك بغمضت عين .
  3. @nd3

    صاحبة الموضوع
    رتوش الله يعطيك العافيه أختي الله يسعد قلبك تصدقين اني من الضيقة الي بصدري أفرح بأي رد بس أبي أحس ان أحد يسمعني والله حاولت وأنا أقول مثل كلامك أقول خلاص أنا قررت بنساه وهو مايستاهل اني اسوي كذا بنفسي على شانه بس أنا اقول هذا الكلام وأعرف اني اكذب على نفسي ما أقول الحقيقة
  4. @nd3

    صاحبة الموضوع
    همســ حب ــة
    ما اقول الا الله يهديك . يا اختي اتقي الله في زوجك فهو جنتك ونارك .احمدي ربك ان الله انعم عليك بزوج هذي صفاته . ولا تبطرين على نعمت ربك يسلبها منك بغمضت عين .
    مشكورة همسة حب الله يسعدك
    لكن والله ويعلم الله اني حاولت بكل السبل أني أتقرب من زوجي لكن أحس اني كل يوم ابتعد عنه أكثر من اليوم الي قبله دائم أقارنه بالشخص الي حبيته أقارن شكله أسلوبه كلامه الحلو أحس اختلااااااف كبييييير بينه وبينه
  5. @mr_aabdallh

    الله يوفقك في زواجك وهذا الشاب انتي ماتحبينه بس الشيطان يهيئ لك انك تحبينه احسن حل الدعااء في آآآخر الليل ان الله ينزع حبه من قلبك ويزرع حب زوجك بداله وان يغنيك بحلاله عن حرامه اختي اتقي الله في زوجك انتي تقولي مواصفاته الكل يتمناها طيب انتي ماتدرين عن الشاب الي تكلمينه عن اخلاقه عن طبايعه ما يظهر لك الا كل شي زين طبيعي حاولي تنسينه كل ماذكرتيه قومي على طول توضي وافرشي سجادتك وصلي وادعي بس انتبهي تبيني لزوجك شي وتذكري زوجك ومعاملته معك والله يغنيك بحلاله عن حرامه

تابعي تجارب أخرى من هذا القسم.