ساعدوني..وضعية نوم الحامل!!

السلام عليكم..
ماابي اطول عليكم
انا حامل بكرية ومااعرف وش الوضع اللي يضر الطفل؟؟
ناس يقولون ان النوم على الظهر يضر..وناس يقولون لا تنقلبين على جنبك على طول (اقعدي بعدين انسدحي على جنبك)
وانا والله محتاره
ابي معلومه صحيحه وياليت تساعدوني

26 تعليق 22,364 مشاهدة

شاركي في النقاش

سجلي الدخول لإضافة تعليق.

التعليقات

24
  1. @smr_alhot

    الي أعرفه انه الحامل وخاصة بالأشهر الأخيرة تنام بأستمرار على الجنب اليسار
    علشان تسهل ولادتها ونا اصلاً ما أقدر أنام على ضهري ونا حامل
    والله يسهل لكِ عزيزتي
  2. الله يسهل عليك انا مثلك بكريه ولاعرف شي بس انا من حملت مااعرف انام لاعلى ظهري ولابطني

    فأنام ياعلى جنبي اليسار او اليمين يعني على الوظعيه الي تريحك راح يرتاح الجنين فيها

    والله يوفقك وان شاء الله البنات يفيدونك اكثر
  3. @a_ylaf_1

    بالنسبه لي لما اكون حامل اول الشهور عادي انام على كيفي الا على بطني اخاف ولما الكرشه تشرف اصلا ما اقدر اتقلب الا اذا قمت وغيرت الجهة اللي كنت عليها والنوم عالظهر مستحيل وخصوصا بالاشهر الاخيره

    لكن لو نتفكر الطفل سبحان الله محفوظ من رب العالمين لانه بكيس وحوله الماي وهذا كله اسباب تحفظه والله اعلم

    الله يسهل عليج وتمم لج حملج
  4. @ana_alblsm

    شوفي يالغلا
    النوم على الظهر يمنع الغذاء ومايوصل للجنين وهذا الكلام طبي
    الافضل النوم عاى الجانب الايسر ومافي مشكله اذا نمت ع اليمين وحاولي تحترسين وانت تتقلبين ومو شرط تاخذين استراحه وتجلسين بين الشوطين والله يعينك

تابعي تجارب أخرى من هذا القسم.